#小編去開房 之 北角Hyatt Centric一泊兩buffet實測 II
🎊優惠詳情🎊 https://flyagain.la/89701
🎊預訂網址🎊 https://flyagain.la/bp1z
住咗一晚，就等小編講下酒店同間房啦～去到酒店首先入lift上2樓大堂，但部lift好暗，搵lift制要啲時間😂 上到大堂check in，職員會強調你係住邊座，因為酒店分東西兩座，記得唔好去錯方向呀！💁♂️
東西兩座都分別有唔同設施，東座就有酒店著名的打卡熱點infinity pool同健身室（當然而家冇開啦），西座就有lounge同空中餐廳酒吧，有機會要去另一座㗎～而The Farmhouse就喺2樓位置，中間都有橋打通東西兩座。
酒店樓層比較特別，呈V字型，有機會要V字型咁行，少啲方向感都搞唔掂😂 房門係雲石配木門，豪華清新並存，設計得唔錯。今次個plan就包免費升級住海景房，所以一入房就見到大大個海景啦！😍 不過就唔係正對尖咀，係望黃埔、啟德、九龍灣、觀塘一帶，雖然冇咁壯觀，但距離比尖咀遠，感覺開揚啲～🥰 窗前仲有張貴妃椅俾大家坐喺度打卡用！🤩
房入面基本設施全部都有，第一下最吸引小編就係個熱水壺！🤩 佢唔同一般酒店的熱水壺，反而係一個茶壺咁，斟水個flow好smooth，沖咖啡沖茶都一流，感覺特別，好有日本茶道feel😂（佢都有送茶包俾大家沖茶）另外有部小型咖啡機俾大家沖咖啡chill下。
廁所就係企缸，另有一馬桶一洗手盤，空間感都夠，唔會太焗促。另設有風筒、即棄浴帽、牙具等提供，即棄物品的包裝設計係融入咗香港特色，好有心思！🤓 廁所入面有窗直望房，記得閂窗簾先！😂 窗簾就㩒制開關，幾方便。不過有個奇怪點係得廁所先有紙巾，要喺廁所拎卷／盒紙巾出去用，唔算大問題。
電視方面，本地台viutv、有線新聞及電影台、TVB（包括J2）都有，都算夠睇；國際台就有NHK、BBC、Bloomberg、印度台、葡萄牙文台都有，都幾多選擇，值得一提係佢竟然係有韓國收費有線電視台tvN，仲要有正體中文字幕，鍾意睇韓國節目既一流呀～😍😍😍 Youtube／Netflix就全部冇，連投射都冇，想睇要自己用電話電腦啦～
床就比較硬、承托力十足，枕頭就偏軟，最特別係竟然連攬枕都有！😱 想攬就記得帶埋消毒噴霧，咁就可以更放心咁攬住佢眠啦！😴😴😴
未完待續…
nhk 茶道 在 视频《快快乐乐学茶道》... - NHK WORLD-JAPAN Chinese 的推薦與評價
视频《快快乐乐学茶道》 为了让幼儿园的小朋友们了解茶道的规程礼仪，并亲身感受日本的待客之道，熊本县熊本市举办了一场热闹又可爱的茶道体验活动。 ... <看更多>