【老闆總是犯同樣的錯誤】
老實，可能堅係個豬西同事懶醒幫老闆收起咗啲大奬紙，攪到公關災難。但自古中外，公司是team work是常識吧？！有起事上嚟，大嘅閂埋門小到你上天花板無所謂，但對外推落個細嘅度，個公關災難只會由「不誠實」這一個炸彈，連環引爆埋「不承擔」這個同樣大的炸彈。
.
而腦細那句乜鬼嘢「找到不會出錯的方法」，喂呀，你誠實咁放抽獎機會出嚟咪唔會出錯囉，真係三歲細路都曉答你啦！定你覺得唔會出錯嘅方法係諗下點令啲阿媽唔會抽晒你啲波？(如果係咁又堅係好難諗嘅) 依家跌落哋唔係拿返「渣」沙，佢係將堆沙塞落自己個傷口，好似怕血流未成河唔夠傷咁。
.
大部份公關災難傷上加上，好多時都係啲腦細或高層們放不下身段，所以講個佢自己覺得過到骨，只係你班友唔包容唔體諒搵食艱難囉嘅藉口。唔係個個問題你作個原因解釋咗就叫解決咗架！正如香港有住屋問題，燒晒庫房嘅錢懶係起啲屋就叫攪咗，係要正視問題嘅根本呀!(仲問我起屋問題嘅根本係咩，信唔信我「中」你)
.
依家出咗問題，最簡單就係寫「我們錯了，保證以後不會發生。美樂士多是希望給大家美好和快樂的集體回憶，現在我們竟然做了些與這個宗旨違背的錯，深感抱歉。我們定必會作嚴謹的檢討，承諾不會再犯。愛之深責之切，我們接受大家的批評，而這些批評會成為我們做得更好的動力。希望大家能給予我們改正的機會，重新與我們一起創造美麗快樂的回憶。」既然士多是賣小時候的回憶，細個阿媽明明教錯就要認，打就企定，認咗佢咪無事囉，講咩咁多原因啫！定依家嘅教育堅咁出眾，你哋學到晒高官議員死都唔認嘅法則？！
.
俾我就換鬼晒所有噹噹都係大噹噹，買親嘢就有得抽，寄意每噹客人搖噹噹時，都提醒一次要做得更好，出晒post講明我哋係正視問題，嘗試借力打力。(喂，咪以為咁就無人鬧喎，叫做同個老母出嚟灰諧下咁解咋喎)
.
重申一次，公關災難係無得化解，只係擋一擋，可能無咁傷，但都可能係繼續重傷不治架！(鬼叫你當初懶醒怨邊個？)
#要賣集體回憶都要睇下我哋想要咩回憶 #以前不實商人的回憶無人想要囉 #你不如賣收黑錢果啲回憶啦一個噹噹都想慳
你不如賣收黑錢果啲回憶啦一個噹噹都想慳 在 燒晒庫房嘅錢懶係起啲屋就叫攪咗 - Facebook 的推薦與評價
(鬼叫你當初懶醒怨邊個？) #要賣集體回憶都要睇下我哋想要咩回憶#以前不實商人的回憶無人想要囉#你不如賣收黑錢果啲回憶啦一個噹噹都想慳| Facebook ... ... <看更多>