這十年香港的建築公司都好像消失了，街上地盤圍板上的公司名大部份都變成了「中國建築、中國海外、中國路橋、中國...九唔搭八」等公司。故此除了飲鉛水、香港擁有無鋼根橋樑、爆炸變壓站、豆腐渣學校等都不是夢。
轉載：
//呢d行內人應該會知的。
即使你唔係行內人，行街o個陣都應該會發覺近呢幾年o既木土建築工程，如斜坡、天橋、公路土木工程等，原本由新福港、PaulY等香港公司，而家多數轉由中國建築承包，而呢間建築公司點解近年冒起得咁快？就係因為佢地背後有國家既力量，可以暴力式落標，將標價落低八至七成，只要比其他建築商低，基於香港政府工程合約係由價低者得，所以每次落標，中國建築都七成WINS的！
佢地係國企，由中央操控，目的當然唔係為左工程，建設香港，佢地真正目的係囉份工程合約，向銀行借錢貸款，因為香港基建工程閒閒地冇一百都幾廿億，一做就會做三幾年，佢地就係囉左筆錢先，將d資金調返上大陸做投資，三幾年就後就賺幾個開了！
又係一定七成WINS的！
但投資還投資，原先個標價已經比其他人低，而做工程既資金大部份又調o左上去，工程//始終要做，咁之後o既事你懂的…
第二樣野關係到行業前途晉升問題，我有舊同學六七年前o向新福港做SPC，遲d有機會升APM(可能記錯個post名)，但因為d標俾中國建築暴力式食晒，公司cut人，但「好在」因為香港近年大興土木，搞十大基建，又未至於失業咁慘，佢之後就入左中國建築，職位又係SPC，但問題來了，佢o地再想上位，做manager呢d管理層要符合國情，要靠少少關系的，甚至由亞爺直接委派落o黎，你冇關系就要同上面d人發生關系，但佢係仔，老婆又唔係o靚，冇人想同佢發生關系，所以佢預計佢呢個職位會stud一段長時間。近年好多行業都出現所謂既「玻璃天花效應」(即係你睇到上面，但你永遠冇法上到去)，已經一早o向建築界出現… //
http://forum4.hkgolden.com/view.aspx?type=CA&message=5939936
