跟進一下，自由人獎學金的發展。
差唔多隔咗一年，我先至陸陸續續同啲肯願意和我傾偈見面嘅同學仔聯絡。
這個獎學金是因應壹傳媒股價波動已成立，成立喺亂世之中，當時係我主動將所有利潤捐出。上一年，我再加碼，希望將獎學金嘅營運常規化。這就是獎學金的來由，對象是我母校中文大學的同學，到現在為止大概派了30萬多出去
我做獎學金同其他人唔同，其他人通常有好嚴謹嘅遴選過程，要寫幾千字，搵推薦人或者面試。我非常簡單，你是但寫啲字，或者你唔擅長寫字，是但有啲非文字作品就得。我甚至唔需要你個人名字，因為中大人有共同的語言，文化，我大概會知道我同你係同一類嘅人。
最近助手幫我安排，見見當初攞到獎學金嘅同學仔，由於都隔咗一段時間，我也明白有一些同學仔因為特殊原因未必能夠同我見面，不過好感恩都仲有唔少同學仔同我聯絡。
其中有一位同學好特別，佢嘅背景好特別，後來佢選擇離開香港透過網上完成學業。每一個人都有佢自己嘅原因離開香港，或者無故消失咗，我唔多問，亦叫佢唔需要話俾我聽。咁樣對大家都好。能夠知道佢安然無恙，繼續努力在學術上行自己嘅路，我已經好感恩，有種老懷安慰的感覺。
尋日有幾位同學仔傾得幾開心，可惜我臨時有嘢做，被迫終止會議，否則我哋幾個大男孩柴娃娃應該可以傾兩粒鐘。其中有一位話，完咗我哋呢一個網上見面，佢要趕住去FWD保險聽花姐Error嘅講座。
我哋在場大家都鍾意Error，不過冇諗到其中一位同學追星追到呢個程度。個講座背景係關於創業，提升自己，希望夢想之旅
Error、Mirror年青偶像已經成為左一種圖騰，一種符號。符號唔一定係政治性，為散播某種意識形態的存在，而係可以好社會性，為面臨存在危機嘅年輕人，帶來一啲希望
Error唔需要做額外嘅嘢，佢地只需要做好自己，存在就已經比到一啲正向能量呢班朋友。Error出道當然面對困難，後來成功，本身呢件事不就是好例子嗎？我仲好記得，一個月多之前，保錡出了事，當時形象唔好。我係一個小粉絲，好鍾意佢，所以講咗幾句撐佢（參考：https://www.facebook.com/322991677859013/posts/1871987462959419/?d=n ）當時啲人鬧我又鬧佢，到今天，我身邊冇一個人討厭保錡，大家都見到佢真性情。佢睇過我嘅文字，後來大家成為隔空嘅網友，間中偶像都會喺我呢度留下言，佢仲話送件快吞轟簽名T恤俾我，到而家等咗一個禮拜都仲未有🤣
香港唔需要成功咗嘅人話點樣再做得更加好，後生仔反而係需要一啲一齊努力奮鬥緊嘅同路人，互相支持，互相勉勵。我買股票，係唔會買嗰啲到咗頂發展成熟嘅公司，我係揀一啲有爆發力增長嘅公司。
Error對好多畢業同學或者畢業相創業嘅同學都係一個好嘅故事。花姐作為一個好嘅推手，對年輕人無微不至，有鞭策有關懷，不也是一個好好嘅成功例子嗎？
做好自己，唔好理閑言閒語，香港還是很多人正正身體力行呢一樣野。人不知而不慍，不亦君子乎？
張相我係喺網上fans群組借用
保險絲符號 在 103學年國三理化電與生活08：保險絲、無熔絲開關、用電安全 的推薦與評價
... <看更多>