有沒有想過 身邊有些東西突然消失了 然後你可以點做？
我們都被荷里活電影教育到，認為所有超乎現實的假設，要合理就一定要有一個（似是而非）令觀眾認同及接受的解釋
例如 時光倒流要靠高速再加行雷閃電（其實都係一堆虛有其表令人嘩然）的畫面，去令你相信這種未遇過的情況，是有可能發生的
直至我睇完「About Time」，人家入衣櫃就可以去到另個時空，無科學解釋，只輕輕加多句「我們家族是有這能力」，就無觀眾再追問 「點解可以時光倒流？」因為個故事主題唔係講時光倒流
崇拜Richard Curtis的那份「薑」，佢作品全部人物都好夠「薑」!Mr Bean其實無理個世人，英女皇都照玩，薑!在莽禮上夠膽談情說愛，薑!（Four Wedding n a Funeral）普通人同大明星拍拖，薑!（Notting Hill）一班人不理世事，自困在郵輪上建立烏托帮，薑!（The Boat that Rocked）又肥又扒BJ，可以令兩大男神爭到頭崩額裂，薑!（Bridget jones Diary）係鍾意好朋友未婚妻，唔溝但都要俾佢未婚妻知道，薑中之薑!（Love Actually）
到今次「Yesterday」薑在，如果你一直抱住「睇你點解橋」，點解釋Beatles同其他突然不見了的東西，但其實人家都無打算解，因為根本要講的主題都不是這個
這故事是一位智慧前輩，輕描淡寫咁話你知「有冇諗過身邊有啲嘢，會突然唔見咗，你同個世界會有咩不同」
所以你不會看到劇力萬鈞，中段總會覺得有點鬆散，但就像「About Time」一樣，會突如其來有一場戲（回去見最後一次爸爸）令你熱淚縱橫，在「Yesterday」中男主角最後去找一個極似John Lenon的隱居男子，阿John對男主角說
我現在過得很不錯!!
這一下「如果John lennon還在……」，我的眼淚潸然落下!
「如果」 我們還有幾多「如果」，如果「如果」只是用來幻想，那就把「如果」幻想到最盡吧
感謝Richard Curtis，在這時侯給我「薑」，讓我夠薑去重新諗過好多「如果」
點解無乜提導演？我其實有佢第一部「Shallow Grave」就睇，絕對係成長中其中一位最影響我的導演，呢個故事如果早二十年拍，影像應該會凌厲很多，但我亦相信二十年前佢唔會接拍呢部戲……囉
#離場時好多人問你識唔識披頭四
