我的移民台灣心路歷程（上）
一見到個題咁正題你就知大鑊嘢啦！一萬字移民台灣心路歷程。分三篇出。
1. 前言：呢篇文其實想寫好耐，然後結果係2019年6月寫完（你懂的）。但又結果去到今日先出。當中台灣移民門檻，又再提高咗（https://bit.ly/3cfN3uX），例又改晒。亦都多得有啲冇品香港人，周圍唱移民台灣好容易，甚至拎護照嗰日就同一架的士去執咗間公司。都算，仲要打卡上Facebook，所以你明白點解小朱可以36歲就做世界第三富豪。亦都有啲乜生意都唔做，搞埋啲乜乜網店，其實係吉公司，好彩過到骨都算，又係周圍教人。咁唱到周街知，人地咪搞你。
2. 幾時都係手快有手慢冇，早去早享受。你話我串嘴仆街涼薄都好，而家先急急搞嗰啲，唔知過去幾年係做緊乜的，去咗委內瑞拉支持革命？定去咗盧旺達做義工？
3. 同樣地，而家先急急做BNO嗰啲，計我話呢，全部唔好批。吾皇慈悲咋，否則如果我做首相（！），舊年年底前未拎住有效BNO嘅，全部截龍。真係喎，畀晒時間你啦。你又嫌貴又嫌煩，而家火燒屎忽，走去求吾皇 Don Corleone give me justice？至少都show some respect啦
4. 見唔少啲政治阿叔（當然有資格拎BNO，青極有限），之前都冇續BNO。原因話貴。See？都唔好話配唔配有民主。即係，呢啲友就係買旅遊保險幾舊水嫌貴嘅人，安全帶嫌煩嘅人，安全套嫌唔爽嘅人。
5. 好，屌完，入正題。
________________________________________
6. 本人並非移民顧問，個人經驗分享，例又改晒。如有錯漏實係正常。人生大事，請問專業人士，貴客自理。關我撚事，你一個仙都冇撚畀我。呢期都好多人PM埃汾太問佢嘢（始終佢先係熟手，況且因為知道我太惡），佢都覺得啲香港人混吉的，又唔自己上網爬文，飯都唔請你食飯，態度又差，仲要老撚奉。就係想慳幾皮嘢唔幫襯移民顧問，但又想包生仔。有啲問佢嘢又唔講，搞一大輪先話你知佢在大陸出世。話做護理，問公立醫院定私人定老人院，又唔肯講，覺得你套佢料。香港人正仆街
7. 我再講一次，篇文係2019年6月寫，之後改晒例。唔好嚟抽我水話啲嘢唔update，雖然母親節過咗。改咗乜？自己Google啦仆街。
8. 本文寫作背景。最最最初當然係5年前（2014）我自己搞移民台灣，再近啲係6月13號晚（按：2019年），我在自己Facebook出咗個post，並非玩笑。因為見好多人又講移民，所以我覺得可以免費畀啲不太專業嘅意見。本人並非任何持牌顧問，甚至唔係中華民國公民（下面會講），但亦冇任何利益衝突，志在分享第一身經歷，點都有用過你就咁Google，況且你可以約我出嚟面談（當然係你請食飯，求其米芝蓮兩三星得啦）。最後去到2019年6月17號淩晨寫呢篇文。
9. 本人背景。只講關事嘅。香港出世，好快42（happy birthday to me）．除咗英國讀過一年幾書外，差不多所有時間都在香港。已婚，持特區護照同BNO，太太都係。應該任何定義下都係中產。有未供完嘅樓一層。就我所知冇任何關事嘅親戚有外國護照，老豆老母都係香港出世，並非公務員或活躍政治。之前並不特別鍾意台灣，而家OK。教過書，打後咁多年都做金融，太太之前做地產行業，而家全職玩公仔。
10. 本文唔係話你知我點解搞移民。我不介意分享，但唔係在呢篇文，亦唔係呢刻。唔想失焦。因為其實我點解搞移民（或者唔移），同你點解做，可以係完全無關，甚至相反。
