#小編去開房 之 港島現存歷史最長五星酒店（三）
上兩篇帶大家睇完特別主題+三道菜晚餐，係時候帶大家睇睇房+逛下酒店+食自助早餐啦～😉
🎊優惠詳情🎊 https://flyagain.la/94435
🎊預訂網址🎊 https://bit.ly/3ipHYY0
📍預訂日期📍 即日起～6月25日下午6時
📍入住日期📍 6月10日～8月15日
🛏 房間
小編今次係入住皇后像廣場景觀客房，房間面積都有400幾呎，空間都幾大😆雖然唔係海景房，但小編就覺得反而仲抵，因為三種風景都睇哂！😎行到落地玻璃前，左望係維港海景；前望係廣場景；右望就係中環繁華樓景，一房三景！🥳
房間大致分為三大部分：浴室、睡房、窗邊空間💁♂️窗邊空間係小編覺得最特別的一環，佢喺落地玻璃旁，有一張大梳化（勁好坐）、一張茶几同一張大工作枱，空間同睡房地板唔同，而且可以拉遮光簾阻隔，好似一個獨立空間咁🤭，望住風景chill下，或者（好似小編咁sad😭）要做嘢都得，而且可以兩人分開活動互不打擾～😉
睡房有床、電視、雪櫃，行出走廊少少有衣櫃、茶水間同接物處💁♂️床幾舒服，但比較短（小編175cm左右，對腳都有少少出咗去😅）電視好多選擇，有成91個台咁多😮（有viu🤓），仲可以鏡射／HDMI，夠玩！😎 全屋燈都係靠床頭櫃個燈版控制，有少許複雜，一開始可能要啲時間摸索一下啦😂 另外比較特別係接物櫃，佢位於最近門口的櫃，如果你有打電話攞水／茶包之類，佢會直接擺喺櫃，唔使面對面交接，既有私隱又衛生～🤩
最後浴室，有淋浴間、浴缸、馬桶，中間有洗手盤同一塊可以轉角度的鏡（另一邊係電視），裝修以雲石為主，更顯貴氣！💃淋浴間有個可調校角度的固定式花灑，十分好用，而且水力好強，有按摩感，超級舒服！😍浴缸唔算大，但水喉出水好快，浸浴控會like！😛
房就真係冇乜問題，仲十分好，係樓底矮啲啲，如果生得高會有點壓迫感🧐；同埋wifi係小編最想吐槽的位🤨，係要登記做會員先有得免費用，唔係要俾錢！不過登記好快好簡單，又唔使錢，登記完仲有禮物送，就算了～🤐
🏊 酒店設施
文華東方貴為頂級五星酒店，裝修典雅華麗，但比較沉實而唔係土豪feel，有唔少位影相都好好睇😌當然設施都齊全啦！🤗
24樓有水療中心，同埋大家最關心的健身室同泳池，健身室面積中等，設備都齊全，仲有啲少有見到的器械，都幾唔錯🤭 而泳池就要24樓最上一層樓梯，係室內的，面積就真係細，喺政府現行政策下只可以容納5人🥶，想去真係要花啲時間啦😅
🍳 自助早餐
自助早餐喺快船廊度食，同晚餐地點同層（M/F），早餐款式好多，係暫時小編去過數一數二地豐富😇除咗大路嘢，比較特別係有點心，佢係一個個細籠，不時會推出，都有幾多款式（見圖），每籠一人份啱啱好🤓
冷盤除火腿、煙三文魚（超超超好食！🤤）外，連煙吞拿魚都有，真係好少有：果汁選擇都多，西柚、士多啤梨汁都有；另外仲有洋蔥豬肉餅、日式薯餅等等等等，真係食兩三round先食哂自己想食嘅嘢～🤩
整體嚟講食物多款外都好新鮮😋，如果你想食啲咩，可以直接同職員講，佢哋會幫你直入廚房order（例如egg benedict），服務一如以往地好🥰
💬 結論
貴為老牌五星級酒店，無論房、餐飲、服務質素真係冇令小編失望，都係位於水準之上，令住客好有賓至如歸的感覺🥰，而家呢個價住到真係難得～😍
未完待續
wifi egg 在 Wifi Egg 漫遊蛋- Home | Facebook 的推薦與評價
宅在家最緊要係有WiFi，在家工作或者煲劇打機，有Wifi Egg就解決一切網絡問題！ 適合抗疫隔離、在家工作、學校學生網課、遙距視像 ✓無合約 ✓ ... ... <看更多>