［哲學是愛智慧］「近9成港人相信愈富有愈快樂 惟近8成人缺乏理財規劃」—前半我明又同意，但後半，其實咩叫「缺乏理財規劃」？我買三層樓層住一層炒一層收租係咪「缺乏理財規劃」？
Where Are the Customers' Yachts？理財規劃嗰個有錢過你，你唔覺得有唔妥？（但，佢窮過你，你又覺得佢冇資格教你，又係美斯理論變種）
1. TLDR：「近9成港人相信愈富有愈快樂 惟近8成人缺乏理財規劃」？前半我同意，後半，請問咩叫「理財規劃」？我個個月買金算唔算？佢一定話唔算。正如，咩叫「缺乏」？你幾時都係「缺乏」。你買咗九份人壽（貓嚟的？）十份危疾都仲係「缺乏」，屋企隻倉鼠買咗保險未？
2. 應該寫過好多次，但呢啲話題寫親都有人睇。所以我亦本住Facebook 餵你食垃圾嘅功能，個B鍾意食屎就餵屎佢食。呃收視嘛
3. 上篇（https://fbook.cc/3HUs）同你講咗啲離地嘢，哲學，語理分析，今次嚟啦。「近9成港人相信愈富有愈快樂 惟近8成人缺乏理財規劃」
4. 講前半句先，In general，我當然同意前半句。無數咁多研究做過，文我亦寫過好多。都費事貼，但真係不同研究都話你知，梗係越有錢越快樂，話唔係嘅，只係冇錢嘅人，虛偽嘅人。遠離呢啲人最好。
5. 但亦係舊文寫過，亦乎合經濟學推論（依然有人覺得係冇用），diminishing return嘛，三萬蚊人工當然開心過一萬蚊（你話唔係嘅，你下個月開始畀晒我，然後我洗咗佢影相話你知有幾快樂），三十萬都開心過十萬。但越高，分別就越唔明顯。Rule of thumb，大約講緊係一個月五六萬港紙左右，大約啦。呢個水平之上，條線變得好平，真係多一萬未必快樂好多，但減一萬就好覺！
6. 「近9成港人相信愈富有愈快樂」，9成，同港人，應該冇乜爭議。呢個context下你唔會關心咩叫香港人，計唔計賓妹食唔食酥皮蛋撻（本人唔食，牛油皮萬歲）拎乜護照唔係重點。
7. 至於「富有」，對正常人嚟講，都係well defined，當然係錢。如果有人睇呢句嘢然後同你拗「富有有好多種，心靈富有都係富有」，咁你可以叫佢get a fucking life - 唔係我話心靈富有唔重要，而係，屌你，人地個題擺明係講錢，你咁扭曲都得？呢啲人疏遠為妙。正如我討論「港女以貌取人」，就梗係講你個樣（或者包埋身材，可辯），唔通睇你賓周粗唔粗？而我唔係話賓周唔重要，但人地講樣嘛！賓周都係樣？除非你係一個撚樣（本文金句，大家間低）
8. 當然，「財富」係指人工，定資產，可辯。似乎應該係後者，否則你會落入「李嘉誠好低人工但佢好開心」之類嘅東西
9. 「快樂」，就難搞啲，真係有啲難定義。但我定義（當然你可以不同意，但我會說服你用我定義），至少在呢個句字中，好簡單，他人即地獄，快樂係主觀嘅。你覺得爽，就係爽。既然你可以覺得「人工又高健康又好晚晚食好嘢老婆又乖仔女又生性又多人尊重但心靈都可以好空虛」嘅，咁的確，快樂就係好主觀。你自己話係就係，你有最終決定權。
10. Once 同意咗呢堆嘢，就已經唔難，亦係一般呢啲調查玩嘅嘢—我咪做調查，睇下你有幾多身家，或者人工，再自評下你快樂程度。搵個圖，搞掂。亦係不同研究話「五皮嘢相當快樂再上就分別冇咁大」嘅玩法。
11. 唯獨仲要講嘅係，呢種「愈XX愈XX」嘅句式，幾危險。登登，馳名嘅「鄧小平論」又可以出場。總係有啲撚屌要講，「喂唔係喎我表姐人工高我幾倍但佢好痛若」（佢話痛苦啫，唔通大劉話你知佢有幾爽？）「喂唔係喎我幾年前人工低啲嗰時真係開心啲，都係我自己，有資格講啦？」
12. 呢啲，就係「鄧小平撚」。即係鄧小平食咁撚多煙，但好長命，所以「愈食得多煙愈短命」係錯的，我搵到例子反駁你套嘢！哈哈。 唔好笑，好多人都係咁，只係加多啲術語包裝。
