//支持本Page請Click入內文比Clap,謝謝!//
美國總統特朗普於同中國副總理劉鶴,就中美貿易戰達成第一階段協議後,順帶同劉鶴提及香港問題時,發言全文如下:
“We discussed Hong Kong and I think great progress has been made by China in Hong Kong, and I’ve been watching and I actually told the vice premier it really has toned down a lot from the initial days of a number of months ago when I saw a lot of people, and I see far fewer now,” Trump told reporters Friday.
“I think that’s going to take care of itself. I actually think this deal is a great deal for the people of Hong Kong to see what happened. I think this is a very positive thing for Hong Kong.”
好多人為咗呃Like,就住呢段嘢作出不同「超譯」,一時又話「侵侵話香港可以搞掂自己,意思其實就係叫中共唔好直接或間接通過林鄭、建制、中資、鄉黑干預香港自治。」;一時又話「Trump要係香港幫佢轉移視線」、「特朗普同劉鶴一達成協議就出賣香港啦」……其實根本就無必要諗到咁複雜。
特朗普嘅訊息係非常明確:幾個月前我仲見倒好多香港人上街抗爭,而家少咗好多;而家我同中國Make咗Deal,呢個Deal對香港人係一件天大好事,相信咁落去香港問題應該會自己搞掂。咁唔想Trump Trump操勞再煩香港問題,咪唔好再搞咁多抗爭等件事慢慢平息囉;如果你想迫到Trump Trump唔理香港唔得,咪要將場抗爭有咁大鑊搞咁大鑊囉!
即係由特朗普第一次提及香港,去到今時今日都幾三四個月,對於仲有人未搞清楚Trump Trump對香港嘅路線原則,係感到非常震驚:
1. 好明顯,佢對香港係劃咗紅黃綠三條線,其中一條中共絕不能跨過嘅紅線就係「解放軍入城」──中共多次想兵臨香港最後卻硬生生煞停,就係因為特朗普唔比呢件事發生;
2. 至於第二條黃線就比較曖昧,因為係要「阻止美國企業同僑民響香港嘅利益受到嚴重損害」──究竟咩叫嚴重損害,係可以有好多唔同解讀,呢個只能夠係依靠白宮幕僚作出嘅評估──早前白宮顧問Michael Pillsbury撰寫嘅行動備忘錄入面提到,其中一個建議制裁中共政府嘅手段為:「一旦在香港的自治不被尊重下,阻截中國內地與香港間的資本流動」,其實就係一個參考;
呢方面我地可以做到嘅唔多,唯一係依靠國際文宣令美國人接受「香港民主人權法治受到破壞,等同於損及美國利益」。
3. 但係之後仲有一條綠線,就係因應各種非原則性嘅考慮,對香港作出嘅聲援。同中共踩過紅黃兩線就會遭到美國實質威懾唔同,美國就住呢條綠線嘅反應可能比較溫和,但始終都係對中國施壓嘅一種方式,而且亦係我地最能夠影響嘅一條線:例如高舉美國旗、有Trump個名嘅標語、大叫「Make Hong Kong Great Again」就係例子。
大家要知道,對於特朗普黎講,香港係佢一眾心煩之事之中嘅其中一項,所以好多時候都要依靠各種參考、甚至一種好空泛主觀嘅感覺而定──最簡單嘅就係你抗爭之火熄到咁上下,佢咪覺得你地香港人經已無乜不滿、美國咪無乜需要介入、等你地自己拆掂佢囉。
所以之前有班和理非中計黨四出散佈:「響《人權法案》通過之前勇武派之千祈唔好再搞破壞,否則就會中計!」,結果中係中咗計呀,不過係你班和理非懵撚中咗計丫嘛!
成日怕激嬲共產黨、又怕中林鄭計搞到《緊急法》加辣、仲要怕抗爭場面太暴力影響國際觀感……結果呢?特朗普其實就係代表咗大部份美國人,佢地根本分唔清你香港幾個月以黎發生嘅各種細節;總之佢地有一個「香港好大鑊」嘅印象,就覺得美國政府有責任出手干預。但一班由和理非左膠組成嘅中計散水黨,就偏偏帶住個相反風向走,叫抗爭者多一事不如少一事──呢班垃圾其實經已唔係蠢咁簡單,而係真正搞緊分化、破壞緊場運動,需要嚴厲譴責。
所以唔撚該往後班黃屍唔好再同我講乜撚嘢「勇武抗爭會影響國際觀感」;而家全世界我地最需要顧及果位美國總統個觀感就係:「場火就黎熄啦,即係唔駛我幫手啦。」
一定有人會問:咁跟住落黎點?響度我貼番一條「抗爭物理方程式」比大家參考下:
參與人數X勇武程度=抗爭衝擊力
簡單黎講,就係抗爭參與人數同抗爭嘅勇武程度,其實同樣係對抗爭所產生嘅效果都起住非常重要嘅作用:你參與人數就算點多都好,如果做埋啲嘢都係和稀泥,就好似無論一個幾大嘅數乘以0,個答案都一樣會係0;相反,人數如果唔夠多,就好自然係要靠提升個勇武程度,先至可以維持番住個衝擊力。
所以我唔理你班和理非重新搞多幾次百萬大遊行又好、和理非行動作全面升級又好,總之就咪撚阻膠住前線做嘢,唔好再講乜嘢「勇武派太激會嚇走班淺黃」,從來都係因為你班和理非無能,先至令勇武派焗住升級;同埋亦唔好再講咩國際觀勢逆轉,因為你班垃圾連咩叫國際形勢都唔知係乜,出少句聲當幫忙。
Search