香港成日都講公關災難，近期最傑出的公關災難，最多數香港婊姐冠軍話人「not that educated」又或是糟糕Van個老闆叫人「扔電話」。追開我呢個page都知道，我係一個崇洋媚外的漢奸走狗賣國賊，總之咩都係外國最好。無錯，按照呢個邏輯，我就同大家講一下，就連公關災難，英國都比香港勁好多。
話說英國其中一間巨型公關公司Bell Pottinger，因為受僱於南非的Oakbay Capital而引發軒然大波。說到這個Oakbay Capital，真的來頭不少，它由Gupta巨型財閥家族持有，而這個家族就是和出了名「團結進步、無私不貪污、愛民如子」的南非總統祖馬關係密切，密切到可以因為要搞家族生日派對，就可以用軍用機場降落了，還真是依法治國的優秀表現。
喂，咁親政府姐，唔駛變公關災難掛？呀馮煒光都話開公關公司啦，佢本身咁災難都冇事，仲賣埋保險添，一手製造災難，一手賣保險，還真的是完美對沖。咁Bell Pottinger呢間公關公司又點會有問題呢？
問題係在於原來Bell Pottinger公關私底下為Oakbay Capital搞左一系列的公關活動，將所有反對者一律打成「白人壟斷資本」、「經濟種族隔離」。方法好簡單，就係造一堆假blogger 、假Twitter帳號出黎做五毛黨、水軍去引導輿論，甚至狙擊抹黑說真話的記者和媒體。所以話，比起共享單車，我覺得五毛黨先係真正中國的新四大發明之首。講到尾，都係同當年話班細路「收左美國佬錢出黎搞搞震」技法一樣，幸好香港人智商比非洲的朋友高一點，所以假account呢招就唔係太有效，只能夠用在自己的紅色媒體上自吹自擂。
大家都知道南非真係一個火藥庫，種族仇恨仍然是一個大topic，一碰就爆炸，隨時國家都會分裂，到時又唔知要死幾多人。
南非的反對派玩政治當然唔夠人地公關龍頭Bell Pottinger玩，Bell Pottinger的創立人就係英國前首相戴卓爾夫人的競選智囊貝爾，大佬人地真係白宮智囊的級數，你真係當佢馮煒光咩？玩到唔夠人玩，竟然走去英國公共關係及傳訊協會(PRCA)投訴Bell Pottinger。但呢個世界有時候就係盲拳打死老師傅，竟然英國公共關係及傳訊協會又肯受理，又認真調查，結果件事越揭越大，到尋日Bell Pottinger俾人踢出協會，即時開除會籍。
開除會籍會有咩影響，我既唔係公關，又唔係關公，我真係答你唔到。但大量客戶紛紛八心八箭完美切割，包括HSBC在內的幾間大銀行，已經表明和Bell Pottinger即時終止合作關係。更令事情雪上加霜的是，第二大投資者Chime公司，由於火勢太火無法跳船，直接向外公布將他們持有的27%股票，即是約5000萬港元，直接報銷。沒錯，這27%的股票以0元的價值直接還給貴公司，由這一分鐘開始計起春風秋雨間，請不要跟別人說我們有任何關係，ok？
跳船的跳船，跳不到的壯士斷臂以免引火上身，戰況慘烈猶如赤壁之戰，這種才是真正史詩級別的公關災難，真是何其壯觀。
來到這裡，我想跟一眾五毛公關同媒體公司說：天理循環，報應不爽。今天英國清理門戶，埋葬了一間助紂為虐的邪惡公關公司，終有一天輪到你們。不過英國呢間，每個月淨係財閥單生意，都每月一百萬港元，人做五毛你做五毛，你地有維穩費出返俾呀私煙未？個死肥婆尋日先上庭追緊你地15萬蚊糧，喂，話晒人地都拋個身出黎做，呢啲皮肉錢你地就唔好食佢夾棍啦。
#有咩侮辱得過俾人話五毛
#就係話你一毫子都唔值
#我唔准你咁話私煙BB
#佢斷斤秤拎去炸豬油都唔止呢個價啦
#其實呢單野係國際級的新聞
#但又唔見香港報紙講
#害我要自己譯
#譯得唔好唔准話我
#我英文好水皮架
#淨係識得溝鬼佬
#婊揚好人好事
但又唔見香港報紙講 在 真聞TrueNews 的推薦與評價
所以你見佢又幾虔誠，真係講明「明知有伏都要去光榮」，但係食完又嚟後悔，可能 ... ，諗都唔諗就要造謠？ #黃黑傻事 #真香港人唔會做衰嘢 #facebook又唔做嘢. 可能是 ... ... <看更多>