#狂迷投稿 《猛禽暴隊：解瘋小丑女》
「DC似咩...?」 文：電影人在野／ 點. 評
《超人對蝙蝠俠》同《正義聯盟》既故事雖然係差，但唔關蝙蝠俠事，DC偏偏就要飛起Ben老爺；《自殺特攻》可以話係千夫所指（你唔係同我講好睇嘛？），竟然可以「食過翻尋味。」？
.
講真呀，DC衰左兩次嫁啦，連埋今次第三次啦大佬，其實DC又好華納又好知唔知衰咩即？點解你地硬係唔肯做好單頭電影，成日都要乜乜聯盟乜乜小隊做頭牌即？成日一次十九幾個角色出黎，你爆谷電影90分鐘，你十幾個前傳咁比人睇好易失去專注力嫁。
.
係呀，今集我梗係知核心人物係小丑女啦，但真係好肉酸，sorry呀我唔係話小丑女個化妝呀，我係話DC個食相呀，見小丑女賣得，見人笑謝拉力圖個小丑，就實行單飛比較紅起人飛腳。
.
但《小丑女》呢個故事個核心精神「獨立自強叻女人」，頭十五分鐘，已經講完，係「已。經。講。完。」句號。於是中段開始突然自我呻吟嘮嘮叨叨鬼食泥，之後先再搵多一班女人出黎做埋個故事去，但可惜D人物平板個I PAD PRO 。
.
每個女人都明顯有佢想SELL既特色，但唔知點解製作方只「強調」小丑女既痴線，但唔比其他人既特色再出多少少，我最有感覺反而係最尾一場係小食店，三個女人對話，係整套劇第一次感覺到演員有火花，BUT，完場啦。
.
故事方面，係極度似《死侍2》，唔止講緊小丑女破４四牆，連埋同個小女孩既故事都十足十咁似。但製作方想「強調」小丑女既痴線，於是將說故事順序瘋狂打亂，然而除左亂之外，情節節奏拖拖拉拉。佢同死侍最大既唔同係，死侍既插科打諢，只係製造喜劇節奏，而唔係好似小丑女咁牛河兜亂就好「瘋狂」。
.
即係都落個小結啦，你問我DC電影似乜野呢？似係一班在上位者唔做野，但又中意指手畫腳，急功近利，唔中意聽市民講野，又成日唔抵得人地做得好，任人唯親，上司話曬事，獎賞衰左既部門，罰做到既野人，咁點呀？拍唔拍到戲呀？實得嫁，依家社區傳播咁呀政府咪又係屹立不倒！咳咳咳....我指華納財大氣粗，唔實係唔使睇人頭做野嫁。
.
希望DC知道佢真係做好獨立角色電影，唔好成綁住D人一齊出黎啦.......
.
×☝🏽☝️☝🏼多謝投稿！有嘢想講，都歡迎各位投稿分享你嘅睇法～×
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
