如果你好鍾意一匹馬,唔使追,因為一定追唔到,你應該去種花種草,等到適當嘅時候,隻馬就會自己過嚟。
咁如果呢隻馬都係冇跑返嚟呢?
重要咩?你到時已經為自己種咗花種咗草,唔再係兩手空空,之前隻馬唔返嚟,其他馬都會走近你。
當時對住一個失戀嘅朋友仔Claire,講咗以上一番說話,佢係肥妹仔一名,中五畢業之後冇再進修,英文都唔敢講多句,所以一直留喺一間得4個人嘅細公司做文職,從未諗過轉工,心態上已經等緊做人老婆,同拍拖7年嘅男友拉埋天窗然後相夫教子。
不過後來佢男友識咗第二個,其實冇話邊個啱邊個錯,拍拖呢啲嘢合則來不合則去,問題係Claire放唔低,一直做好多大大小小嘅事希望可以復合,包括整飯盒送去前男友公司、織頸巾、等放工、陪人哋阿媽飲茶……最後唔成功之餘,仲令到個ex好反感。
Claire日日喊苦喊忽,當時都有一刻驚佢做傻事,但我已經諗唔到乜嘢安慰說話,唯有講啲好正面嘅嘢搏一搏,就係叫佢進修下英文,一來唔使咁多時間胡思亂想,二來提升自己喺社會嘅競爭力,最重要係做下運動,咁樣對身體都好啲。
我記得Claire好唔理智咁答咗我一句:「有用咩?前男友都唔會返嚟啦!」
我:「重要咩?當你變得更好,自然會有其他選擇,唔會得一條路咁窄。」
後來Claire各方面都變好咗,雖然前男友都係冇返嚟,但真係唔再重要喇,因為佢已經轉咗工,識嘅人多咗,世界又大咗,男友都轉咗兩個,最起碼佢過緊自己認為開心嘅生活,事業同愛情都有得揀,一個人有選擇,所有嘢就會變得不一樣。
馬仔嘅比喻我都係聽返嚟,最近我又同另一個人講多次,不過佢唔係失戀,而係工作上好迷失,其實任何場合都好,記住呢個道理,一定會用得著,有時唔使刻意去追,做好自己,更好嘅人同埋事先至會行近你。
**淨係識收錢嘅Facebook又壞咗喇,本身share嘅jobsdb専欄show唔到出嚟,要麻煩大家click以下條link睇。(邊間公司嘅員工最叻呃飯食?我好肯定係Facebook班打靶)
https://www.facebook.com/41777525504/posts/10156780570915505/
jobsdb 呃 人 在 我是公關仔 Facebook 的最讚貼文
猶記得第一次見工,喺conference room等到發霉。最後,老細喺45分鐘後施施然入嚟,原以為老細有多美麗的原因,點知佢差在未打呵欠咁講咗一句:「唔好意思,今朝唔知醒。」見工嘅開場白當然係介紹下自己,讀邊間U、有咩興趣、做咩想入呢行,有咩雄心壯志…..點知老細越聽越眼瞓,咁就結束咗我第一個interview。然後,唔係好明點解,呢個好眼瞓嘅老細,竟然係喺兩個星期後請咗我。後來同事講返我知,其實老細見我等咗咁耐,就唔好意思請咗我。有時見工就係咁符碌,唔見唔知時運高。
第一份工做咗兩年幾,個市經濟好咗;經驗多咗,嘢又做多咗,開夜無日無之。但眼見經濟起飛,每年加咗幾個巴仙嘅人工,最後竟然同新入職嘅同事人工差不多,你話條氣點會順?所以我第一次轉工嘅原因,同大部份人轉工嘅原因一樣,係為錢。
第二次或以上見工,已經再無人問我讀邊間U,讀咩科有幾多個A,只會問你serve過咩客、攪過咩活動、寫過咩proposal、熟啲咩客,開展咗介紹舊team profile嘅生涯。第二份工見工時老細只係問咗一句:「我哋工時好長,你挨唔挨得夜架?」為咗高啲嘅人工同title,梗係心口不一,死都話得。結果個老細真係無呃我,唔單止挨夜,通頂嘅次數不計其數。喺果幾年,我仲識咗一班出生入死嘅同事,有驚風散一齊啪,痴膠花一齊做,客鬧就一齊頂嘅同事,每日返工都算Happy。然而時間做耐咗,old seafood卸膊賤咀妖魔鬼怪就會現形;原本同你好好朋友嘅同事,竟然突然變咗做為咗上位而篤你嘅鬼。喺果間公司最後嘅日子,壓力大到爆燈,每日返工都心煩氣燥,去到日日western mouth western face嘅境界,人都樣衰咗。一直忍忍忍到一個頂點,含住一泡眼淚無奈不忿,終於我都跳出咗comfort zone,轉咗工。
搵工這回事只係得一個真理,就係工作到達某一個頂點,要同公司或者你最頂唔順嘅上司同事客戶互相傷害厮殺時,自動出現。與其日日心臟病發般返工,倒不如俾個機會自己。到時一定會有人同你講:「拎埋雙糧bonus先至走啦」、「你可能由一個火坑跳入另一個屎坑」、「做生不如做熟嘛」。咩都好啦,若果份工令你忟到每日一個點,或者人工低到一個點,甚至係一個全世界只得你有嘅原因都好,頂唔順咪走囉。返工啫,同佢做人世咩?!
