係香港，做兒歌真係好慘。
1997年，當年我只有8歲，
係我第一次睇《兒歌金曲頒獎典禮》，
《小丸子的心事》、《我是一個大書包》、《魔法咕嚕咕嚕》、《我愛毛查查》、《我是一個大書包》，
好多耳熟能詳嘅兒歌，都係依一年嘅得獎作品。
你可以話我低能，但係對於大台所舉辦嘅頒獎典禮黎講，
《兒歌金曲頒獎典禮》 係我最期待嘅一個。
無論係候選名單，定係得獎歌曲，基本上我首首都識唱，
咁樣講未係完全正確，應該係話首首歌詞都背得出！
但2003年，依一個感覺開始慢慢減弱，
我唔再首首都識，開始會覺得「搞錯呀佢都有獎拎」，
係咪兒歌已經跌左WATT？我唔知到。
因為當時其實都仲有好多動畫兒歌我係認識嘅
03年得獎
Fire（《數碼暴龍4 無限地帶》 主題曲）
https://www.youtube.com/watch?v=r__JjQZdXgI
一千倍動能（《激鬥戰車》 主題曲）
https://www.youtube.com/watch?v=d4nk1ZZlDqk
去到2009年，《兒歌金曲頒獎典禮》正式告一段落。
究竟係咩原因令兒歌死？
有人話，係因為已經無左紅星去唱係一個死因 。
以前，唱兒歌係每個紅星嘅必經階段，
你講得出名嘅紅星一定有唱過兒歌！
劉德華、郭富城、古巨基、容祖兒、鄭伊健，
個個都有一首經典。
但依個係主因？我唔同意。
因為基本就唔係無紅星唱兒歌，
係香港根本再無紅星。
以當紅計，坤哥其實都有唱過兒歌你又聽過未？
閃電十一人 － 站起來吧
https://www.youtube.com/watch?v=GaCwEOwWf-A
有人話，係因為已經無人再去認真做兒歌。 我唔同意。
上年推出嘅《高達創戰者Gundam Build Fighter》，
香港版嘅主題曲由陳國峰主唱，
成個唱功都係跟番日本，連感覺都似，
你可以話唔鐘意唔好聽，但最少我覺得佢制作認真。
陳國峰 － 高達創戰者 OP1
https://www.youtube.com/watch?v=T4CutRn4rkg
點解兒歌會死嘅主因？我覺得只係因為香港人嘅虛偽。
喺2005年發生左一件大事，
當年無線播放大熱動畫《鋼之鍊金術師》，
搵黎陳奕信唱改編主題曲《不死傳說》，
比人罵到痴線，
什至有動漫迷要求用番舊嘅日文主題曲。
首歌係咪難聽？見人見志。
但依單野令到少左改編主題曲係事實。
但又再睇下依家，有一班人都會話《不死傳說》係經典呀，
點解唔再咁樣做兒歌呀？
當有嘅時候踩，無就話回億係好，
依樣先係香港人最虛偽嘅地方。
依個風氣唔單單係兒歌，流行曲，劇集，
所有野都一樣存在。
AsOne 以韓國風出道，明明得到韓國賞識，連隊長Shin 係《Produce 101》都比人讚，
但香港人咪又係唔支持。
好喇最近ViuTV 出爐，都對兒歌有少少動作，
搵黎SuperGirl 唱美少女戰士Crystal 嘅主題曲，
仲要拍埋MV，好多人都話終於有大台肯認真做兒歌喇！
但究竟依班人會留意幾耐，定只係鍵盤支持呢？
Super Girls - 《美少女戰士Crystal》
https://www.youtube.com/watch?v=Ha6mWwtcu3Q
兒歌金曲頒獎典禮2005 在 兒歌金曲頒獎典禮2005 | 楊思琦、王祖藍、容祖兒、王菀之 的推薦與評價
【 兒歌金曲頒獎典禮2005 】由電視廣播有限公司（香港無綫電視）主辦，始於1992年。頒獎禮通常在暑假舉行，頒獎禮會在無綫電視翡翠台（2008年起增加高清 ... ... <看更多>