[畢菲特最新搞作]入股5間龍頭日本綜合商社,5間都買到超過5%
CNBC原文:Warren Buffett’s Berkshire Hathaway buys stakes in Japan’s five leading trading companies (https://bityl.co/3HJo)
TLDR:韋拿踢法似我,股神畢菲特都買日本股,本人一早講過下。定只係股神太多yen又冇得去日本,唯有買股票泊住啲錢!有冇話你知,巴郡之前發日圓債拎咗60億美金等值嘅日圓?
1. 突發都突咗一陣,但照講。股神畢菲特又有新搞作,上次買完Dominion Energy(https://fbook.cc/3Eo0),其實都係小試牛刀。今次就算比較大動作。
2. 今次係買日本公司,而且在日本股市買。仲要一買就五間,仲要係同一個行業!仲要買晒龍頭五間,五間都係日經指數成份股,仲要每間都買到超過5%。嘩。
3. 你咪你,股價就掃晒上去了。而不經不覺,以外幣計,日經指數今年已經上返水面(本幣yen計就仲潛水少少)
4. 今次買嘅五間公司,五間都係Trading Firm,日本嘅「綜合商社」,乜乜乜商事嗰啲。由大至細,分別係三菱商事8058,三井物產8031,住友商事8053,伊藤忠商事8001,同埋丸紅8002
5. 實情日本有七大綜合商社,七間都係日經指數成份股(225隻),呢五間就最大,剩返兩間係豐田8015,同埋雙日2768
6. 到底搞乜,就真係等日本通講下。綜合商社肯定唔係十分當炒嘅行業,但還可以。仲要5間都買到超過5%,都62億美金。當然同巴郡嘅1300億現金比,仲係好細。
7. 而股神講明,打算繼續增持,去到9.9%。因為再多就要人批
8. 難聽啲講句,股神嘅戰績,近年認真麻麻。有時過咗個tipping point就係咁。以前呢,真係放個屁都香,佢買乜都好,都一大堆專家出嚟講 嘩點獨具慧眼,真係好似球王跣腳都係假動作咁。但而家開始去到另一極端,啲友開始當佢燈神,屌,識唔識架?
9. 根據本人有限嘅理解,綜合商社呢種玩法,而家潮流係唔多與的。佢地唔完全係綜合企業,但近十幾廿年嘅大細,都唔睇好呢類業務多多嘅公司—一般啲估值都幾大折讓,正如巴郡本身亦都係。真正嘅conglomerate,係嗰堆Big Tech.日本呢類綜合商社,呢度又玩個JV,嗰度又入股幾%,中港台東南亞乜都玩,得唔得架?仲要而家講全球貿易?
10. 不過,有一點幾有趣,被問到怕唔怕外匯風險(美國佬自己美金係咁跌就問人外匯風險,嘻),巴郡有提到,其實公司之前發日元債,有差不多60億美金。咦?個數咪同佢入股嘅金額差不多?
11. 所以,可能一大堆解讀,最後原因係畢菲特拎住咁多yen 冇定洗,又冇得去日本,唯有買住啲公司泊住啲錢。始終渣現水死硬。呢個係另類解讀
12. 但我仲傾向覺得,日本股票在未來十年廿年會成為焦點。估值殘已經好多人講過,當然亦同佢地傳統嘅各種老味嘢(交叉持股呀,對activist 唔友善呀,官商黑勾結呀,好多古怪業務呀)有關。
13. 但想講日本人低調地做咗唔少媒體收購,Financial Times 而家係日經旗下嘅嘢,Quartz News(香港較少人識,埃汾幾年前已經勁推)亦賣咗畀日本人。日子有功,日推夜推,鬼佬投資者都見多咗好多日本股市嘅嘢。我型住係有啲幫助嘅
14. 以上種種,以前收費專欄寫過,篇文好似冇公開貼過出嚟,但入面講嗰幾個日本股故事就Facebook Page 有,原文摘錄如下:
「近三五七年,香港炒美股嘅人多咗好多。首先係中港股市令人失望,美股又升極都有。但最重要嘅,係有故事講。始終美股啲公司係國際品牌,科技水平又最高……(下刪一萬字),相對地亦冇咁多搵小股東笨
但日本呢?個人覺得日本股好炒,至少多故事寫。如果我識日文,或者住日本,我就會做日本股KOL。近年都寫過多次。三菱化學做肺炎疫苗,任天堂Switch動物森友會,ASICS Mizuno 跑鞋,口罩股肺炎四寶。最重要係,有故事講,香港人又熟悉。總好過我同你講咩大陸核電股。加上日本公司,相對地出古惑嘅情況都比較少。再扯遠啲,日本人口下降,拉外資吸引民係必做嘅事。你見日經新聞都買埋Financial Times,西媒係多咗好多日本公司故事。個人覺得,美股同日本股,都仲可以實現「股壇許冠傑」Peter Lynch講嘅嗰種生活投資法。
我就係想去開呢個商機。可惜我唔識日文。否則我真係主動去敲門。你識嘅可以去試,最好介紹埋我。」
15. 最衰本人年紀大機器壞,否則應該去學日文推日本股。
—————————————————————
Ivan Patreon 狼耳街華人,一個星期至少三篇,一個月一舊水唔使,兩星期已超過400人訂,仲有兩篇免費試睇:https://bit.ly/31QmYj7
—————————————————————
[收費短片第八擊]美國總統大選買股部署
課程資訊:https://homebloggerhk.com/course_detail/?code=CC008
到上link會見到紅色按扭直接購買及觀看
題目:「美國總統大選買股部署」 /cc008
內容:
*美國總統大選買股部署
*美股8月終極一升,然後…
*制裁美國上市中資股,有乜後果?
