【送禮靴GIVEAWAY】【性價比高平底Boot:Imviso Eskudo 900 實測】
.
話說Decathlon旗下有兩個波Boot品牌,一個就係上次講過嘅Kipsta,而今次同大家講嘅就係Imviso。Imviso主打嘅係平底波Boot,佢亦會有唔同嘅版本,唔同嘅系列裡面阿靴就較為喜歡Eskudo,而最近呢個系列就更加推出咗佢嘅頂級平底版本:Imviso Eskudo 900。今次阿靴就同大家深入講講同實測下佢。
.
Eskudo外形較為大舊,著落去亦富重量,主要原因係佢嘅推出係主打五人足球市場,咁又當然,响香港常見嘅七人賽場上,大家普遍著嘅波Boot,好多都係同樣適用於五人賽場上。Eskudo 900攞上手嘅時候令阿靴感到驚喜,除咗用上牛仔真皮外,佢令阿靴諗起Rebula嘅鞋面,同樣地,Eskudo 900於皮革裡面內藏咗紋理嘅框架。
.
至於牛仔皮用料上,佢質料屬於柔軟,不過質感會有啲厚,而鞋頭內側位置上,Eskudo亦有一塊較硬同啜身嘅質料。Eskudo 900鞋後身主要用上網製質料,鞋舌位置就同波Boot縫埋一齊,較高位置就無,大家踢波時就唔會擔心到鞋舌移位嘅問題。至於緩震上,Eskudo 900就用上Kalensole全腳掌緩震科技。
.
阿靴就用Eskudo 900實測咗一段時間,用嘅波係五人足球用嘅低彈度足球。响各種發揮上,阿靴最滿意嘅係Eskudo 900射門帶來嘅力量感,Eskudo 900鞋身較重,加上鞋面質料柔軟,腳面嘅力量射門發揮理想,個波射出去時會更急勁,亦可以較輕鬆射去期望嘅位置。至於腳內檔射門上,受惠於鞋頭內側個塊較硬同啜身嘅質料,提升到整體嘅射門球感,亦能射門更具弧度。於阿靴最愛嘅篤射上,因為鞋頭較高嘅關係,篤射嘅質感算唔錯,不過準繩度就需要時間調節。
.
球感上阿靴認為Eskudo 900屬於中上,牛仔皮雖然較厚但屬於柔軟,加上內藏框架提升到整體嘅控球質感。至於傳球上,短傳質感屬於傳統皮革波Boot嘅類別,質感富力量同穩定;長傳上力量感充足,鞋面凹凸紋理亦能提升到長傳嘅球感,能夠更輕鬆長傳去目的地。
.
Eskudo 900亦有需要改善嘅地方,於盤扭層面上,Eskudo 900需要時間開鞋,基於整對波Boot較厚身嘅關係,一開始時會較繃緊,亦無咁靈活,喱一點相信隨時間去會有所改善。不過於Lockdown上,啊靴認為足踝位置包腳度有唔少提升嘅空間,如果喱一點能夠提升,相信佢回係一對幾唔錯嘅平底波Boot。
.
於舒適度上,阿靴係感到滿意嘅,有啲估唔到嘅係Eskudo 900嘅Kalensole緩震發揮係幾出色,緩震質素上接近阿靴最喜歡嘅Lunarlon科技,加上Kalensole同樣屬於全腳掌設計,踢波後足部位置亦會較以往舒適,但唔好嘅地方係,Kalensole亦令鞋底變得較厚。
.
鞋型上,阿靴認為Eskudo 900屬於中腳型,不過用料係真皮嘅關係,波Boot亦會隨時間去會跟腳掌磨合,相信少闊腳形嘅波友亦會合適,至於Size上,阿靴就認為Eskudo有少量偏大嘅狀況,平時着US8嘅阿靴,今次著US7.5就會最為合適。於價錢上,Imviso Eskudo定價為$499,於平底波Boot市場上,絕對係一對性價比高嘅選擇。
.
Imviso Eskudo 900 實測報告:
盤球:●●●
控球:●●●◐
短傳:●●●◐
長傳:●●●
射門:●●●●
靈活:●●●
避震:●●●●◐
*實測用球為低彈度五人制足球
.
今次除咗有波Boot實測外, 屎波裝備多 亦同 Decathlon Hong Kong 合作,會於Facebook及Instagram各送出Imviso Eskudo 900一對。
.
Facebook方面,操作非常簡單,大家只需要Like晒 屎波裝備多 同Decathlon Hong Kong專頁,並於留言位置講出你嘅碼數(US尺碼),以及講出你想得到Imviso Eskudo 900嘅原因,阿靴會揀出最佳答案,送出Imviso Eskudo 900一對。截止日期為22/3(日) 23:59,阿靴亦會於23/3(一)於留言位置公布得獎者。
.
----------------------------------------------------
【屎波裝備多Instagram】Follow: instagram.com/hkfootballreview
【波Boot實測】Nike React Gato: https://youtu.be/9A2mUUy0zfo
【波Boot實測】白飯魚: https://youtu.be/-dbvs0_YgiY
kipsta 足球 在 屎波裝備多 Facebook 的精選貼文
【送禮靴 GIVEAWAY!】
【速度型性價比高釘boot:Kipsta CLR900 FG 實測 】
.
