[阿爺減P,11年嚟第一次]匯豐減息Q&A
說好了的銀行水緊唔想做按揭生意?哈哈
1. 匯豐做乜減息?
簡單嚟講,因為美國減息4份1厘咯,獅子嘅最優惠利率(prime)咪跟減。不過只係跟8份1厘
2. 咁美國減息好意外咩?
完全唔意外,九成幾共識,其實即係十成。唔減息先係震憾彈
3. 入正題,咁做乜獅子跟減又咁意外?
11年第一次減息其實唔意外,經濟周期利率周期好多時十年八年,咁你由減變加再減,十幾廿年唔奇。奇在,明明之前匯控係冇跟美國減的。
香港同美國嘅利率機制,好多人都不甚了了(但又要出嚟鳩up),鍾意嘅睇我舊文重溫(最尾貼link),但簡單嚟講,p係銀行自己訂嘅,跟唔跟美國都冇所謂,甚至佢減你加又得,佢加你減亦得,甚至忽然間手痕想加減都係得的。
講返,雷曼爆煲後,美國低息咗好多好多好多年,直到2016年最尾先加息,總共加咗8次,到2018年尾停。重點係,香港(或獅子)跟咗幾多次?係1次。仲要係去到第7次(2018年9月尾)先跟,仲要美國加0.25香港跟0.125 .Fuck that 乜柒聯繋匯率美國加息香港要跟住加,講嗰個你叫佢讀多幾年書先同我講嘢。
然後到2019年,美國減咗3次息(連埋10月尾剛剛呢次)。頭兩次香港都冇跟。好正常,因為之前人地加8次你先跟半次,減落嚟都冇預你跟,甚至有人估美國減香港要加返,都合理。先後問題啫。
總之,應該好少人估咁快又跟返美國減,仲要一大堆唔撚識嘅外行人又話銀行水緊啦冇晒存款啦爆煲啦乜鬼,又話銀行唔想做生意呀樓按大風險呀咁。居然人地減我地又跟減,奇怪
4. 其他銀行會唔會跟?
難講,但多數會。你未叫北京做阿爺嘅年代,銀行行家已經叫匯豐做阿爺。無可爭議嘅最大玩家,仲要有埋恒生。一舉一動都影響其他人。舊文寫過,香港係3p年代,3個prime.對上一次搞到世界大亂,有啲跟有啲唔跟有啲跟多啲。事實3p年代前係正常啲,得大p細p.但阿叔做銀行嘅年代根本得一個p(夠資格大鳩你未?)。點解會有細p?你見到細p係匯豐恒生中銀,惡咯,店大欺客,存款根基勁,以本傷人,吹呀?但亦見到銀行唔係打籠通,係真係有競爭嘅。
寫文之時只得渣打跟咗,但我估其他會跟。比較得意嘅係,中銀的確有少少存款壓力,昨日寫過(http://bit.ly/2PwpQNp)。會唔會唔跟?但我估都會。
5. 仲會唔會減落去?
可能性應該極低。匯豐講到明應該唔會。當然商業決定隨時可以反口,梁振英都N年唔選特首。但,匯豐都有講,存款息而家又減到零咁滯,再減,就只能減貸款息,搵自己笨啫。況且美國都似乎釋出信號話今次之後短期(半年一年?)唔會再減
6. 對銀行有乜影響?
同之前咩郁按揭利率唔同,你啲p-x或H+y嘅xy只影響新造按揭,可能係銀行唔太想吸新客,或者風險管理,但郁唔到舊客的(合約精神嘛!)。但一郁prime就所有舊客都郁晒,因為所有人都係用同一個prime
當然,銀行唔止郁按揭息,有其他貸款都係用prime做參考,亦都有存款(但唔多)用呢個做參。但整體,其實銀行冇乜so
舊文寫過,銀行雖然係過河濕腳,但當然鍾意高息環境而唔係低息(http://bit.ly/2JznlGA)。上次加得8份1厘,以前大老細,星展嘅南美佬出晒嚟講加得咁少好失望,但形勢比人強,大行咁做佢地唯有跟做。而家話咁快打回原型
7. 對供樓幫助大唔大?
都唔差架,當你借4球嘢30年,一個月供16000左右,而家慳返400咁咯,還好。況且最重要係,原本都冇預會減,甚至預會加
8. 對樓價呢?
一直唔認為利率係一個好關鍵嘅因素,但認為美國加息負擔比率加重供唔到樓斷供負資產燒炭銀行收樓之類嘅,應該又可以休矣。香港嘅供樓負擔比率原本就極低—因為你唔係好Q高人工或有好大舊首期,根本唔會買到樓
9. 結論係乜?
好簡單,唔好睇啲未撚做過銀行未撚炒過股票未撚供過樓嘅人分析咯,識條撚咩。固然你唔使好波過美斯先可以寫足球文,但,處男教你做性愛大師,冇乜說服力。
舊文兩篇,想知香港銀行利率機制慢慢睇。兩篇都係舊年九月尾在北京去北韓寫
香港進入3P年代 : 12年第一次加P,只加八份一厘(http://bit.ly/2BZomTW)
壓測遲早調整,按息上唔到四厘,聯儲局此地無銀(http://bit.ly/2NpLK2p)
[UDN 聯合新聞網] SONY推旗艦機Xperia 1 VI 導入AI姿勢預測功能
[Yahoo奇摩新聞] Sony Xperia 10 VI亮相!大電量續航達2天售價1.4萬起
[雅虎香港新聞] Sony Xperia 10 VI 亮相:保持21:9 比例的美型羽量防水機
[SOGI 手機王] 改成19.5:9比例手感有變好嗎?Sony Xperia 1 VI搶先開箱
[ePrice] Sony Xperia 1 VI、Xperia 10 VI 台灣上市時間與售價公佈
soNy 在 Sony Taiwan - 首頁| Facebook 的推薦與評價
Sony Taiwan 。 254786 個讚· 1811 人正在談論這個。歡迎來到Sony Taiwan 官方粉絲專頁,成為粉絲、隨時掌握Sony 第一手消息! 若有任何問題請洽Sony 客服 ... ... <看更多>