胡家小物分享2 - 懷舊座枱鐘
(Sound on for 🎶)
上一次介紹過我從小就好鍾意嘅 #lavalamp ，今次就到介紹另一樣我都好鍾意嘅家中小物，黎自日本嘅Seiko座枱鐘，我都唔肯定佢應該係叫跳字鐘/轉字鐘定其他名（知道嘅留言話我知呀），依個鐘喺京都一個每月第一個周日先開 「東寺破銅爛鐵市集」買，價錢非常合理，唯一風險就係無得試，只能相信檔主話仲行得郁得，而且因為香港同日本電壓唔同，喺香港用就要加個變壓器。
最左邊一行嘅數字係set鬧鐘響嘅鐘數，響咗要熄鬧鐘就係鐘頂有個制拍落去。係片中都睇到，當最右一行嘅秒錶轉到50時，分鐘就會用10秒時間慢慢轉落下一分鐘，而唔係一下跳去，依樣都係其中一個我鍾意嘅地方。
另外因為顯示嘅數字其實係會著燈，所以夜晚熄咗燈又會成為一盞微弱嘅夜燈，有少少光但唔會打擾睡眠。
復古嘅造型令佢非常容易融入唔同風格嘅屋企，鮮艷嘅橙色又令佢成為家中嘅點綴，集功能、裝飾於一身。
喺二手市場尋寶其實係我每一次旅行嘅重點行程，每一次揾到價錢合理又喜歡嘅小物係比喺大商場shopping滿足好多，而且都可以話為環保出力，當然買二手野就一定會有風險，所以買之前記得檢查清楚，同清潔消毒過先好用！
seiko座枱鐘 在 這款迷你版精工座枱計時響鬧鐘以及慶祝SEIKO Super ... 的推薦與評價
你好，座枱鐘可於各大百貨公司鐘錶部選購或於旺角信和中心G/F的SEIKO鐘錶經銷店鋪均有發售，價錢為$260。 7 yrs Report. Pages Liked ... ... <看更多>