《大地之子，you win》
以前睇電視劇，話d情侶會因為牙膏由尾定由中間擠起呢d小事而鬧交。以前我會覺得做戲je，但同大地之子連續相處左兩個月，發現其實真係可以為好少事就火起。「相見好、同處難」真係永恆的金句。
講左咁多大地之子的好人好事，等我都揭露下佢的黑暗面🌚😏例如佢成日食完飯就開始打機，放晒d碗喺度唔洗啦、著完d襪又周屋放啦、成日掛住打機啦（咦？好似岩岩已經講左？）嗯🤔其實大概係呢三宗罪，我暫時未諗到其他😂但你知女人有時會突然心情差，無理由架。有個page講十萬個激嬲女朋友的理由，其實邊只十萬個。就喺琴晚，我又唔小心嬲左大地之子。平時佢7點起身我又會跟住起身整早餐（其實只係倒d粟米片落隻碟😌）過佢嘆然後目送佢返工先訓返。今朝我賴死喺床，聽到佢關門返工嗰刻，內心沉左一下🤦🏻♀️頂，頭先應該起身扮無事，而家咁搞法，點整個落台階畀自己呢？個心羅羅攣左成日，望住個鐘時間滴答滴答咁過，即係佢就放工返黎！點好呢點好呢？！3點45分，我走左上房（扮？）訓覺。4點鐘聽到佢放工開門的聲音！佢入到屋見唔到人就自然上左房搵我，死！仲未搵到落台階！於是我繼續扮cool先😎頂🤦🏻♀️cool得濟，佢走左～～😭😭😭個心再次沉左一沉，頭先應該喺佢氹我嗰陣就黎個擁抱大團圓結局啦。扮咩cool,而家佢走左啦～～抵死呀！（完全好似拍偶像劇咁，多重內心劇）
隔左半個鐘，佢都無上返黎😭😭點知突然聽到佢上樓梯的聲音，我又下意識地即刻轉身扮訓覺。我聽到佢入左房，聽到佢搬凳的聲音，然後「鏗」一聲，放低左d野喺張凳，又「嘭」一聲，再放左d野喺張凳度，然後再「吧嗒」一聲，佢關左房門走左，我再次心感不秒之際，一個轉身，見到的畫面令我眼淚直奔。
原來佢離開左半個鐘係去左買我最鐘意食的壽司😭仲要將佢地靚靚咁放喺隻碟上面，擠埋豉油。旁邊放左枝畀我gur一gur ge可樂，仲好貼心咁放埋開瓶器。最催淚的係佢將佢用黎打機的電腦，開住我平日最愛的TV show, How I met your mother 畀我送壽司。佢知我肚餓，但又未搵到落台階，於是佢默默咁放低左d壽司就退場。睇到呢個情景，我唔再需要d咩落台階，我淨係想落樓梯同佢一齊食壽司。我落到去，細細聲咁弱弱地講左句對唔住，之後成個人即刻鬆晒，原來全日的無聊內心戲用一句道歉就可以全劇終，有時係好難開口，但當你見到對方付出咁多的時候，一句對唔住都唔係咁大不了，洗多幾隻碗都無乜所謂，彎低身執起隻襪都係一秒，少點計較，多點歡樂☺️大地之子，you win!
---------------------------------------------------
想睇更多法羅群島靚相？
請follow ig: whereisfaroeislands
https://www.instagram.com/whereisfaroeislands
how i met your mother金句 在 看劇學英文推薦影集EP.1 ｜How I Met Your Mother - 專屬看板板 的推薦與評價
【How I Met Your Mother 經典片語補充】. 【WUWOW 隨堂考】 影片中提到的3個金句，你都學會了嗎？ 現在就輪到你用「 enjoy the ride 」來造個句子快 ... ... <看更多>