*蘋果2萬億市值,之後點?。下間2萬億市值係?
*未買記得買返CCO06(下半年選股)同CC007(買金)
本星期內特惠售價: $80
課程編號:CC008
觀看期限:首次播放後一星期及限每影片4次
客服whatsapp: 63832145
yen 跌 原因 在 君子馬蘭頭 - Ivan Li 李聲揚 Facebook 的最讚貼文
[業績亂打]阿信屋(759)純利大升!好似係!除非唔係!
1. 聖誕報喜!草根生意唔受衰退影響!唔係LV,唔做大陸客,所以又唔受冇大陸客嚟影響!留意返4月年結,今次中期業績係5–10月
2. 睇真啲業績 (http://bit.ly/2MqkDnX),原來所謂大增2.54倍,係140萬升到507萬!買層新界樓都未得(當然不能咁比)。
3. 咁你話,升即係升啦,都係喜訊。總好過蝕,咁環境唔蝕執到。又其實係。不過,睇埋點解賺錢?稅前賺520萬(近乎唔使畀稅啦),但有480萬係賣物業(舖?但賺咁少?定倉?定乜?唔知)。即係本業係零利潤 — 當然,總好過蝕
4. 又所以插嘴講下,點解香港地,譚仔米線又好(http://bit.ly/2DaMUdl),賣燒鵝又好(http://bit.ly/2m3Ib7W),做援交妹都好(http://bit.ly/34gGxAX),都係買樓買樓再買樓,或者買樓買舖買廠。都唔好話廿年前啲廠佬買樓買舖買廠賺嘅錢,係佢做本業幾世都搵唔到。正面啲睇,就算落難之時,就係靠賣呢啲嘢頂住,渡過難關。只要不死就是活著,留得賓周在哪怕沒春袋,話唔定之後又一條好漢。你見一仔之前落難,都係靠賣台灣物業頂住。
5. 仲有個技術啲嘅問題。如果冇理解錯,阿信屋係日圓升值嘅受害股,基本上yen跌佢就升(http://bit.ly/35WTz7Q),yen升佢就跌(http://bit.ly/2sYgQHJ)。因為生意收港紙,但部份來貨要畀日圓,日圓升就唔太好玩。其實係好渣頸就命望天打掛。你啲濕鳩大學Finance 大學生就梗係走去教人用Derivatives Hedge啦。咁易呀可?(當然唔排除其實好多公司係唔Hedge,自己take position)
6. 而一年去幾次日本嘅(例如我,你睇呢篇文時我就在日本買薯片)就當然知日圓4–10月相當強。有乜影響?其實上面講嘅未反映晒。For some 會計理由,有啲東西冇直接唔計入賺蝕—但其實我覺得係搵笨實嘅
7. 呢個叫total comprehensive income嘅東東,十分反智。見到啦,阿信屋話賺507萬,但呢個外匯蝕返1500萬!十分甘。不過舊年仲勁,3200萬!所以扣埋呢啲就直頭「蝕」
8. 但你話,喂,冇計落個損益表P and L喎,報出嚟係賺錢。係嘅。咁有乜影響?使乜理?梗係有啦。因為,會直接在你本book度冇咗的!「即係你入賭場兩個鐘後冇輸錢,不過最初拎500萬換籌碼,而家畀返400萬你」。正式啲講就係,真蝕錢咪經P and L再扣本book,呢啲就直扣。
9. 阿信屋嘅例子,所以你咪見到,明明賺錢,又冇派息,但本book居然縮咗。亦因為呢啲原因,你睇啲咩保險股,睇佢咩賺同蝕,係浪費時間的。本book可以縮咗一半,但公司仲係話冇蝕錢。
________________________________________
10. 講下其他。阿信屋,講緊半年做9億幾生意架!都真係唔好講乜利錢,實情已經連蝕咗N年。呢類就真係表面風光,外行人以為身光頸靚,內行人有苦自己知(唔係扮)。半年都9億生意到你手喎,實情賺到嘅極少,甚至好多時要蝕。
11. 最風光嗰時(2011),阿信屋一年6億生意,賺3000萬左右。5%純利率,其實相當好架啦。但就只係嗰年。又係老生常談,護城河嘛。Scarcity。你有議價能力,定係消費者有,業主有,供應商有?