而當年公關仔第一份工,係上 JobsDB Hong Kong 搵嘅。雖然呢個post係廣告邀約,但以上嘅分享,的確係公關仔嘅親身經歷。作為打工仔,衷心希望大家都搵到份好工,搵到一個可以讓你大展拳腳,或者安心做到退休為止的好地方。
搵份好工傳送門:http://bit.ly/2JsKmvP
#廣告呀喂唔睇都埋嚟睇下 #一份好工可以做過世但一份爛工係唔需要同佢做人世 #若果唔啱就不如回頭是岸重新上路啦施主 #轉工就係終於結束的起點 #各位公關仔加油 #多謝大家睇到最後
JobsDB Hong Kong求職攻略:
張繼聰 Louis Cheung完美演繹 見工反面教材!
相關文章:
職場求生術:打發老屎忽同事的三大金句
HR顧問建議:愈講得多辭職愈難辭職
面試秘笈:李彩華小背心有助提高面試成功率?
更多求職資訊:http://bit.ly/2sjjyEp
jobsdb 呃 人 在 姐死姐還在 Facebook 的最佳解答
《有無見過一啲工,佢嘅application程序係麻煩過申請移居火星》
4月除咗係考試季節,仲係心急嘅畢業生求職嘅季節,我想同各位薯仔講,世途係比你哋想像更險惡,求職者係要非常警惕 ,同埋有時俾啲仆街公司搵你著數,唔使唔開心,唔係你豬,而係啲 公司太無人性,你心地善良真係好難同啲 仆街玩架。
前排同個朋友食飯,佢喺一間幾大嘅公司做assistant manager,有一日佢阿姐話「你去jobsdb嗰度登個ad 呀,話我哋請 xxx職位,entry level 嘅」
「乜我哋公司有請呢個post咩,新headcount?」
「無請人呀,時不時登job ad,見下而家嘅後生,scan下啲同行,叫佢嚟interview套下料,當做知道下行程,了解下其他公司嘅底細。咁樣 in完唔使請呢班人,又可以得到市場最新嘅消息,平過搵人返嚟做focus group或者搵agency做market research啦。」
「下!(唔撚 係呀嘛,齋in 唔請,我咪白做......)」
「上得嚟interview,佢必定竭盡全力表現自己,我哋套到嘅料仲accurate 過畀錢agency請focus group做訪問,得出嚟嘅市場結果一定更真實......」
我成日都話有時候啲 公司唔仆街,都俾呢啲 覺得自己好撚 叻嘅呀姐搞到間公司仆街,間公司嘅形象真係蕩然無存......
呢啲假請人,登job ad 套求職者料嘅行為,同呃人性交轉運有咩分別?呢啲行為真係非常唔道德。浪費人哋嘅時間,人哋真心誠意求職,你就喺呢班「弱細社群」身上 拎著數。曾幾何時呢啲阿姐都做過低層求職者,己所不欲勿斯於人啦。人哋真心嚟見工,真心付出換來無情嘅傷害。
我成日覺得香港人無咁折墮,心地無咁差,唔會做得出咁劣質嘅行為,但原來事實並非如此
最近聽到一位搵緊工嘅朋友表示,佢send咗封信去大公司, 大公司要佢做份proposal ,interview嘅時候要present三十分鐘俾公司。聽落好似幾正路,間公司有權選擇,有權提出呢啲咁harsh 嘅challenge,申請者都係願者上釣。後來朋友見唔成份工,佢發現呢間公司一年365日都會喺jobsdb登廣告請人,其他friend apply 過都係要求人寫proposal。你認真啲諗下成件事,呢間公司計落一年365日都唔使畀錢就有人為佢服務。呢啲大公司成日用自己個brand,大石砸死蟹。未見得成份工就要人付出勞力。
大家有無見過一啲工,佢嘅application程序係麻煩過申請移居火星....
麻煩到,你係會申請途中好想放棄,不停叫你填唔同form,做aptitude test personality test written test case study proposal presentation嘅公司。呢啲公司通常都唔會first scan咗candidate,而係會叫所有candidate都做曬呢啲嘢。其實一間有良心嘅公司,係好應該scan咗合資格嘅人,先至叫人做呢啲 非常嘥時間嘅written test case study proposal同presentation。呢啲就係企業嘅social responsibility同企業良心。我曾經聽過一個暑期工話,佢in MT,間大公司叫二百人一齊去interview camp,叫呢大班做group interview presentation case study,再派一班記者去影相,將呢個interview camp嘅相擺返上公司website,當企業活動同宣傳。呢啲利用後生仔嘅青春,再話自己畀機會年青人嘅公司,咪仆街囉。
面試其實唔係公司in 求職者,係好似相睇咁,係大家In 大家.....
有啲 公司覺得自己係上靶,係求職者impress 公司,當求職者係乞兒,覺得畀個機會你來面試已經係皇恩浩蕩。你錯啦,interview係各自試探,你諗緊點坤個靚仔入來做嘅同時,個靚仔都諗緊「你就算要坤我,都唔該畀份合理薪酬我,我先心甘命抵」。公司面試官同candidate地位係平等架你要搞清楚,係大家試探大家嘅底細。
我知道所有老細同公司都希望,請人嘅時候好似優之良品嚴選天津甘栗咁, 揀到好似驗屍咁仔細.....
問題係,做咁多嘢去嘥candidate嘅時間,甚至做啲嘢去搵呢一啲弱勢求職者著數,你過唔過意得去?如果你係阿姐,你要明白, 喺香港生活從來唔容易,點解仲要做啲嘢去特登為難喺呢個社會 拼命去生存嘅人呢?唔係要你去幫佢哋,只係叫你哋唔好遭質佢哋姐,積返啲陰德啦。