11. 本文亦幫唔到你決定搞唔搞移民。同上，條命你自己嘅，你一家大細老婆老公仔女都係你嘅。生命係由你一連串嘅決定造成。呢個係一個大決定，冇人幫到你。千萬唔好因為任何人叫你去或唔去。記住，條命你自己嘅。第日聽咗我講幸福美滿不妨多謝下，但十分後悔的話，真係冇人搵支槍指住你。咁大個人，盡小小責任
12. 諗走嘅人，比你想像中多。當然諗同做係兩回事，可以爭好遠。正如我常用嘅比喻，我都計劃做C朗，我都計劃搞李佳芯。冇統計，但絶大多數問嘅人，最後都係唔會做嘅。但冇問題的，最多浪費我少少時間。詳談嘅我會屈你請食飯。交多個朋友，或者了解多啲自己，值得。
13. 咁有幾多人諗？當晚我出完呢個post，半個鐘之內收到超過十個message。另外，我剛剛先發現我仲miss咗六七個message，係啲本身唔係FB朋友嘅人（我最初個post係公眾的）。其實都真係唔少人。（2020按：不過，好似都只係諗，結果去到而家，真係搞嘅，好似得一兩個）
14. 本文讀者群。中產啦。首先我啲讀者多數係，而我自己都係。而我用嘅定義係相當廣義，基本上你唔係唔使做又唔係拎綜援，就係中產，由月薪萬幾到廿幾三十萬都係。你想知窮人點玩，可以問返窮人，係有得搞的，剛畢業嘅年輕人去創業呀去做藝術呀咁，甚至一開始去台灣讀書，或者娶台妹嫁台仔之類。
15. 其實有啲小朋友嚟問我。咁我問佢有冇錢做投資移民，話冇。有冇專業技能，又冇。咁好啦，最簡單咪溝件台妹嫁件台仔。但佢地當我撚化佢。喂大佬，我very 認真。冇錢又冇技能嘅，呢個真係最好方法！唔係你想點呢？講到生死關頭，但同我講不能政治婚姻，而溝條台妹嫁條台仔都搞唔掂嘅（不妨諗下香港人嘅人工高台灣人幾多倍），我建議你都係專心返工啦。
16. 有錢人嘅，我估唔會睇我呢度，二來，有錢人大把方法，大把契弟爭住出橋。三來，其實有錢呢，在香港就相當好的，真係唔使諗呢啲。問題係我冇。
17. 利益衝突，應該係冇嘅。我對呢樣嘢有病態嘅執著。下文我會建議你搵移民顧問搞，你需要嘅我可以介紹，但只係比個名你。我一個仙佣都唔會有。我亦冇打算做移民顧問，我太太就可能有。第日真係好多人問嘅，可能我同佢改變主意，但呢刻冇。我亦唔會有生意介紹你去頂手，冇樓盤推介畀你，我甚至唔打算做（當然，有機會唔會拒絶，但呢刻冇）咩移民KOL顧問之類，況且大有人在。你睇呢篇文，我嘅得益係零。仲要分分鐘畀你屌老母（呢排都畀人屌過啦，話做乜教人走）。當然如果想識多個朋友面談嘅，就梗係請我食飯啦。
18. 唔好意思，今篇好似都冇乜內容。怪就怪啲香港人。聽日出下一篇，記住睇。其實一早寫咗，mon住我medium或FB Page 可以了
________________________________________
19. 另外，最新情況：講咗了，台灣改例，梗係收緊啦，等你班友趙完唱咁過癮。另一方面，又好似話「收容」香港人。隨你信唔信，我就當然唔鍾意蔡英文，但你選擇信嘅，咁你可以唔睇呢篇文。不過我認為，幾時都係自己掌握自己命運好，做乜要等佢發落？而家搞投資移民，就煩咗了。我亦都預移民顧問加價。但我仲識有朋友照樣去。都係嗰句，嫌煩嘅，唔好去咯。真係冇人迫你。而另一方面，亦有可能台灣會取消對香港嘅特別優待。咁如果當你係大陸人咁玩嘅，就煩好多了，我都可能被影響，變成「陸配」（台灣公民的大陸配偶）。唔好問我台灣會唔會，我唔知，你都唔知。所以最好都係主動出擊。
