#b組成軍記
08 方方 @fongfongfong_
話說年幾前有一晚深夜KB @kb_kevinboy 突然打電話問我：「你好多年前係咪試過喺一個沙灘搵兩個小妹妹影相？ 」
我一頭霧水，諗咗一陣先諗起2007年我創作第二齣獨腳戲《再見不再見》，我同一班設計師去咗郊外影相拍片作為舞台劇素材，忽然見到沙灘有兩個八九歲嘅小妹妹喺度玩，情形就好似我個故仔入邊嘅兩位女主角陸詠端同張家敏咁，我靈機一觸大膽邀請佢兩個俾我哋影咗幾張背影相，諗住放喺舞台上面，難得在佢哋又真係應承。
最後我冇用到嗰啲相，甚至連佢哋個樣都唔記得，但係我一樣邀請咗呢兩個女仔嚟睇我嘅舞台劇，嗰次亦都係佢哋第一次入劇場。估唔到呢個經驗啟發咗其中一個女仔對舞台嘅熱誠，矢志成為舞台表演者，若干年後真係成為喺演唱會界人人都識嘅舞蹈員方方。
因為機緣巧合佢同KB飲嘢，講起我，KB又識得我，就即刻半夜三間打電話俾我，雖然係十幾年前嘅事，我又竟然即刻搵得返當日嘅相片，感恩自己嘅演出可以有咁樣嘅影響力，改變咗其他人嘅人生選擇，連我自己都好感動。
而我亦都住咗喺當日我遇上佢嗰個沙灘嘅地方。
舊年做全民造聲評判，剛好佢以女朋友身份上台表演，令我終於可以睇到佢嘅演出，已經覺得好有緣。今年Casting見佢行入嚟...... 我心諗...... 嘩！嘩！嘩！
Casting 同Pre Round 都表現精彩，力量澎湃，毫不怯場，仲有我同佢嘅緣份，我點會唔想擁有佢？
想搶，都要搶到先得㗎。
方方，再見？不，再見。
我們緣份繼續。
.
.
#啲相我唔知邊個係你呀😄
#你另外個朋友去咗邊呀
#突然間掛住再見不再見呢個舞台劇
#全民造星3 #全民造星iiib組
你另外個朋友去咗邊呀 在 《區區有女神》「巨胸翠如」鄧月平做洗頭妹哥仔嗌正 - YouTube 的推薦與評價
... 咗$100蚊我今晚唱K我嘅$100蚊唱K 夠畀你個份都唔夠畀我個份啦百物騰貴啊家吓所以Larine呢個乖女就決定去玩具街買份禮物畀佢4歲嘅細佬喇我細佬成日同我 ... ... <看更多>