中環皇后大道中，行人電梯口隔離的Inspire Hub，是舉辦Pop-up的地方，上個月在此位置，買了一些清酒啤酒，今個月尾，又同酒有關。
Wine Luxe Magazine由即日起至本月29號，借來此空間，化身成為「DRINKINATION」的Pop-up store，集清酒、精釀啤酒、威士忌、氈酒、葡萄酒等酒精飲品於一身，大部份皆提供免費試飲，有些更是坊間少見的款式。
老夫子系列威士忌，一套三款，愛爾蘭Hinch威士忌，我就飲過它們的氈酒，第一次在這裡見到，本地氈酒廠牌近年越來越多，福興氈、無名氏、白蘭樹下等等，可以在此中尋。
本地樂隊KOLOR，剛剛舉行過演場會，這裡可找到Bacadi X KOLOR聯乘的罐裝黑冧酒，＄40一罐，非常之薑辣，外面沒有得賣，昨天據說只剩下一箱半左右存貨，有買趁手。
行上二樓，就是一個小型威士忌博物館，展出一些罕見的舊版威士忌，如70年代的Blue Label、90年代的Glenfiddich等等。
另外有櫃枱擺出舊版三得利、70年代黑牌、Dunhill，三款老威，想唔想試兩啖？
無須留言讚好兼tag朋友等我PM俾答案，你只要行埋去同Wine Luxe社長Nelson講，是我的follower，他會請你飲酒。老威飲一支就少一支，飲完即止，不過仍有老麥Classic Cut嘅。
（尋日佢係咁要我飲舊黑牌，用嚟配上環尚興嘅滷味，真係超友誼好乸正。）
飲完兩啖老威，點都要幫襯下，Fever Tree支裝湯力水，場內正在做特價，烈酒稅100％之下，氈酒與威士忌的價錢亦合理。
這兩天假期，有時間可以去望望。
地址: 中環皇后大道中110-116 號永恆商業大廈地下