13. 「愈XX愈XX」，其實好簡單，最好放到數學陳述咁，睇correlation 睇 coefficient 睇R-square睇goodness of fit，係呀，「數字唔代表一切」（呢啲叫「一切撚」，有機會再屌）。但，用呢啲陳述嘅好，係大家都講緊同樣嘅嘢。唔存在咩「有例外所以你套嘢錯」，或「車唔中又話例外咁你講晒」。
14. 係好簡單的，我話有個好強嘅正相關之嘛，冇話冇例外，甚至冇話正比例（而你老味好多人連linear同正比例都未識分，香港搞STEM有幾撚好笑又一例證），甚至唔使有causation - 係有錢嘅人先快樂？定快樂嘅人搵到錢？定根本係其他第三因素（我係靚仔靚富二代，或者我DNA超好，自然又多錢有開心）
15. 真係最後，講咗咁多上半句，「近9成港人相信愈富有愈快樂」，其實很好，證明香港人冇我想像中咁弱智—但平時明明個個唔係咁講，證明香港人虛撚偽，把口就個個話唔信（但to be fair，如果我將個問題包裝為「認唔認同錢可以買到快樂？」，結果可能就爭一截，問題設計出術，又一常見嘅套路）
16. 講埋下半句，「惟近8成人缺乏理財規劃」，我就真的醉了，而我不知道what the fuck you are talking about。下半句嘅字，比上半句含糊好多
17. 首先，咩叫「理財規劃」？為將來做打算，OK。但，你估下，在呢篇文嘅context，「我諗住活到四十歲然後燒炭」算唔算「理財規劃」？或者唔好咁極端，「我諗住買樓買樓再買樓」「我個個月出糧去買金」，你估算唔算「理財規劃」？
18. 答案，唔算。因為，係「財富管理集團St. James’s Place Wealth Management Asia發表」。再講白啲，你聽咩埃汾鳩買美股或者月供指數ETF，都唔算「理財規劃」。「只有幫襯我買基金先係！」。真係咁的。
19. 咁所以，你明了，後半句，「缺乏理財規劃」，咩叫「缺乏」？你去問你保險經紀，佢幾撚時都話你缺乏架啦！你隻倉鼠買保險未呀！你本李麗珍寫真絶版啦喎，使唔使投保呀？你幾時都係「缺乏」，直到佢搵夠。而一般，錢係唔夠。
20. 真的，「近9成港人相信愈富有愈快樂 惟近8成人缺乏理財規劃」，前半我同意，後半我就哈哈哈。
21. 不過，明嘅，都話大原則唔阻人搵食。你要明白，好多人（強調，包括我！），係靠販賣恐懼搵食的。真的，好多行業，拆穿咗，最後都係販賣恐懼。你唔幫襯買保險？你就仆街啦，靠你啲仔養你？你想得美。你第時生cancer呀知唔知標靶藥幾貴？快啲買多幾份保險，咁就退休無憂—冇錯，係個保險經紀退休無憂
22. 但留意，我唔係叫人唔好買保險。而係講返，販賣恐懼as I business．呢個本身冇乜咁可恥，我自爆，我都係靠販賣恐懼。我話你知睇我嘅文比別人知得多，本質上係同美國賣軍火畀中東佬差不多—拿，你隔離訂咗新型號啦，你唔買因住唔夠打。政客，KOL，保險地產，甚至男仔溝女，好多時都係販賣恐懼。
23. 如果反應好嘅，又寫下集，講販賣恐懼。不過講真，真係快訂Patreon，呢排啲上客慢咗好多，令我成日心緒不寧。我知係正常現象，「但即係到老咗不舉正常現象，都係會唔開心的」。所以都係支持下，（https://bit.ly/31QmYj7），等我可以安心寫文。是的，有返一千幾百人，我就可以好放心寫文。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張兩個月已 600人訂，仲有兩篇免費試睇：https://bit.ly/31QmYj7
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Instagram @ivanliresearch．七成金融（短打）兩成嘢食一成其他嘢。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145
