沉悶星期二 #FS吃世界系列
韓國嘅美食介紹，多到眼花繚亂。相信呢間會比較少出現喺廣泛性嘅旅遊報導之中，但卻係一間高質，榮獲亞洲Best 50餐廳以及米芝蓮三星🌟🌟🌟
講返轉頭，其實韓國首爾喺舊年2016先開始有Michelin Guide，而「La Yeon 羅宴」就絕對係穩奪第一間三星餐廳，以韓國傳統菜式為主軸。
事不宜遲，由開始嘅海藻薄片、栗子羹，到圖中的柚子帶子及牛肉鮑參粥，主菜係二選一嘅鮑魚石鍋飯及生牛肉他他拌飯。
兩款主菜都有唔同嘅Korean style，份量非常慷慨，無諗過他他中嘅香梨甜味可以帶入飯𥚃面。原隻鮑魚嘅石鍋飯少了油膩飽滯，換嚟清淡嘅美味。
Heavy啲嘅可以加錢食韓牛，真•韓牛有三款製法，我地揀咗炭烤Sirloin，鎖緊油脂肉味，原來韓牛咁好食！
午市套餐由W98,000起 (~HK$700)，另upgrade一份韓牛，由頭盤到甜品嘅8個course，食完包你捧腹而回，兼具頂級味道😋如果想食Fine Dine韓國菜，我極度推介！絕對係食過最有水準嘅韓國菜，沒有之一。
你話會唔會好貴？以一家米芝蓮三星，抵到爛。
.
La Yeon 羅宴
首爾中區東湖路249號新羅酒店23層
#韓國foodsearchers #首爾foodsearchers @ Shilla La Yeon
