今集次想講已經用完第二盒嘅日本Only Minerals礦物粉，兩盒都係喺日本買，香港有幾間店都買得到，最廣為人知嘅就係 Beauty Ranking喇。
用過礦物粉嘅你都知道，一般又厚又無咩遮瑕力，唔控油又唔啱色，但係日本呢個牌子嘅礦物粉，係既具修飾效果卻唔算厚，用後膚色仲好淨白明亮！懶起上嚟，單用就已經可以當底妝，用多少少黑眼圈同暗瘡印都能夠被隱藏，方便之餘妝效都幾出色。
缺點方面，中間粉隔唔好用，倒粉好論盡，同埋差唔多用完時要有技巧地倒出，所以7月去日本再買，我會試吓買粉餅。
Only Minerals係我自己覺得表現相對優秀嘅礦物粉品牌，衝動購買之前上網睇睇評價同埋去鋪頭試試先啦！
