【#萬眾期待《波士BB 2細祖》】
長大了,人與人之間嘅距離會唔會越嚟越遠?記唔記得你細個時候同屋企人之間嘅親密,咁各自有各自嘅生活之後,係唔係真係此情不再?由第一集《波士bb》電影,一直追看到Netflix四季《波士bb》劇集,到最後一集波士決定做返普通BB,哥哥寫咗一封信俾佢,承諾佢永遠響佢身邊,然後我哋有滿滿嘅失落感,一種係唔捨得兩兄弟嘅冒險旅程,一種係對兄弟情未來嘅未知。然後今次第二集電影版,終於有答案了!
記得《波士bb》狂收4,100萬港幣,今次第二集,粵語版由阿Bob同蝦頭盞鬼聲演,雖然如果你睇開Netflix嘅劇集版會有少少唔慣,不過我覺得一樣精彩動人!黎到第二集,阿天成家立室,兩位寶貝女兒十分可愛,估唔到佢哋可以繼承「家族事業」,有機會為BB集團出一分力,真心,我覺得場面比起第一集更加精彩搞笑,而且劇情更加刺激,而且有不少場口令你反思自己教育上嘅方向掌握,而小朋友就更加可以反思自己對兄弟姊妹嘅關心究竟夠唔夠?大人或小朋友睇都有各自嘅得着!
或者你曾經好期待佢哋長大之後嘅模樣,又或者你好懷念佢哋細個嘅時候,今次兩樣都可以滿足你!Btw 電影最後一幕,媽媽發現咗一個電話,然後故事冇交代詳情,我希望係第三集嘅伏筆!期待第三集^_^集集氣^_^
#夢工場暑假爆笑巨獻
#暑期合家歡必睇電影
#仔女家長都必定搵到共鳴
📽 首回預告 : youtu.be/6js94hvvM6E
🎞 次回預告 : youtu.be/xtTgcSzHglk
🎙 配音版預告: youtu.be/-jfk4x1XN8M
❤️《#波士BB 2細祖》7月22日 暑假笑餐飽❤️
#BossBaby #波士BB2
同時也有3部Youtube影片,追蹤數超過7萬的網紅Post76影音玩樂,也在其Youtube影片中提到,今年Samsung旗下的 QLED系列在市場上非常進取, 有8K解像的 Q900R 旗艦 電視,亦有貼地4K QLED 電視Q90R 和 Q80R、Q70R 和 Q60R , 性價比再高一點的就更加有RU7100, 除左電視畫質之外, 依家仲有好多增值服務可讓大家更加方便地享受到影音帶比大家的樂...
netflix 必睇 電影 在 晞。觀影記事 Facebook 的最讚貼文
【我冇諗過我最後都會「入坑」睇《#大叔的愛》】
#長文慎入
真心我唔知幾多年冇睇過港劇,對上一次應該係《天與地》,又咁啱都係有黃德斌。有時唔係唔睇港劇,而係作為影迷,你一星期五晚分分鐘夜晚都喺戲院,或者一套或者兩套直落,散場返到屋企都點幾。唔理你viutv又好,(你仲係會睇時期嘅)CCTVB又好,你都唔會喺屋企,所以點都追唔到,極其量食飯屋企人睇我又望兩眼,真係「追」就冇。到我開始追劇,已經變咗睇HBO同Netflix。
坦白講,事前身邊人係咁叫我追《大叔的愛》,我知好有話題性好好睇但都的唔起心肝睇,而且我同期係睇緊《Loki》、《American Horror Stories》、《全裸監督》、《恐懼大街》(我當佢係劇),再加埋正場嘅戲,我根本唔會有時間插多一套,本身我唔係好有興趣必睇嘅劇。最後我因為個好癡線私人原因走去睇,初頭都冇乜認真睇,陪太子讀書心態,一路開住一路做自己嘢,點知睇睇吓都投入埋,將我全部追緊嘢放埋一邊,仲睇到半夜三更,當年一日睇一季《紙房子》都冇咁癲。
冇睇過日劇做唔到對比,但就咁用港劇嚟睇,我諗Viu係成功在一個好大膽嘅嘗試同肯去創新。唔止係香港首套BL劇集咁簡單,拍法都將傳統肥皂劇婆婆媽媽三角戀(當然呢套唔止三角戀咁簡單)拍得咁輕鬆可喜,有搞笑有感人位你仲會想去追看佢點樣發展、代入到角色內心世界,用半幽默半浪漫方式包裝,唔係好老套單純典型鬥氣冤家最後一定一齊套路;將日劇嘅七集篇幅撐到十五集,都融入到好多local元素,最少你唔會覺得佢係撐緊,亦唔會有地域文化差異「水土不服」情況。