12. 阿信屋點玩,應該大把人熟過我,但我睇返嚟嘅,咩成個櫃咁入貨,日本人點信你 — 人地唔識抄?日本人凈係信你一個咩。呢啲生意係好難持續嘅。反而你見啲快餐店,純利率都可能係5%,但相對地個生意冇咁易畀人取代(你可以聽日開間777問韓國泰國拎貨,但你可唔可以聽日開間大家樂?)
13. 不過又話說回頭,業績差就還業績差。甚至你可以學埃汾金句:業績只有合唔合預期,但公司應該冇分析員跟了。其實得返2億幾市值,應該呢啲小小賺蝕唔會影響到,賺幾百萬同蝕幾百萬,對股價影響應該一樣。係生死問題,唔死就唔係呢個價啦
14. 之前都寫過,蝕錢唔緊要,蝕唔食得起?(http://bit.ly/2SkrDEG)。阿信屋本book都仲4億,今年半年勉強好似力保不失,上年全年就蝕1千萬,咁如果只係每年一千甚至幾千萬咁蝕,都有排未死嘅。
15. 呀仲有,睇嘢實在唔好咁表面。阿信屋應該唔係好受大陸客影響,但不等於會好做。正如LVMH好受大陸客影響,但股價業績坐火箭,大股東幾乎變埋世界首富,仲大把錢周圍買嘢。
16. 呀仲仲有。真係唔好做。半年9億生意,上市公司又點?你見,舊年係冇一條友有100萬人工!(今年好啲,有一個)。然後你班冷氣西裝友叫人地搞ESG。哦。真係講ESG嗰堆友大把人工都唔止100萬啦
yen 跌 原因 在 君子馬蘭頭 - Ivan Li 李聲揚 Facebook 的最佳貼文
[錢解決不了的問題,再多錢就可以解決]LV 搞掂Tiffany
1. 未正式公佈,等於我地睇球員轉會都話要開記者會拎埋波衫影相先算數。但金融時報之類出得,應該都冇乜走雞。
2. 呢單會係LV史上最大收購。但其實好正常,一來股價都新高,二來Bernard Arnault幾乎做埋全球首富,邊有得返轉頭。三來有通脹,正如球員身價都係一路咁破紀錄的。
3. 件事真係極其快手,早兩日我仲在函館,講「汽車維修員用LV士巴拿好合理」(http://bit.ly/2qEXRRC),有人更正話係Tiffany,我話好快都一家人啦。結果而家我在盛岡,就已經搞掂,都仲未去到仙台。
4. 又其實,單刁爆出嚟嗰時,係十月尾,當時寫過文([瀨尿牛丸]LV買Tiffany?可能係全香港第一篇分析—http://bit.ly/36hKK9h) 。而家都未夠一個月就搞掂。有錢人就係同你唔同,區區1000億嘅刁(港紙啦),真係唔好浪費佢時間。人地大把嘢做
5. 我在舊文(呢篇自覺寫得幾好)(http://bit.ly/33hdYCh 全球首富離婚5啟示)亦寫過,亞馬遜光頭佬世紀離婚,1000億美金身家,都不過係三個月搞掂。可以為一百幾廿萬搞十年八年嘅,證明時間唔值錢。
6. 講返,舊文都提過作價((http://bit.ly/329AvAn)LV就百二蚊買Tiffany,香港就百二蚊派遊客),最初LV出價總共係145億美金,每股120蚊買Tiffany,甚至Tiffany史上最高股價(140)都未到,感覺係出手太低。當然亦可能根本預咗你會還價,老細心態,99蚊買到嘅嘢,唔好畀100蚊買
7. 市場真係冇乜死錯人,當其時LV只係出價120蚊一股,但Tiffany居然一度升到去130蚊。代表乜?睇死LV會加價。你可以比較下,港交所買倫交所時,人地個股價係當然升,但都低過港交所個出價,代表市場根本唔覺得會成。姞果亦然
8. 結果真係。冇官方消息(唔使出的),但外媒報導,LV加價加到130蚊一股,總作價差不多158億美金,兼且孭起埋Tiffany嘅債—都3億半美金的。不過都仲係未到Tiffany史上股價最高嘅140蚊。感覺上都係覺得買得平的,特別係好多公司(包括LV自己)股價都在史上新高喎