20. 另外，本人情況。結果我去咗拎良民證，成功（所以真係唔好犯事，當然唔係一有案底實唔批，但為何搵自己麻煩？）。去咗台北做體檢，好似幾百蚊港紙，又成功，冇梅毒。另外講返，要你有德國麻疹抗體的！如果我年代呢，細個只有女仔打，男仔冇打，所以要去到打多次，好似一舊水港紙。但打埋針你就可能預多一日了。
21. 驗完身後，我仲搞埋居留證。原本係要去台灣留七個工作天（佢會收咗你本護照，出唔到境的）。咁我原本係想復活節過去，但因為肺炎就冇得去了。所以而家都係未有居留證。而留意返，要拎護照，就點都要坐一年。但我個情況係叫做「依親」，因為我老婆已經係台灣公民（拎護照的），咁我個情況好似香港啲阿伯申請件北姑嚟團聚咁咯。所以我唔使又再搞一次投資移民之類。
———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。
請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。
公立醫院體檢台北 在 Re: 請問台北公立醫院體檢那裡比較便宜阿？ - 精華區Salary 的推薦與評價
※ 引述《tinaly (我就是我)》之銘言：
: ※ 引述《anet (好人在哪裡？)》之銘言：
: : 請問報到時
: : 要交體檢
: : 檢查血液,x光,....一大堆的
: : 大家都是去那裡體檢
: : 台北公立醫院那家比較便宜
: 我也要交..
: 公司的hr跟我說..
: 去衛生所比較便宜..
: 不過要看公司啦..
: 搞不好有的要求比較嚴格.
可以去…性病防治所唷！
之前我趕著做檢查
公立醫院的護士丟給我一句：你不會去性病防治所
真是一語驚醒夢中人啊
交個６００塊當天就可以拿到體檢表了(有檢查血液和x光)，超快
如果你不急的話我想一定更便宜
台北公立醫院據我所知
仁愛醫院算便宜的，２００左右吧
不過要等一個禮拜
--
※ 發信站: 批踢踢實業坊(ptt.cc)
◆ From: 218.166.144.93
※ 編輯: lefou 來自: 218.166.144.93 (06/14 20:01)
> -------------------------------------------------------------------------- <
作者: bobson00 (Bobson) 看板: Salary
標題: Re: 請問台北公立醫院體檢那裡比較便宜阿？
時間: Sun Jun 20 19:17:05 2004
※ 引述《lefou (lefou)》之銘言：
: ※ 引述《tinaly (我就是我)》之銘言：
: : 我也要交..
: : 公司的hr跟我說..
: : 去衛生所比較便宜..
: : 不過要看公司啦..
: : 搞不好有的要求比較嚴格.
: 可以去…性病防治所唷！
: 之前我趕著做檢查
: 公立醫院的護士丟給我一句：你不會去性病防治所
: 真是一語驚醒夢中人啊
: 交個６００塊當天就可以拿到體檢表了(有檢查血液和x光)，超快
: 如果你不急的話我想一定更便宜
: 台北公立醫院據我所知
: 仁愛醫院算便宜的，２００左右吧
: 不過要等一個禮拜
奇怪...體檢費不是公司都會出嗎?
我們公司體檢完就會在下個月薪資把體檢費退回了說...
--
※ 發信站: 批踢踢實業坊(ptt.cc)
◆ From: 218.168.91.86
... <看更多>