作為一名屎波裝備多,啊靴當然要同各位講盡唔同嘅波boot。而今次,啊靴就同大家深入講下一對性價比高嘅選擇。話說DECATHLON晌香港已經開咗一段時間,產品以平價為主打,晌咁多個部門裏面,佢地亦擁有足球部,裏面亦有波boot品牌Kipsta。
.
Kipsta係一個法國品牌,有幾個歐洲職業球員就著緊喱個品牌嘅波boot。Kipsta已經出咗好幾對波boot,當中有釘有平底,亦有分唔同等級。今次啊靴就同大家解構一下價錢只需$499嘅Kipsta頂級版本釘boot CLR900 FG!
.
CLR900 FG賣點係輕巧,對boot只得180g,對於喜歡速度感嘅波友一定會非常滿意。CLR900 FG鞋面就用上輕巧嘅PU合成皮,摸上手質感算薄但有少量硬度。為咗加強波boot嘅整體球感,鞋面上有一條條凹下嘅紋理。波boot內籠中後位置用上體貼嘅麋皮,亦沿著腳踭形狀配以cushion設計,令波boot更鎖腳碗,呢種設計一般會晌頂級版波boot先遇到,可見Kipsta晌CLR900 FG嘅設計相當有誠意。鞋釘上佢用上相當輕巧嘅質料,鞋釘較短,亦呈鑽石形,讓大家有更靈活嘅抓地力。
.
CLR900 FG設計和用料相當之簡單,佢嘅質感令啊靴想起Nemeziz/Mercurial喱類別嘅速度靈活型波boot,啊靴就著CLR900 FG踢過數場比賽,於$500有找嘅價錢上,整體發揮的確有點令人驚喜。
.
啊靴最滿意嘅係CLR900 FG嘅盤帶球感,受惠於鞋面同鞋釘嘅輕量化設計,加上佢較修腳嘅設計,令啊靴諗起舊時於田徑場上爆破嘅跑鞋。CLR900 FG盤帶上具速度感,加上貼腳質感帶來一定靈敏度,於扭波及直推爆破上相當有快感。
.
腳面射門係啊靴另外一個感到滿意嘅地方。CLR900 FG鞋面較薄,而質感係屬於少硬,為大家帶嚟爽朗嘅射門體驗,佢嘅合成皮鞋面可以較容易射出腳面嘅飄波,球感相當食力。不過CLR900 FG嘅鞋面凹凸紋理不算強烈,帶嚟嘅摩擦力亦較低,腳內側chok射嘅孤度幅度也較少。
.
長短傳發揮啊靴就應為屬於中等水平,鞋面合成皮質料令短傳屬於爽嘅類別,不過穩定度就爭少少咁。雖然係咁,啊靴對CLR900 FG於長傳嘅食力程度感到相當滿意,啊靴亦非常喜歡用佢做一啲低高度嘅長傳。
.
都係個句,每對boot有好同唔好,啊靴認為CLR900 FG嘅鞋面會有少許滑,晌落雨嘅狀態下,控球需要多啲時間適應同修正。此外,CLR900 FG嘅保護性都會較弱,始終波boot鞋面係較薄。
.
至於鞋型上,CLR900 FG係屬於中至修腳,闊腳嘅波友就未必咁適合,尺碼上啊靴大部份波boot就著EU41,CLR900 FG買翻正常sizeEU41就啱啱好。
.
啊靴就成日講波boot,希望大家揀boot時有多個參考。不過今次除咗講,大家仲有幾會著!今次 Decathlon Hong Kong 會晌「屎波裝備多」FB同IG各送出兩對Kipsta CLR900 FG波boot,俾大家直接體驗一吓喱對輕巧型波boot嘅特性。
.
晌FB喱邊大家做嘅嘢相當簡單,大家只需要like咗「屎波裝備多」喱個page,再晌comment位置講出你嘅尺碼,以及想得到Kipsta CLR900 FG嘅原因,啊靴會選出兩個最佳答案,並送出CLR900 FG 俾喱兩位波友。今次送禮活動截止時間為本星期日(19/5)23:59,啊靴會於下星期一(20/5)於本post comment位置作得獎公佈。
.
送禮活動有咩疑問就inbox我😊
.
Kipsta CLR900 FG 實測報告:
盤球:●●●●◐
控球:●●●
短傳:●●●
長傳:●●●◐
射門:●●●●
舒適:●●●◐
保護:●●●
-----------------------------------------------------
【屎波裝備多Instagram】Follow: instagram.com/hkfootballreview
【波Boot實測】白飯魚: https://youtu.be/-dbvs0_YgiY
【波Boot比較實測】20年前Predator重現: https://youtu.be/WpuXHSnErl8
【靴分享】六個射門要訣!: https://youtu.be/LaVsmSvFoFQ
kipsta 足球 在 金剛Crew Facebook 的精選貼文
[努力!奮鬥!] 上個月辭退摩連奴,由 許賢(海鹽)上任主帥的金剛Crew足球隊,雖然首三場比賽全部落敗,但仍然在賀歲盃四角賽獲得殿軍,恭喜發財!😄
年初三我哋就舉辦咗第一屆賀歲盃,一齊睇吓今場比賽嘅精華,睇吓4支參賽球隊有咩講啦!
#decathlon #Kipsta #70種運動 #足球 皇家馬德里香港球迷會 - Real Madrid Hong Kong Fans Club 金剛Crew Street Soccer Hong Kong