大量實景如大澳紅橋(大澳居民往後幾星期辛苦了)、赤柱海濱、尖東天橋、9號碼頭等等,完全俾你感受到係一個香港實景發生故事,都可以融情入景。兩位主角嘅屋企唔係CCTVB式「全香港都係有錢人式大宅」,典型年輕couple式style都會令你睇得好舒服,你或者身邊朋友間屋都係咁,唔係個個有天台有露台有花園,「貼地」係一樣有共鳴要素。
或者呢一點可能要歸功於日劇原作,但後天改篇都成功在冇去妖魔化同性戀。喺CCTVB劇集入面,同性戀唔係搞到乸型,就九成九係幕後變態兇手(仲要一出場你就知道佢係「奸」果種),然後句句對白都會出現「死基佬」之類形容。套劇嘅同性戀角色可以拍到好純愛,亦唔會刻意去物化男性或女性,都係同你同我一樣咁樣生活,甚至令你唔係同性戀都可以代入到個角色。作為一套同性戀題材,香港電影入面唔係冇,但大部份都拍得好壓抑好悲情(其實一如西方作品),呢套極其量會令觀眾感到虐心,絕未去到要生要死地步,我諗唔止係劇集,連香港電影都可以借鏡。
網上有人對比田田同金城安,我諗都係套劇抵讚一環。要設計略帶傻氣嘅搞笑角色,係要誇張嘅,但唔駛太過火,適時誇張適時都可以俾返少少貼地、人性化感覺佢。當你睇金城安會睇到覺得呢個人係智障,田田你極其量會覺得佢係傻吓傻吓,亦有好嘅一面,絕對唔會覺得佢係智障。
要宣傳一套劇集,唔係一味靠洗腦式東張西望或者係咁上綜藝節目,再整個自嘲式See See 乜乜乜就得。今時今日要make noise唔係自己圍圍喂,要喺網路上爆紅,先可以做到「現象級」盛況。君不見Disney+每套星戰同Marvel劇集可以做到「全球現象」,集集一上架冇幾個鐘就全球自自然然有人討論,當然你可以話佢係Marvel係星戰點同,但前期後期宣傳功夫,點樣善用各種social media、做live、做訪問、微量劇透,率先帶動到話題同期待度(當然都有盡天時地利人和夾到最當紅組合),一切自己慢慢推出嚟,適時做倒數,再搵劇中演員打破四面牆同大家做唔同交流。今時今日宣傳係要咁樣玩,好嘢自會有口碑帶動,唔駛洗腦、唔駛要幕後諗爆頭都諗唔到爆點,然後同一篇宣傳稿同一堆問題問幾廿次:「阿邊個同邊個幕後有咩趣聞先?」喂冇人想知囉。唔係話Viu已經去到Disney+級數,但真心同一星期香港social media上討論度,《大叔的愛》結局篇絕對拍得住《Loki》大結局,甚至有大量改圖cap圖,市場推廣絕對係成功一環。
演技方面我唔刻意讚好讚差,應該點講都會俾人圍到我要執page,真心最鍾意係黃德斌嘅演出。喺CCTVB嘅佢,你就覺得佢係一個「男一」,冇乜特別,但估唔到佢可以咁可愛、都可以放下身段去演呢啲角色(初頭只係覺得佢一出場有笑位,最後呢幕堅心痛),睇到我驚佢會唔會從此定咗型,做唔返一貫硬朗形象😂
當然仲有簡慕華個角色,男人窮一生遇到一個咁好女人,應該係幾生修道積福。
前日我係癲到搭咗程短的士返屋企睇《Loki》大結局,今日喺車上面已經睇緊。
當然,《大叔的愛》絕對未去到完美地步,有好多沙石、進步空間都唔少,但作為一套肯創新、肯扭轉傳統價值觀嘅題材,確係值得支持,個人覺得點都好過隔離台晚晚嗌交仲講大男人大女人嘅《寶寶大過天》。#利申屋企人晚晚睇唔係我睇 #啲對白聽到都覺煩
《大叔的愛》觀後感全文可看留言連結。
#我原本諗住寫幾句點知愈寫愈多
‼️電影網店全新貨品已上架,低至$5起,快啲嚟搶購啦:https://bit.ly/3qLPkpk
【Patreon加強版】尊享優惠、更多深度獨家電影文章:https://www.patreon.com/travelerwithmovie
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://bit.ly/3a9wOzy
或使用Payme link:https://payme.hsbc/jackyhei
或透過Paypal捐款:paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
netflix 必睇 電影 在 美劇癮 歐美娛樂資訊平台 Facebook 的最佳解答
美劇咁樣睇 #聯合發佈 #貓王個孫女都幾索 #應召女郎 #NowStudio有得睇!
