《讀者請教》
話說我有個好任性,大唔透嘅姑仔。講返少少背景,姑仔大我一歲多少少,但係成日擺款,見到面冇一次主動打招呼,每次都係我hi佢,佢先會hi返我。而且佢唔會主動同我講嘢,淨係同我老公講嘢,我都係做人家姐,如果細佬帶咗女朋友返嚟我一定會好主動撩佢講嘢😣我見佢咁樣當我透明,我都當咗佢透明同佢屋企人食飯淨係同老爺奶奶傾偈。以前姑仔去過幾年外國讀書,浸過幾年鹹水海就當左自己係abc,非常鬼妹性格,我行我素,亦好鍾意周圍蒲,唔定性,老爺奶奶都冇佢乎。
啱啱前幾日,凌晨12點收到姑仔電話,係佢嘅friend打電話嚟,話姑仔飲醉咗,佢嘅friend已經送到佢屋企門口,但係就醉得滯用唔到指模開門,於是搵我老公求救。(老爺奶奶咁啱返咗大陸間屋冇人)當時我老公見到一男一女陪住姑仔,我老公唔想姑仔啲朋友入屋所以就叫咗佢哋走。姑仔嘔到一地都係,搞到我老公要幫佢清潔,因為間屋入面仲有隻貓我老公唔想隻貓食咗啲嘔吐物⋯⋯但係實情我老公第二朝仲要六點起身返工⋯⋯事後問返姑仔,原來陪住姑仔嗰個男人就係姑仔嘅男朋友(我同老公都唔知佢有男朋友),佢男朋友完全冇表明身份,扮晒野話驚留低會比我老公誤會係執屍,我諗佢實情係唔想幫手清潔,咁我就同姑仔講笑咁講叫佢鬧下佢個男朋友啦唔幫手善後就走,姑仔就答自己飲醉唔啱冇理由要人哋幫佢,咁我老公就要有義務幫你咩!!!夜麻麻仲要冇得瞓覺上去幫你呢個公主開門同埋清潔!!!
最嬲嘅位係,我覺得姑仔冇咩悔意,佢自己酒醒之後,見到自己對腳撞瘀咗,就影自己對腳影到又長又幼擺晒pose放上ig呃like同扮可憐,caption就話自己撞鬼⋯⋯其實咁大個人應該控制下飲幾多酒,唔好咁樣影響到你朋友同你屋企人啦⋯⋯
最後我同我老公傾,話如果仲有下次飲醉,就叫佢啲朋友送佢去急症室,唔係下下都要包庇佢嘅任性······其實結咗婚唔係一齊住,我老公已經有自己一頭家要顧,而且姑仔30歲人咁大個有咩事其實都要自己負返責任!
呢件事我分享左比我爸媽聽,佢哋覺得我老公要上去幫手係好合情合理,不停勸我唔好為咗呢個人唔開心同埋嬲,但係我聽唔入耳,我覺得好似冇人明白我處境,想知道大家點睇,謝謝🙏
#我的極品四大長老
「ig caption打咩好」的推薦目錄:
- 關於ig caption打咩好 在 我的極品四大長老 Facebook 的最讚貼文
- 關於ig caption打咩好 在 全職獵人FullTime Headhunter Facebook 的精選貼文
- 關於ig caption打咩好 在 辦公室日報 Facebook 的最佳貼文
- 關於ig caption打咩好 在 ig caption打咩好2023-精選在臉書/Facebook/Dcard上的焦點 ... 的評價
- 關於ig caption打咩好 在 ig caption打咩好2023-精選在臉書/Facebook/Dcard上的焦點 ... 的評價
- 關於ig caption打咩好 在 ig caption打咩好的評價和優惠,DCARD和商品老實說的推薦 的評價
- 關於ig caption打咩好 在 BLAIR K - 不嬲少打長caption既我睇下有幾多人睇 ... - Facebook 的評價
- 關於ig caption打咩好 在 Kyanne Studio - IG 引流增加曝光率要做好的5件事Pt.2 - YouTube 的評價
