關於 ipad 128gb 夠用 ，我們在網路上蒐集到這些相關的討論、資訊與評價

蘋果為何擁抱中價市場?

美國蘋果公司以往推出的手機、平板和手提電腦，都給予用家高檔貨品的形象，例如iPhone 6s Plus的128 GB版本已超過了8000港元心理關口價格，足夠買兩部其他品牌的平價手提電腦了。憑此高檔路線，蘋果一直盈利豐厚，可惜好景不常，該公司最近銷量增長放緩，其產品的創意和新鮮感似乎有點減退，因此改為向中價智能手機市場推進， 也是無可厚非的一着。

以往蘋果會把上一代手機降低價錢，當作低一檔的產品銷售，但現在使用iPhone 5s的朋友，一定會發現在升級到最新的iOS 9.0以上版本之後，手機性能便大打折扣，所以蘋果剛推出的iPhone SE，便把現有的iPhone 5s換上A9 CPU及M9 GPU，讓iOS 9.0可以暢順運行。

有理由相信，蘋果應該還有很多製造iPhone 5s的零件庫存，於是借助推出iPhone SE消化產能。

借新機消化產能

有了新款的中檔智能手機，蘋果亦可拓展更廣闊的市場。這也符合蘋果已故創辦人喬布斯的初衷，因為他一直認為iPhone 4是最適宜一般人掌握的大小，而iPhone SE的尺寸正好跟iPhone 4差不多。至於iPad Pro 9.7吋版本，應該是針對喜歡使用Apple Pencil、卻又嫌12.9吋iPad Pro太大的用家，所以才應運而生。再下一步，蘋果會否推出平板電腦版本的MacBook呢？

方保僑 香港互動市務商會會長
http://www1.hkej.com/…/%E8%98%8B%E6%9E%9C%E7%82%BA%E4%BD%95…

蘋果於香港時間2018年9月13日零晨，發佈了3款新一代嘅旗艦手機 iPhone Xs、iPhone Xs Max同埋 iPhone Xr。雖然三款新手機在外型上都唔算有太大驚喜，但係其實都有唔少新功能同埋特色嘅。今日就同大家介紹下！

iPhone Xs 係17年推出嘅 iPhone X 更新版，大小、外型都幾乎完全一樣，只係重咗大約3克，5.8吋螢幕嘅解象度亦同上一代一樣。規格方面，iPhone Xs 用咗新一代嘅 A12 Bionic 處理器，官方表示比上一代 A11 處理器快15%，亦可以減低40%嘅電池消耗。新機支援新一代嘅FaceID，辨識比上一代快一倍，而機身用料亦都有優化，新機支援 IP68 防水防塵，相比起iPhone X嘅1米，Xs 可以在2米深嘅水入面操作長達30分鐘，照咁講應該成部機跌落泳池都唔駛擔心喇。雖然前、後鏡頭在硬體上無更新，不過在軟體上就加入咗 Smart HDR 技術，官方表示新一代HDR技術可以令相片更自然更靚，真實效果係點？ 就要試過先知喇！

講到功能上最大嘅突破，可以算係新機終於支援雙卡功能。呢個功能相信唔駛我多介紹，因為雙卡在大部份嘅Android手機上已經係好基本嘅配置，估唔到蘋果在介紹呢個「新」功能時，都可以將佢變成一個全新偉大嘅發明一樣… 相信都只有佢地先有呢個膽色喇。 不過又咁講，今次除咗大陸地區以外，在大部份市場推出嘅都係行一張實體SIM加一張eSIM嘅雙卡版本，相信各大台又要為eSIM嘅 iPhone Xs 系列做準備，而如果部 iPhone出咗問題，你又用緊 eSIM做主SIM，第二時要換卡就可能無咁容易。

iPhone Xs在容量上面亦有突破，最大內置512GB嘅容量，相信絕大部份嘅朋友都應該夠用。顏色方面，除左上一代嘅太空灰同銀色之外，亦新加入咗金色做選擇。價錢方面，64GB、256GB同512GB嘅價錢分別係$8599、$9899同埋$11,599。

另外，為咗回應市場對大Mon 嘅需求，今次蘋果亦推出咗iPhone Xs Max手機。Xs Max 手機在規格同功能上大致同 Xs 一樣，但螢幕就加大到6.5吋、支援1242 x 2688 解像度。雖然螢幕大咗，但手機整體嘅大細同上一代 iPhone 8 Plus 相若，所以用緊 Plus 系列又覺得 iPhone X 細嘅用家，呢部機就岩晒喇。另外，呢部機亦獨有之前一直只用在 iPAD 上嘅 Split View功能，方便同時使用兩個唔同嘅應用程式，用盡呢個 iPhone 歷史上最大嘅螢幕。最特別嘅係，在中國大陸、香港同澳門地區買到嘅 iPhone Xs Max係支援兩張實體Sim嘅雙卡功能架！價錢方面，64GB、256GB同512GB嘅價錢分別係$9499、$10,799同埋$12,499。

最後，蘋果今次亦推出咗價錢上較平嘅 iPhone Xr系列手機。同Xs系列嘅外觀差唔多，保留左「留海」設計，亦同樣用上 Xs 系列嘅 A12 Bionic 處理器，螢幕用左6.1寸嘅 LCD Liquid Retina技術，前鏡頭支援 FaceID解鎖，後置千二萬像素鏡頭。不過，呢部機唔支援蘋果獨家嘅 3D Touch技術，改為使用全新嘅「Haptic Touch」技術，呢個技術其實同長按差唔多，用來在較平嘅機款入面取代 3D Touch 用力按螢幕時所出現嘅選項。講到最特別，就係 iPhone Xr 會有6款色彩繽紛嘅顏色選擇，我個人就鍾意黃色，唔知你嘅選擇又係點呢？價錢方面，64GB、128GB同256GB嘅價錢分別係$6499、$6899同埋$7,799。

iPhone Xs 同 Xs Max將會於9月14日接受預訂，並於9月21日正式開賣。而 iPhone Xr 就要等到10月19日先有得預訂，10月26日才正式開售！

《Z世代達人》
麥卓華