1/43 救護車推出了其實已經有3星期, 但fb我少提係因為提完無貨可買仲衰過唔提, 800架車350架係上年展覽會訂的, 其餘450架派店後五天內已售完, 好多朋友inbox問哪裡有, 其實不用找了, 我們已知的店都已售完, 要上二手市場碰碰 (剛朋友留言話淘大有, 應該係School Driver)
這架車褒貶聲音都多, 我在這裡不如以比較深入的開發及生產技術角度去同大家探討下大家的問題
1. 頂燈顔色及車兩側條花
- 大家看看第一幅有兩架真救護車, 一架托藍一架托銀, 主要係這兩款的, 我們係跟前車那款。
- 大家看看第一幅有兩架真救護車, 前面一款側面的橙黃條花跟車頭係斷開的, 後面係連埋, 我們係跟前車那款。
2. 外國品牌用移印我們用水貼因為省錢?
- 第一大家可去google查下1/43 ambulance, 大家可看到NEO及MasterPiece出過樹脂Sprinter救護車, 車身都係用水貼, 而且不能開門
- 我們從不決定水貼移印, 這一向由廠先決定, 幾錢就幾錢, 可問下我們採購Leo, 廠有無報過兩種價(一移印, 一水貼) 係無, 省錢就唔好做香港模型, 因為量少, 永遠都平唔到
- 我們的車身模設計, 為了象真, 好多凹凸坑紋, 凸鉸, 凸釘, 除非一大幅車身移平, 窗呀, 門呀全部移平, 改為印窗, 印門, 印鉸, 否則絲印係做唔到, 為了令大家更了解絲印為什麼一定要平, 我上youtube找了這片:
絲印
https://youtu.be/RYKkg1CnC2s
- 好多朋友問, 咁又點解唔移印, 車身模設計好多凹凸坑紋, 可以局部勉強印, 但缺點有3個(彌補不到)
1. 凹凸位的邊會出現膠頭掂唔到, 所以無色斷色
2. 移印係逐色印, 因有大量凹凸位少不勉橙色黃色分開移印會出現叠色同埋在凸位直綫印彎
3. 我們香港救護車的斗有大圓邊設計, 尤其是車斗同車頭的接駁位膠頭移唔到
4. 車尾門同車身接駁位一定做唔番直線
好啦到有人問, 咁印到咪印左先, 印唔到再補水貼咪得囉, 咁又有好多朋友會有油油位接駁水貼一定唔同色同超怪的投訴
為了令大家更了解移印為什麼印唔到我以上說的位置, 我上youtube找了這片更了解:
移印
https://youtu.be/aW8x7nFH_7c
同一原理, 車尾及尾門如平面化就可以移印攪掂
我們出巴士, 全部同行都知我們將1/76的移印印落1/110度, 極痴線, 所以1/43我們又怎會因為省錢而唔做絲印移印
好了, 有些朋友又一定寧願殺平所有凹凸位而一幅過唔用水貼而絲印移印所有上去(但斗的大圓位仍然做不到), 但又會有好多朋友反對做到平面盒咁
出左模後, 我俾過4間廠睇(一間全球最大) 都一致説一定用水貼, 完全無可能絲印
3. 尾門
- 近來有公司出了1/76 PET, 尾門用極薄金屬片做鉸令尾門開到180度, 但開了5次其中一鉸已瓜左, 我都想知大家情願耐用但開90度定唔耐用開180度
- 由開始決定開門, 我已有心理打算, 廠唔鍾意(事實最後生產價係貴一倍), 同事唔鍾意, 有些朋友會彈只開90度
4. 價錢
- 貨出了, 首800架完全回不了本, 除非我們不批發出去, 全部直銷, 否則$600根本已守唔到, 其實好簡單, 去Newace看看有無一部1/43合金貨車開到門又勁detail內籠又平過$600而拉花如此複雜, Schuco VW T2細一個碼無門開, 都$500, Premium Classic 1/43 街車單色無門開都$480。
5. 有沒有進步空間
- 一定有, 有批評即是説大家有期望, 我都有, 所以將來有Sprinter facelift, 會考慮得更詳盡, 好似window咁, 回看當年覺得勁正既window 98, window 10一定更正, 所以意見會記住
6. 仍然不滿可否退貨退錢
- 可以, 波蘭做真車斗的公司極欣賞想買一批但我們只有1架剩, 如果大家真的對設計產品不滿, 可以退回觀塘office, 只要沒有人為損壞(如斷倒後鏡) 便可退錢
我自己想同美登廠的Wilson, Kent講一句, 過去30個月知道大家已經括開所有利潤, 時間去做, 做不到滿分, 有些地方不完美, 只有80分, 但我會覺得風雨同路, 一齊同行, 自强不息好緊要, 好多救護員對這救護車十分讚嘆同感謝, 為了報答大家, 我們一定會做更多救護題材産品。
sprinter二手 在 拍賣的全新和二手Mercedes-Benz Sprinter - Facebook 的推薦與評價
Facebook Marketplace 上在你附近拍賣的全新和二手Mercedes-Benz Sprinter 。免費尋找好康優惠或銷售商品。 ... <看更多>