［大師冇點你！］講股票啫，冇事嘅。本人都持有安踏（2020）。又到月尾呀下，訂Patreon嘅我會回水一個月。
拿，叫咗買Nike！我都早早買咗。仲係棉花事件嗰時佢股價勁跌（＊）時叫買。我甚至上蘋果節目都係咁講，不過嗰期佢地興炒meme股，就唔多理我，好快拉開咗個話題。
剛剛Nike出業績，強到不堪，股價升14%。平時推啲大嘢又話唔郁，升咗又話有冇啲未升嘅，啲友真係四方西。中國銷售當然都OK，況且係2-5月，已經包含埋棉花事件嘅影響。同你之前睇Adidas 1-3 月又更加唔同。（係呀，Nike嘅「第四季」業績係2-5月，Adidas嘅「第一季」就1-3月）
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
甚至話埋你知，買Nike好過Adidas．係喎，原本Nike係跑輸的—但，我寫嗰時買咪跑贏。就算你計年初至今，計埋呢一棍，就Nike跑贏啦。「雖然其實年初至今兩隻都跑輸大市」
雖然我本人好少Nike產品，主要都係Adidas—捧德國嘛。Nike is for 荷蘭朋友。但，投資還投資。正如我唔著安踏都可以買，唔好以為自己嘅品味就全世界。麥當勞夠劣食啦，全世界最大餐飲股喎（咁你可以話佢做地產嘅）
呢度順手帶出三個好簡單嘅課題：
第一，講政治個撚個都（當自己）係專家。但之前Economist 嗰篇講得好，啲乜乜國家級嘅安全顧問，出嚟自己搞Global Macro基金做 Geopolitics（用英文即時有型啲），咪又係食晒屎。咁你叻過基辛格（舉例）？你內幕多過蓬佩奧侵侵？所以識玩，就梗係開consultancy firm。因為唔會錯
第二，正如以上講，政治嘅嘢，同風水差不多，呃你十年八年。若然未報時辰未到，今日唔爆聽日爆，下年唔爆十年後爆。但你真係落場買係另一回事。If you are so fucking smart, why aren’t you rich？（＊＊）唔落場嘅講乜都係假。咁你話，閣下Patreon都係咁？係丫。但首先，我一路都話你知有呢個問題。二來，我自己亦有買埋一份。三來，有勞蘇基金嘛。一唔掂嘅，啲友就走啦，同你有親？
第三，正經講。正如樓上講，Nike Adidas股價係跑輸大市嘅，棉花事件前已經係。之前亦因為出唔切貨，全球貨運阻滯嘛，上一次業績係唔得的，之後都跌咗輪。然後爆埋棉花事件就再跌多嘢。但：咪就係因為多壞消息，先會跌咯！定你覺得啲公司會無緣無故勁跌10% 20%畀你買？冇壞消息點解人地要賣畀你？
Patreon我成日都引一句：Successful investing is having everyone agree with you………..later
個Later先係精華所在。只係你啱，但市場上個撚柒個都知嘅嘢，對你投資係冇乜幫助的。呢個亦係「第一」同「第二」嘅問題。
至於今次Nike業績？而家Patreon即寫。記得訂
我知月尾，但中一隻夠你畀幾年訂閱費啦（讀者講嘅）。咁循例啦，月尾訂嘅，你亦可以睇返晒以前啲文（＊＊），而下個月我係會回水一個嘅—但當然你要下個月（7月）都仲係訂緊，順手賀我生日。即係你免費睇幾日，同埋以前嘅所有文咁。睇過覺得廢嘅，咪退訂，都係一舊水啫。「一舊水」而家都唔止一舊水啦。
（＊）既然啲友幾百點都叫大跌，咁5%當然係勁跌。等於恒指跌1500點喎！道指跌1700點喎！仲唔係股災？
（＊＊）咁有人問，閣下又有幾fucking rich？咁答你：我唔係fucking smart，所以唔係fucking rich。但我自問smart過唔少人，所以rich過唔少人。滿意冇？其實有幾撚難明？
（＊＊＊）實情都有讀者研究過，「咁咪好似越遲訂越抵？」。但，呢啲嘢要浸嘅，你浸少一日，功力咪少一日。我亦唔想好似人地賣相咁，個個月將啲Post鏟晒佢。因為我啲文係環環相扣的。
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
