今天想為你哋介紹的這個人，如果我是男人，我一定會追她！呢個人令我生活更完整了；她不懂甜言蜜語，係一個不折不扣的行動派；她係非常好的聆聽者；自認識後，她幾乎參與了我人生所有大事；她已經融入我家中💓
BB離開後，我封閉了自己，除咗老公，乜人都唔想見，日日人唔似人 鬼唔似鬼！呢個人突然衝上嚟我屋企，我其實忍唔住反咗一個白眼，因為我狀態太差，太醜樣，滿心憤怒和哀痛，根本唔想見人。但冇諗過，我傾傾吓開始打開心扉，同她傾咗八個小時，由張床傾到出沙發，無論我發怨氣，分析件事，定由盤古初開講起我的心路歷程，她都照單全收，她係好用心去聽，去感受我的感受。那天起，我終於肯落番街，但一落街先發現原來身體真係差咗好多，行去超級市場買啲嘢，都要唞足一日。之後突然收到通知， TVB的「逆天奇案」要宣傳，我好想去，非常想去，但身體狀況令我好擔心，我膽粗粗地打電話去問她，可否陪我去宣傳？她竟然話，昨天已經攞咗大假，預咗陪我去，就算我唔俾，她都會跟著來😭結果連綵排，一個半月內，前後分別陪我去咗7-8次左右，她每朝買定早餐上嚟我屋企接我出發，去到TVB只係當自己係助手，不停幫我拎嘢，照顧我飲水，幫我瞻前顧後，如果冇咗佢，我相信我真係做唔到。結果宣傳期完咗，我亦都康復了。
原本她唔係一個基督徒，但我最後只係同她講咗一句：「我希望喺永生國度，會有妳出現，如果見唔到妳我會好唔開心！」之後她就跟我返教會差唔多有一年，每次都係由屯門去到香港仔華富邨，而家仲報咗洗禮班，差不多個個星期要去上堂。（當年老公都堅係用呢招追到我）
呢個人，就係我的Maggie💓感謝上帝識您出現在我生命，我愛您。我的家和我的心永遠會為你留一個非常重要的席位🫂
一篇很久以前已想發的文章。
但我不想欺場，所以留待這一天，我可以靜靜坐下來不慌不忙地去打這一篇文章。
這是我的重視與尊重。