復活節大家睇咗啲乜?有啲乜嘢劇推介,有啲乜嘢伏嘢?喺下面留言話俾我地知啦!
咁我又睇咗乜?既然 Now TV 有個新嘢Now Studio(https://bit.ly/3dgvEEZ)有歐美劇自選服務,我梗係唔執輸,去開嚟睇下有乜想睇啦,結果就揀咗喺香港從未登陸過嘅STARZ台劇集《應召女郎》(The Girlfriend Experience)同埋《脫衣舞俱樂部》(P-Valley)介紹俾大家。
呢兩個劇本身都好巴閉,2016年首播嘅《應召女郎》由史提芬蘇德堡親自監製,第一季就有貓王Elvis Presley個孫女Riley Keough主演,佢仲完全唔錫身,親身上院演出極大膽嘅全裸性愛場面,至於《脫衣舞俱樂部》就更加係新鮮滾熱辣獲《時代周刊》評為2020年十大必睇劇集,兩個劇喺Now Studio亦都一刀不剪,原汁原味上架!
咁當然睇劇就唔係為咗呢啲裸露鏡頭啦,如果係咁你地自己去睇Pornhub啦!相反係睇佢點樣講個故事更重要,呢兩個劇真係包唔會令大家失望!
首先講下《應召女郎》先,呢個劇出咗兩季,最近STARZ都宣佈咗會開第三季,不過喺Now Studio暫時只有第一季,但放心,兩季其實個故事係完全唔同嘅,而且第一季好睇過第二季好多!第三季就會嚟梗5月2號喺STARZ上架!
雖然Riley Keough唔係第一次拍戲,佢之前都拍唔少電影,喺《光豬舞壯士》(Magic Mike)都演過脫衣舞孃添,不過今次《應召女郎》嘅發揮真係超乎想像,佢飾演一個律師行嘅見習生,但係對性愛有完全唔同嘅體會,喺極大壓力嘅工作環境之中,利用應召去舒壓,甚至慢慢成為自我價值觀型塑嘅一次旅程,所以當年都有金球獎迷你劇組最佳女主角提名。
故事圍繞嘅除咗係Riley入行做高級應召女郎嘅過程,更同佢喺律師樓上位嘅故事互相交纏,點樣玩弄上司奪權,到喺應召行業越踩越深,根本係以兩個不同嘅生活,交織出女性喺職場上所面對嘅問題,以及如何以性作為武器去戰鬥,但又唔係陳腔濫調嘅女性弱者自強論故事,反而偏重探索性自主等問題,高手之作!
至於《脫衣舞俱樂部》就更加複雜,故事其實講一個以黑人為主嘅脫衣舞俱樂部Pynk,佢個老闆係一個易服男,而台柱就係以Brandee Evans飾演嘅脫衣舞孃Mercedes,不過Mercedes做到月底就會退休,呢個時候Elarica Johnson飾演嘅新人Autumn Night忽然嚟到,令Mercedes覺得受到威脅,而其實Autumn本身都有自己不為人知嘅秘密。故事發展到尾更加插咗地產商發展嘅陰謀,以及將故事開始已經鋪墊好嘅大量伏線一次引爆。
成個劇拍得住HBO套《墮落街傳奇》(The Duece),因為每個角色都有佢地自己嘅故事,而且每集幾乎都有一場貨真價實嘅Pole Dance,配合音樂與燈光,將整個劇嘅核心 - 脫衣舞俱樂部所代表性愛、金錢、暴力,以及舞蹈所代表嘅藝術表演演繹得淋漓盡致!《脫衣舞俱樂部》已經預定會開第二季,可能明年年初有得睇!