9. 我認為LV嘅方案打動到Tiffany,其中一個原因,係因為全部現水!在Tiffany股東嘅立場睇,現水是最好的,唔好印LV股票畀我。或日,有先甩治喎,之後LV有排升喎。可能係,但冇問題,你咪拎啲錢去買LV股票咯!咁你話,唔係喎,咁派股票畀你你一樣可以沽咗佢啫。理論上係,但實際上到我收到時你啲股票可能跌咗一大截,歷史亦幾多時便見到咁,因為買嘢多數係買貴貨的,winner’s curse.又係CFA 101,管理層好大喜功自己省靚CV,衰咗咪後人埋單
10. LV嘅負債唔算特別低(當然亦唔係太高),但冇所謂,一樣可以而家畀現水。真係想降低負債嘅—成事之後先印公仔紙咯。個分別係成事之後就唔關Tiffany嘅股東事啦,人地拎咗現水走人,話知你點攤薄都唔關佢事。但其實,LV市值係Tiffany20倍咁滯,濕濕碎,唔會消化不良,又唔同港交所買咁高咁大嘅倫交所啦
11. 之前講過了,好多人關心,買嚟做乜,有乜仙甩治。我相信都係冇乜的。
LVMH就係味將軍集團,亦即係奢侈品嘅美心,多品牌策略。亦唔只係佢咁。即係有美心就有King Parrot,有LVMH就有RicheMont 有Kering咁咯
12. 頭先講過了,LV市值係Tiffany20倍咁滯,所以唔會帶嚟好大影響。勉強要講嘅,舊文都講過。首先LVMH本身其實在低價位品牌係比較缺嘅,Tiffany正好補上。二來LVMH相對地在珠寶同錶呢瓣係未夠強嘅,Tiffany。當然仲有地理上,Tiffany美國為主,LVMH係亞洲同歐洲為主的,勉強可以話互補。但都係嗰句,LV市值係Tiffany20倍咁滯
13. 另外,舊文都講過,唔似係趁Tiffany病攞佢命,因為Tiffany股價唔係特別差,亦冇乜咩特別危機。反而係LV股價真係太強,而家唔印公仔紙等幾時?固然單刁係全現水,但可以之後先印。就當之後都唔印都好,始終股價在高位,你孭多啲債,投資者反應就肯定冇你股價低位仲借錢買嘢咁大。
14. 但我始終相信,對法國佬Bernard Arnault嚟講,Tiffany只係熱下身,小菜一碟,甚至係畀繼任人或仔女朋友玩下。
15. 都係嗰句,Bernard Arnault已經係世界三大首富。雖則70歲,但照計仲有排玩(邊個話錢買唔到健康?冇錢又冇健康嘅人咯)。錢又有,權又有,仲要乜?梗係要長生不死,千秋萬載。退而求其次嘅,就點都要Legacy.
16. 所以我始終認為,Bernard Arnault心中,點都想做個signature trade。到你又老(但又未死得)又有錢又有權時你就明有幾重要。索羅斯嘅signature trade就係打爆英倫銀行,馬勒當拿上帝之手肯定講到佢死咗都仲講緊。
17. 對全球三大首富Bernard Arnault嚟講,仲有乜signature trade,壯志未酬?就梗係名牌中嘅名牌,愛馬仕啦。我幾乎肯定,Bernard Arnault搞唔掂愛馬仕,會含恨而終。
18. 愛馬仕於Bernard Arnault,就好似置地於李嘉誠咁,係所謂嘅Icing on the Cake,Jewel in the Crown.唔摘下唔痛快。好似屎撈人上面粒豆,或者章韻芝在《爆3俏嬌娃》入面嘅cameo咁(有冇人睇過套戲?納稅人出錢呀,爽)
19. 係呀,做全球首富原來都好慘的,得到咁多都仲係有嘢想要仲未必要到。真係好辛苦。所以聽日記得準時返工啦。
20. 我就繼續食盛岡短角和牛先(然後下星期準時返工,唔返工邊有錢食,10000 yen 300 gram架)