- 關於ig caption打咩好 在 Instagram文化- 港澳日常板 - Dcard 的評價
ig caption打咩好 在 全職獵人FullTime Headhunter Facebook 的精選貼文
《專業係咩色》
冷氣吹到成間會議室好似停屍間咁,面試官不苟言笑,托咗下眼鏡,徐徐問志文下一個問題:
「你平時買開邊份報紙架?」
「《東方》。」志文下意識答咗今朝買嘅報紙,額頭慢慢滲出幾滴冷汗。
面試官咧嘴微笑:「Second-in嘅資料同事會呢幾日send俾你,加油。」
呢一刻,志文唔知應該慶幸《蘋果》早就消失於世上,已經冇得再被佢「買開」,定慶幸老豆今朝叫佢落街買報紙,七仔個架上面得翻幾份《東方》。
噢,你想問志文係黃定藍?呢個問題我諗佢本人都未必答到你。
佢中意睇《蘋果》,同朋友傾計得閒爹兩句鬧下政府,ig轉發新聞嘅caption義憤填膺咁。與此同時佢係Yuu會員,每次m記出新包都即刻撲去試,搵咗幾間心水公司原來都係中資。
你話佢黃?佢份人係幾撐本土嘅。你話佢藍啊?佢又真係周不時幫襯藍店。港豬?佢又唔係唔關心社會架喎。
究竟係幾時開始,政治、顏色同我地嘅生活,以至工作專業掛鉤?讓我地倒帶翻去2019年志文嘅一場面試。
——————
嗰日,好似係全民罷工大遊行黎。朝早有人塞鐵堵路,但志文去見工嘅時候已經係十點幾十一點,道路暢通無阻。
佢去到間公司,見到前面嘅求職者同一個員工爭論緊。
「唔好意思啊,今朝塞鐵,我轉搭巴士但係紅隧有路障,所以先遲咗咁多。我今朝有打電話黎交代翻㗎,可唔可以俾多次機會我?」
「但後面仲有好多人等緊去in㗎…」
「求下你啊,可唔可以幫我問吓先?」
「發生咩事?」面試官似乎聽到動靜,係會議室出黎,得知事件始末後講道:「我都好同情你嘅遭遇,唉,啲人日日搞事,香港真係不得安寧!」
求職者一怔,欲言又止。
「不如咁,你係度等下先,我in埋呢幾位candidate再安排你面試好嘛?」面試官示意剛才嘅員工安排,轉身入翻會議室。
「先生,咁請你嚟呢邊坐坐啊。」
「唔好意思啊,多謝你地肯俾機會我,但我突然醒起我有啲急事要走先,實在抱歉…」
當志文同佢側身而過,隱約聽到對方呢喃:「又唔諗下係邊個逼到我地要搞事…」
——————
「下一位,林志文。」
面試上半場順順利利地過去,面試官視乎對對志文嘅工作經驗同性格都頗為滿意,直到…
「啊by the way想問下你平時週末會去邊?」
呢一個月,每逢星期日都有遊行,面試官嘅暗示眾人皆知。
「睇情況啦,有時同朋友行街,或者行下山咁。」志文本來冇諗住講大話。
面試官見到志文除咗公事包之外,仲有個紙袋裝住衣物,繼續追問:「你陣間都去行街啊?見你帶埋衫換。」
兜唔兜好呢?
「下晝約咗朋友行山,著西裝唔方便,又返唔切屋企換嘛。」志文成功自圓其說,同時,內心深處有似有一忽倔強,隨之消失。
窗外天陰細雨,面試官一笑,二人相對無言。
面試官最後有冇俾offer佢?佢都唔知,因為個間公司唔係佢首選,之後in多咗幾間,就冇再理會過呢間公司嘅email。
咁今次呢?
朋友無奈笑佢話一不做二不休,既然都決定順面試官意,就唔好同自己過唔去。黎緊個second-in,照去馬啦…
話曬今時今日嘅香港,仲有邊個唔講大話?
