有個人我要比十萬個叻佢，當然我唔會話你知係邊個(不過你哋估到亦唔拘）。首先個約會，佢早到！唔係冇遲到，係早到！！超感動反地心吸力一樣，盛讚！！第二，一餐飯正經嘢傾好晒又有效率又有條理，主菜嘅唔正經嘢傾得又爽，就算心有千千結但大家頻道接通此刻無價。由《Wild》延伸講到《Into the Wild 》繼續講到歷程、修身、自我淬練成長，講到片中哲學家梭羅一句 "rather than love, than money, than faith, than fame, than fairness... give me truth"。
Truth。真。我。
講到崔健，講到雖千千萬萬人，雖表面疑似證供，雖全世界誤會你我仍然不動仍然會懂。這才重要。風平浪靜以外、風高浪急中的明白最難。
之後一齊去睇Cumberbatch演《Hamlet》。今晚我兩都駕了車，臨走佢話「唔使車你返屋企好唔慣添」。呢句說話，可以袋一世。
