【我冇受薪做過乜工揭曉！】
利申為《星際啟示錄》截圖，我冇咁癡線。純粹想搵返張電影配圖。
答案就係「7.剪草員」！真係有讀者朋友估到，定還是睇咗我小說記得？我做過剪草員，但果時係義工農場入面做，並無受薪。
都想分享呢份工。平時喺香港剪草，你會覺得真係「剪草」，但果時所謂嘅「草」，真係一整個草原我一個人玩曬、方圓三十公里一個人都冇果隻。部份「雜草」更加係成個人咁高，我唔可以就咁一嘢「剪」，有啲要出埋斧頭，有時我覺得根本係斬緊樹。不過咁，成件事都幾環保，事關我剪（斬）完啲草就拎俾啲雞食，但拎拎吓啲草，會堆得高到啲雞都唔食。
果陣成個義工農場得我一個（請我原因就係因為兩公婆要返工，冇時間打理，就叫我去看住），我成日會唱歌同大叫－－大叫到成堆雀會喺你面前飛起，好壯觀架，果時《星際啟示錄》未上，唔係咁嘅環境我可能會不斷嗌「Murph!!!」😂
喺度都有幾個難忘位：
1. 人生第一次開實彈槍，都係唯一一次開槍經驗，幾好玩！後尾愈射愈準（都係睇戲咁射下玻璃樽、汽油筒上劃交叉），終於玩上癮，場主聲稱子彈好貴，唔俾我亂咁燒槍😂
2. 我要學開槍因為有野生動物會衝入農莊，場主就教我要開槍射佢哋，我冇試過要出到呢招，但有隻豬同羊每晚都會定時「啪啪啪」，而佢兩隻都係公嚟，畫面極其有趣。場主仲成日拎住支啤酒，好輕鬆食曬花生同我講：「See? They fuck again!」
3. 同時，場主都係個超暴燥大叔，真心有一次發生疑似殺人事件，我唔知佢有心玩我定乜，但今日諗返都驚，真相係點唔劇透啦，我本小說一大高潮位嚟。
至於其他19個工種，我全部都有受薪做過。大家估嘅例如影印專員，真係做過份Parttime，工作就係企喺影印機面前，不斷影印影印影印影印影印，全日有文件埋嚟你就幫佢影印，面前係一片玻璃無敵海景，望望吓你會訓鬼著－－當然，捱過後你會懷念呢啲無無聊聊有錢收工。
按摩師都係我人生做過最奇特工作之一，如果有嚟過我分享會，我一般都係會用呢個嚟做開頭：「我喺性愛博覽會入面做按摩，但絕對唔係邪骨」，真係「性愛博覽會」，但絕無淫邪成份，而我收得好貴添，以當時物價計，我收約170蚊港紙10分鐘架。
當中幾個「被屌員」當然有做過，聽落好似好荒謬，我曾有份正職做Social media，老細唔係出Post去promote自己商品，而係叫我日日出粗口post屌鳩對家，仲要落埋ad、tag埋對家，搞到對家出埋律師信。既出得呢類Post，老細當然係癡線，有少少燥狂症果隻，甚至有次差啲喺公司同IT大佬打交開片，而我覺得我再做落去，唔係俾個癲佬打死，就係遲早都俾人告，所以就冇做喇。呢份工都做得幾長，CV冇得唔寫，所以就成為我同人解釋點解唔做最難果份，講出口都冇人信。
仲有，每場分享會大家都好好奇我做廁工，真心，我唔止做過廁工，仲有做女廁廁工，洗女廁難度高過男廁n倍，有啲畫面我諗返都有陰影。
其他各工種就唔打曬出嚟喇，大家想花生歡迎留言，我好樂意分享，又或者直接買我本書啦，呢堆工種大部份都有收錄，有幾份工，做落以為無無聊聊，但成為埋劇情關鍵轉捩點添😂
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：payme.hsbc/jackyhei
或使用QR code：http://bit.ly/3aKpFX8
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者繼續可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
murph ig 在 Long Cut - Outlaws Never Die (Official Music Video) ft. Big ... 的推薦與評價
... <看更多>