小米旗下嘅 POCO 喺 2021 年 3 月 22 日嘅發佈會上,發佈咗 POCO X3 嘅升級版-POCO X3 Pro,呢部機喺處理器及讀寫速度方面,都有唔少嘅升級,等我哋一齊睇下!
POCO X3 Pro 採用 6.67 吋 FHD+ LCD 開孔屏幕,支援 120Hz 更新率同埋 240Hz 嘅觸控採樣率,無論打機定睇片,都會有順暢同低延遲嘅表現。佢配備咗 2021 年旗艦級嘅 4G 處理器-高通 Snapdragon 860,比起 POCO X3 嘅高通 Snapdragon 732G 處理器更好。呢部 POCO X3 Pro 支援臉部解鎖,而機身側面嘅電源制,亦可用作指紋辨識解鎖。佢預載 MIUI 12 for POCO 介面,而儲存方面,佢選用咗存取速度更快嘅 UFS 3.1,大大縮短大家 load Apps 或遊戲嘅時間。
另外,呢部機備有 3.5mm 耳機插頭、雙喇叭、同埋紅外線發射器,支援 NFC 技術。同時佢亦使用咗 LiquidCool 1.0 Plus 液冷技術,有效降低使用時候機身嘅溫度。
手機鏡頭方面,POCO X3 Pro 嘅前置鏡頭有 2000 萬像素,而後置四鏡頭就由 4800 萬像素主鏡頭、800 萬像素 119 度超廣角鏡頭、200 萬像素微距及景深鏡頭組成,支援夜景模式,及前後鏡頭同時錄影等等功能。
呢部電話擁有 5160mAh 嘅電量,支援 33W 快速充電,官方稱 59 分鐘內就可以差滿 100% 電,滿電後可以連續玩 11 小時遊戲,或睇 18 小時嘅片,對日常生活綽綽有餘。
POCO X3 Pro 有內置 6GB RAM + 128GB 儲存空間、同 8GB RAM + 256GB 儲存空間兩款版本,顏色方面,有幻影黑、金屬青銅、及藍色 3 款選擇,官方建議售價為 199 歐元及 249 歐元,香港會唔會推出同埋賣價就有待官方公佈。
「poco x3 pro 降 版」的推薦目錄:
poco x3 pro 降 版 在 MEeeep More Youtube 的精選貼文
小米旗下品牌 POCO 喺 2020年9月7日發佈咗最新中階手機 POCO X3 NFC,我哋即刻同大家介紹下!Xiaomi Poco X3 NFC 小米 Poco X3 NFC snapdragon 732G
POCO X3 NFC 主打實用,對打機以至一般日常使用都有針對性嘅突破技術。手機配置咗高通Snapdragon 732G處理器,比其他中階機使用嘅720G同730G咁快更順。外型亦相當獨特,斜橫紋底加上反光POCO字樣,配合 3D curved back 圓邊設計,拎住手機嘅手感就更好喇。手機支援NFC,可配合Google Pay使用,亦保留咗3.5mm耳機插頭,同埋內置紅外線收發器。
POCO X3 NFC 採用咗 6.67” FHD+ 嘅DotDisplay屏幕,前置相機只有3.8mm直徑,官方形容「近乎見唔到」,整體屏佔比達到91.25%。唔只咁喎,POCO X3 NFC亦支援一般只有旗艦機先有嘅120Hz更新率,而且仲會需要自動調整更新率,玩Game嘅視覺效果得到提升嘅同時,亦唔怕會嘥電。另外,POCO X3 NFC亦引入240Hz嘅屏幕觸控更新率,比大部份手機嘅120Hz高,Touch Screen時延更低,睇吓玩呢個賽車Game,起步快咗,當然星人一籌啦!
講起打機,POCO X3 NFC 亦加入Voice Changer功能,一路玩,一路講,都未必需要俾人聽到你嘅原聲! 另外,Network Optimizer 就可以幫你喺 4G 同埋 Wi-Fi網絡選擇最穩定嘅嚟使用,盡量減低打Online Game時窒吓窒吓嘅情況。
會用手機打機或者重度用家,最怕就係部機用用下發熱喇。POCO X3 NFC 內置咗 LiquidCool Tech 1.0 Plus技術,可以幫手機有效降溫攝氏6度,確保運作順暢。POCO亦同電玩名牌Blackshark合作,推出咗兩款獨立發售降溫裝置,一分鐘內可以幫POCO X3 NFC 降低高達18度!
對於音效有要求嘅用家就要留意喇,今次POCO X3 NFC 採用咗雙喇叭設計,喺機頂同機底可以立體聲播放音效,打機甚至睇戲就更爽啦!唔講唔知喎,原來手機嘅喇叭都容易積塵嘅,POCO X3 NFC就預載咗Dust Blaster 喇叭除塵功能,只要開啟功能,睇吓!乜塵都出晒黎啦!
攝影方面,POCO X3 NFC配置咗4個機背主鏡頭,分別係6400萬像素嘅廣角主攝、1300萬像素119度嘅超廣角、200萬像素嘅微距以及200萬像素嘅景深鏡,其中6400萬像素嘅主鏡用上咗Sony IMX682元件,絕對係信心嘅保證啦!
攝影效果方面,POCO X3 NFC透過人工智能AI技術,加入咗全新嘅Gold Vibe 效果,AI SkyScaping技術就可以將日頭影嘅房外相變成夜晚,甚至睇埋北極光都仲得! 咦,好像假咗少少喎! 拍片方面,除咗有Video Pro Mode之外,亦加入咗萬花筒模式,隨手影幾下,都做到電視台給嘅效果㗎!
POCO X3 NFC 內置5160mAh電力,官方表示足夠2日正常使用,亦支援33W有線快充,65分鐘充可以由無電充到100%,隨機送埋快充插頭,而且加入咗 Middle Middle Tab MMT 充電技術,以雙電流主導,減低電阻影響充電嘅速度,無論喺低電量定高電量嘅情況下充電速度都唔會有太大分別。
官方亦都表示,將有3年軟體更新保證,唔怕一兩年貨仔就無得再Update。POCO X3 NFC有灰色同籃色兩個選擇,內置6GB記憶體配合64GB或128GB嘅儲存空間。發佈會公布首輪售價分別為199同埋249歐羅。香港64GB版本首輪優惠價係HK$1699,馬來西亞方面就會以RM799 及 RM949 發售64GB及128GB版本。