STARZ喺美國雖然算係一個小型收費電視頻道,但係其實都出唔少好嘢,除咗以上呢兩個劇之外,大家仲可以喺Netflix睇到STARZ出品嘅最佳作品《古戰場傳奇》(Outlander)、《浴血戰士》(Spartacus)以及《黑帆》(Black Sails),至於近年玩視覺、美術玩到出神入化嘅《美國眾神》(American Gods),就可以喺Amazon度有得睇!
希望Now Studio會順手入埋STARZ嘅英國古裝劇《The White Princess》啦,因為呢套係《Killing Eve》女殺手Jodie Comer嘅成名作,我一直好想睇返。仲有穿越平衡宇宙經典作《The Counterpart》,之前我啲劇評都講咗好多次,但香港其實無電視台播過,如果有埋俾大家睇下就正啦!
原Post
https://www.facebook.com/1642241389355834/posts/3007343959512230/
netflix 必睇 電影 在 Post76影音玩樂 Youtube 的最佳解答
今年Samsung旗下的 QLED系列在市場上非常進取, 有8K解像的 Q900R 旗艦 電視,亦有貼地4K QLED 電視Q90R 和 Q80R、Q70R 和 Q60R , 性價比再高一點的就更加有RU7100, 除左電視畫質之外, 依家仲有好多增值服務可讓大家更加方便地享受到影音帶比大家的樂趣, 而Samsung的自家平台TIZEN OS更加係最積極開發本地APPS的平臺之一,除左大家必睇的NETFLIX之外, 近月更加升級左可以直接支援Apple TV+ 同NOW足球, 讓大家可以一機有齊各式的影視娛樂, 認真方便. 咁究竟咁多個型號之中, 又會有邊一部會岩你入手, 而當中又有咩功能係值得大家留意既呢? 一片同大家睇下 2019韓系QLED電視入手指南啦。
⚡️圖文片 : https://post76.hk/news/2019/12/samsung-8k-4k-tv-purchase-guide/
⚡️討論帖 : https://post76.hk/thread-312950-1-1.html
▄▄▄▄▄▄▄ ⚡️⚡️⚡️ 精選文章 ⚡️⚡️⚡️ ▄▄▄▄▄▄▄▄
?♂️Post76科林◆最新精華帖◆???????????
?????????
http://bit.ly/2WZa1iC
??♂️Post76科林◆最新影音報告◆????????
?????????
http://bit.ly/2FtLbBj
??♂️Post76科林◆最新熱門帖◆ 2019 ✈️❤️
?????????
http://bit.ly/2IDflEh
沒有財團支持,沒有老闆注資,只有您地支持,才令我們可以堅持分享香港人都可以玩影音的,香港人都可以擁有一套睇戲,聽歌,出街都玩到的影音玩物。
?所以請支持我們點按『搶先看 / 訂閱』呀!
?影音玩樂 ►主站: https://post76.hk/
?影音玩樂 ►Facebook: http://bit.ly/2AUJnP8
❤影音玩樂 ►IG: http://bit.ly/2p7dRL8
?影音玩樂 ►Email: info@post76.com
#Post76玩樂網 #8K4K電視入手攻略 #QLED #LED #unbox #hometheater #hifi #headfi #評測 #開箱 #家庭影院 #試玩 #影音 #音響 #耳機 #av #post76 #forum #hkforum #avforum
-~-~~-~~~-~~-~-
Please watch: "【好熱戲特備】全港首試『#FOLLOWMi 鄭秀文世界巡迴演唱會』4K UHD 藍光碟 | 實試4K/60p HDR | DTS 24/96 Auro 3D升頻效果 "
https://www.youtube.com/watch?v=OchTYVe4Nz8
-~-~~-~~~-~~-~-
![post-title](https://i.ytimg.com/vi/DtehenTXvhw/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLBXPLEyHFEkD3W2pB0dE_u1fsDGXw)
netflix 必睇 電影 在 Post76影音玩樂 Youtube 的最讚貼文
聖誕將至,戲院已換上相關主題的電影應節... 當中最應景的必數由 “龍母” Emilia Clarke 主演的《舊年聖誕好戀嚟》...至於串流平臺 Netflix 就推出了電影迷必睇的經典電影回顧特輯《電影的故事:你我的永恆印象》...
