{34} 【走蛇記】Nagini gone missing!
好，講返琴日做咩十級驚嚇，心都離埋先!就係條蛇唔見左!!得返個盒!即時大叫嚇到Y先生彈起!心諗今次真係大獲喇....即時關窗望床底，但咩都無...... 搵左好耐反轉間房先搵得返!原來躲了在床頭板與床褥之間的窄小空間。幸好沒有亂動張床....不然真的變蛇餅了......
心都離埋是因為始作俑者是我......因為蛇蛇最近兩星期都躲起來不見天日(換皮中)，昨日終於出來，仲一字型擺哂靚pose比我影相。而我影完竟然夠膽死開住個盒讓牠自由「玩」，跟住走左去上網，同d fb谷友傾得太開心，完全唔記得左......起碼半個鐘後跳了上床小休幾秒，聽到窗外雨聲先如夢初醒望向個盒，而個盒竟然咩都無!!!!!!!!
話說2013年尾我離開英國前，Y先生說要養返條蛇陪自己。一開始都對這個想法頗為抗拒，亳不猶豫的反對，no way!(雖然到時我都返左香港啦他買咩我都管唔到，但他又要問我意見)直至他捉埋我去Pets at Home 到睇蛇，見到條一個月大的蛇bb真身，點解咁cute唔恐怖ge，對眼仲好似毛公仔粒珠仔眼咁好卡通&innocent。所以最終贊成買。
但原來在英國買蛇都不是咁簡單的。職員第一時間問的是：「你家有Vivarium(生態缸)嗎?須要先恆溫攝氏30度24小時，才能帶蛇回家。」當時一條Royal Python (球蟒)bb的售價是£65，但木制兩面玻璃的Vivarium連恆溫底板卻要£90。當我們問：「那可以先Reserve我們看中了的那條蛇bb嗎?」職員說：「不可以。」然後拋了個類似動物不是一般貨物，不能用錢「預留」之類的原因。
另外，英國法例是禁止餵飼「活生生」的動物給蛇的，所以只可以買急凍的白老鼠(Frozen mouse)。而原來老鼠按不同大小，也有不同的名字。最小的是叫"Pinky"，約人手指尾的大小；大一點的有"Weaner", "Pup", "Mouse" 和"Rat"，售價50p至£3.2。Y先生主要按大小和重量去選擇。
買回來的初期，真的不太懂得怎樣handle牠，書本上的知識和實戰起來還是有差別的。最後，最有用的朋友還是youtube XD 從怎樣解凍老鼠(thawed)，到怎樣餵等，都要慢慢摸索。
最特別的是，沒想到蛇拿上手是軟軟的像人的皮膚，跟想像中會有很多鱗片、會很硬的不同。而亦因牠長期在恆溫的環境，拿起時甚至會比我在冬天凍冷的手更溫暖。
蛇蛇餵食的次數由bb時的一星期一次，變成了現在的一個月一次。所以很易養，不用怎樣打理。
有時我見Y先生一星期以上都不曾和蛇有互動，他就總是說蛇是「觀賞性」的寵物，經常「搞」牠會令牠很stressed，影響健康......又說蛇是沒有感情的動物，不懂和人作「交流」。我就不是太認同喇.....唔試過又點知唔得呢?
#我的接受能力真的很強
#哈迷一定知Nagini是誰吧
#我還是喜歡叫牠做蛇蛇
#Y先生真的當了自己是佛地魔嗎
#其實以前蛇蛇都走失過一次
#因為Y先生無鎖好個盒蛇蛇頂開左
#結果蛇蛇爬左入床底刮到部份鱗花or反左
#但今次係我放蛇咁開大個盒任走
#我的生活就像discoverychannel
但今次係我放蛇咁開大個盒任走 在 TKK秦爺 的推薦與評價
究竟今次有冇咁幸運抽到Spider-Man bearbrick 一番賞~~(香港夾公仔台灣夾娃娃UFOキャッチャー） ... 【 日本2022】Spy Family 安妮亞figure竟然放係雙環機!! ... <看更多>