——————
志文以前眼中嘅香港,係一百個人有一百種唔同嘅聲音,而又能互相尊重。但宜家嘅香港,可能只得一種聲音被准許…佢有冇資格去judge呢個社會現況?當然冇。為咗生活而低頭生存嘅你同我,都冇。
#撐政府係咪會叻做野啲
#大家點睇黃藍與專業嘅關係
l#FulltimeHeadhunt #全職獵人
Follow我哋IG:
🔝最新職位空缺:Fillturegroup
🔝最新職場情報及冷知識:Fillturecareercoaching
🔝全職獵人:Fulltimeheadhunter
ig caption打咩好 在 辦公室日報 Facebook 的最佳貼文
同事遲到仍不失霸氣。
「Sor!噚晚同男友鬧交鬧到成點鐘,今朝自動瞓多一個鐘先起身。」
我:「唔緊要,而家打工仔惡過老闆,你鍾意點就點啦。」
「唔係哩,真係勁嬲,我畀你睇下個台妹嘅IG,你答我,佢有冇化妝?」
話題轉得咁快既?原來鬧交導火線係呢個台妹。
我:「個台妹幾靚喎,人哋caption咪寫咗係素顏囉!」
「其實你哋男人知唔知咩係素顏?咩係淡妝?素顏係零化妝喎,呢個台妹張相你夠膽話係素顏?講你哋就信呀?」
我:「佢咁寫,我咪咁睇囉,咁激動做咩呀?」
「我男友係都要話佢呢張相素顏呀!你睇下成堆仔留言話素顏都好靚,搞錯呀!男仔真係唔識分㗎喎!你望下我,我而家係素顏定淡妝?」
我:「你咁憎人化妝,而家一定係素顏啦下話。」
「係淡妝呀!Oh my god!」
咩料呀🤣
「如果唔係噚晚晏咗瞓,黑眼圈出晒嚟,我就真係想素顏喇,而家都要化少少遮下,但你哋男仔真係唔識分㗎喎!」
對眼係「顏值」嘅重點部位,識得執一執先返工,算你幾尊重呢間公司啦!
不過素顏又好,淡妝又好,最聰明嘅做法梗係由保養做起,用法國醫學品牌FILORGA嘅全新升級皇牌亮麗眼霜 OPTIM-EYES,佢重點解決多種眼周肌膚問題,針對各種類型嘅黑眼圈,包括血管型黑眼圈、色素型黑眼圈,仲有結構型黑眼圈,可以淡化乾紋同埋浮腫型眼袋,等你有返對嬌嫩嘅明目。
我:「有咩好嬲吖,你應該慢慢教男朋友點分吖嘛,今晚放工叫佢買FILORGA OPTIM-EYES 畀你補返數啦。」
「咁好死幫佢講好說話嘅?你平時唔係話感情問題一律建議分手㗎咩?你冇拖拍,都唔想其他人有拖拍㗎喎!」
我:「說話又唔好咁講,你用咗OPTIM-EYES,即係等於每日畀對眼瞓多1小時,咁咪唔會再有藉口遲到囉!」
唔洗心郁郁喇,宜家尖沙咀崇光百貨 SOGO thankful weeks 有限定嘅FILORGA OPTIM-EYES 優惠套裝,放工即刻去睇下啦!
想知多啲FILORGA嘅產品資訊,可以去佢哋嘅官方旗艦店
https://bit.ly/3uMUmED
ig caption打咩好 在 ig caption打咩好2023-精選在臉書/Facebook/Dcard上的焦點 ... 的推薦與評價
ig caption打咩好 2023-精選在臉書/Facebook/Dcard上的焦點新聞和熱門話題資訊,找ig caption打咩好,instagram captions,photo caption中文,ig caption ... ... <看更多>
ig caption打咩好 在 BLAIR K - 不嬲少打長caption既我睇下有幾多人睇 ... - Facebook 的推薦與評價
不嬲少打長caption既我睇下有幾多人睇⬇️ . #冇針對任何人淨係ig story好似唔夠清晰我都想多啲名人對本地所發生嘅事發聲一陣又話限聚令最多兩個人一陣又話比返你堂食 ... ... <看更多>
ig caption打咩好 在 ig caption打咩好2023-精選在臉書/Facebook/Dcard上的焦點 ... 的推薦與評價
ig caption打咩好 2023-精選在臉書/Facebook/Dcard上的焦點新聞和熱門話題資訊,找ig caption打咩好,instagram captions,photo caption中文,ig caption ... ... <看更多>