⚡️討論帖 : https://post76.hk/thread-312612-1-1.html
▄▄▄▄▄▄▄ ⚡️⚡️⚡️ 精選文章 ⚡️⚡️⚡️ ▄▄▄▄▄▄▄▄
?♂️Post76科林◆最新精華帖◆???????????
?????????
http://bit.ly/2WZa1iC
??♂️Post76科林◆最新影音報告◆????????
?????????
http://bit.ly/2FtLbBj
??♂️Post76科林◆最新熱門帖◆ 2019 ✈️❤️
?????????
http://bit.ly/2IDflEh
沒有財團支持,沒有老闆注資,只有您地支持,才令我們可以堅持分享香港人都可以玩影音的,香港人都可以擁有一套睇戲,聽歌,出街都玩到的影音玩物。
?所以請支持我們點按『搶先看 / 訂閱』呀!
?影音玩樂 ►主站: https://post76.hk/
?影音玩樂 ►Facebook: http://bit.ly/2AUJnP8
❤影音玩樂 ►IG: http://bit.ly/2p7dRL8
?影音玩樂 ►Email: info@post76.com
#Post76玩樂網 #舊年聖誕好戀嚟 #電影的故事你我的永恆印象 #Netflix #unbox #hometheater #hifi #headfi #評測 #開箱 #家庭影院 #試玩 #影音 #音響 #耳機 #av #post76 #forum #hkforum #avforum
-~-~~-~~~-~~-~-
Please watch: "【好熱戲特備】全港首試『#FOLLOWMi 鄭秀文世界巡迴演唱會』4K UHD 藍光碟 | 實試4K/60p HDR | DTS 24/96 Auro 3D升頻效果 "
https://www.youtube.com/watch?v=OchTYVe4Nz8
-~-~~-~~~-~~-~-
![post-title](https://i.ytimg.com/vi/rUCKrDQe_Nw/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLDgNbxyuUITY6z9qt3GLSy6Z3BMfg)
netflix 必睇 電影 在 Post76影音玩樂 Youtube 的最佳貼文
?♂️討論區帖子 : https://post76.hk/thread-311321-1-1.html
今個萬聖節檔除了有《未來戰士:黑暗命運》外,仲有應節必睇《喪屍樂園2》及本土火爆懸疑作《犯罪現場》... 就算唔去“哈囉喂”都仲有好多猛片畀大家盡興一晚...
▄▄▄▄▄▄▄ ⚡️⚡️⚡️ 精選文章 ⚡️⚡️⚡️ ▄▄▄▄▄▄▄▄
?♂️Post76科林◆最新精華帖◆???????????
?????????
http://bit.ly/2WZa1iC
??♂️Post76科林◆最新影音報告◆????????
?????????
http://bit.ly/2FtLbBj
??♂️Post76科林◆最新熱門帖◆ 2019 ✈️❤️
?????????
http://bit.ly/2IDflEh
沒有財團支持,沒有老闆注資,只有您地支持,才另我們可以堅持分享香港人都可以玩影音的,香港人都可以擁有一套睇戲,聽歌,出街都玩到的影音玩物。?所以請支持我們點按『搶先看 / 訂閱』呀!
?影音玩樂 ►主站: https://post76.hk/
?影音玩樂 ►Facebook: http://bit.ly/2AUJnP8
❤影音玩樂 ►IG: http://bit.ly/2p7dRL8
?影音玩樂 ►Email: info@post76.com
#Post76玩樂網 #喪屍樂園2 #犯罪現場 #Netflix #末日喪愛 #劇透 #點評 #unbox #hometheater #hifi #headfi #評測 #開箱 #家庭影院 #試玩 #影音#音響 #耳機 #av #post76 #forum #hkforum #avforum
-~-~~-~~~-~~-~-
Please watch: "【好熱戲特備】全港首試『#FOLLOWMi 鄭秀文世界巡迴演唱會』4K UHD 藍光碟 | 實試4K/60p HDR | DTS 24/96 Auro 3D升頻效果 "
https://www.youtube.com/watch?v=OchTYVe4Nz8
-~-~~-~~~-~~-~-
![post-title](https://i.ytimg.com/vi/x1MkgGUy8ZU/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLB8ROdQSq0eQvBlx-kDlKIW0ZGW-Q)