EP1.談用藥 : 咩係用藥? 合成代謝類固醇?
以往大家多數都會去避免/較少傾「用藥」嘅話題令到呢一方面嘅資訊模糊不清，為咗大家進一步了解更多呢個系列會分享相關資訊
「類固醇」係大多數健美運動員用嘅藥物，作用簡單嚟講就係加速進行身體的「合成代謝」（Anabolism）以增大肌肉，而注射/食用相關類固醇藥物大家俗稱「用藥」/ 外國稱「Roids」、「Gear」、「Juice」。
今集同大家講解多數健美運動員會用嘅藥物類型：「合成代謝類固醇」Anabolic steroid
合成代謝類固醇對人體產生的主要作用是：
（1）加速成蛋白質或氨基酸的「合成代謝作用」（Anabolism）
（2）促進蛋白質合成和抑制蛋白質分解的作用：能夠令身體長期處於蛋白質合成狀態對比
一般人只能透過訓練飲食去觸發肌肉蛋白合成而且維持蛋白質合成時間好短（兩者可以相差五六倍或以上）。
（3）加速代謝增進食慾
（4）刺激骨骼成長與重組，並增加血液中紅血
合成代謝類固醇可能出現嘅副作用：
（1）肝臟負荷：長期大量濫用會導致黃疸、肝硬化、肝充血性囊腫和肝臟腫瘤。
（2）性能力受損：長期使用合成代謝固醇會令身體自行分泌嘅睪固酮下降會導致性功能障礙，可能會造成陽萎甚至睪丸萎縮。
（3）引發男性女乳症（Gynecomastia）：長期濫用合成代謝類固醇可能導致過量睪固酮被芳香酶轉化為雌激素，引發男性女乳症。
（4）情緒混亂/令女性經期亂或停止：合成代謝類固醇會干擾身體嘅荷爾蒙及可能令女性聲帶變粗。
（5）提升心血管疾病：長期使用合成代謝類固醇會令血壓高、心室肥大令增加罹患心血管疾病等。
點解頂尖健美選手面對嚴重嘅副作用同風險仲要用藥?
因為佢哋想透過科技藥物令身材突破去到另一個巨大嘅層次與其他頂尖健美選手競爭但背後付出嘅代價同準備並唔係每個人都適合例如：「用藥」嘅精確度、藥物種類嘅配合、訓練方法嘅轉變、定期嘅身體檢查監控......
有錢嘅健美選手都會有自己嘅醫療團隊，使用藥物時隨時檢測身體中各種荷爾蒙的變化，隨時根據運動員嘅狀態進行PCT (Post Cycle Therapy) 治療、使用抗女性荷爾蒙製劑、HCG 、Clomifene、Triptorelin(GnRH analogue)、抗泌乳激素製劑等昂貴嘅藥物及治療方法，相對唔係咁有錢嘅都會有固定嘅私人醫生/專業人士協助。
筆者認為就算用藥除咗要睇識唔識「用」之外有幾個考量點：有無足夠嘅準備 /決心、你用藥目標/目的、心理準備（副作用）、有冇必要、改變訓練方式......
用藥並唔係（經某啲渠道）買完之後一用就可以去到頂尖健美選手佢哋嘅高度，但即使佢哋有醫療團隊/專業人士都可能會出現「用藥」令佢日後身體出現問題，可想而知盲沖沖去「用藥」嘅人會承受幾大嘅風險。
*此文章純粹分享資訊及並非專業嘅醫學建議/鼓吹任何做法，如有錯漏敬請指正。使用任何藥物之前請查詢醫生/專業人士嘅專業意見。
-
圖/文 ：Hugo
參考/資料來源：
https://www.webmd.com/men/anabolic-steroids
https://www.sciencedirect.com/topics/chemistry/anabolic-steroid
https://adf.org.au/drug-facts/steroids/
https://www.google.com.hk/amp/s/helloyishi.com.tw/fitness/other-fitness-activities/the-uses-and-risks-of-anabolic-steroid/%3famp
https://truehealth.com.tw/2016/06/pct-anabolic-androgenic-steroids/
https://www.jacksonprogress-argus.com/features/health/bodybuilding-steroids-linked-to-long-term-testicular-damage-study-finds/article_7322474b-fb2e-5484-8899-5431ed407a70.html
#kofgym #strength #肌肉 #力量 #健身室#gymhk #hkgym #重量訓練 #肌肥 #用藥 #類固醇
