關於 凡事咪諗多咗 ，我們在網路上蒐集到這些相關的討論、資訊與評價

| #讓生活多一點Like | FB / IG: Like Magazine HK |

【#Like生活】呢幾日《PUI PUI天竺鼠車車》網絡爆紅洗版，好多人話呢套本來俾細路睇嘅動畫，其實啱大人睇多啲。你又同唔同意呢？

仲未知咩係天竺鼠車車？小編幫你立即補習！

《PUI PUI天竺鼠車車》係剛於1月喺日本推出嘅電視動畫，由年僅29歲嘅見里朝希執導及編劇。呢套動畫第一季有12集，每集只有約3分鐘，以定格動畫形式攝製。主角天竺鼠車車係羊毛氈公仔，真實感強，而且造型可愛，非常討人愛。動畫中天竺鼠嘅聲音，全由「真鼠」發聲。

未跟得上，依家上YouTube頻道「Muse木棉花-HK」(http://bit.ly/2XWoaQA)睇得到《天竺鼠車車》。播映時間係逢星期二早上07:35。

#likemagazinehk #天竺鼠車車 #爆紅唔需要理由 #世界太複雜生活要簡單 #凡事咪諗多咗
*** *** *** *** *** *** *** *** *** ***
你或會有興趣的文章：
大埔街市隱藏澳門鳳城手信│栗子專門店買涼果雪糕
https://bit.ly/35k2mlT
奧海城日本蛋料理專門店│人氣必試海膽金鎗魚生雞蛋拌飯
https://bit.ly/3s77WSg
*** *** *** *** *** *** *** *** *** ***
更多生活消閒資訊
網站➡️www.likemagazine.com.hk
Facebook➡️ https://bit.ly/3nhBKrX
Instagram➡️ https://bit.ly/38kFNzc
YouTube➡️ https://bit.ly/2Xhmz7t
😉 記得Like & Share我哋，set埋「see first 」！
*** *** *** *** *** *** *** *** *** ***
🔔如有意合作、投稿、分享生活資訊、發送新聞稿等，歡迎Facebook inbox 或發電郵到 editors@likemagazine.com.hk

我細女第一次上鏡講嘢.... 你的月亮又如何呢? 

《第108故事分享: 公主的月亮及Johari Window》

從前有個公主由細到大都好鍾意望住個月亮， 佢好多時一望就望足成晚， 因此成日都冷親發病。

有一次公主大病緊嘅時候， 佢仲想要去花園望月亮。國王好擔心就問佢: 「你點樣先可以唔好成日為左望月亮而冷親呀?」

公主就話如果國王可以幫佢擇個月亮落嚟呢，就以後唔使望住佢啦 。

國王之後就召集晒全國嘅聰明智士研究各種方法點樣擇到個月亮落嚟。 

有人就話個月亮起碼去到成鄰國咁遠， 黐住喺個天空，無可能擇落來。 又有人話月亮起碼成個皇宮咁大， 摘咗落嚟都冇位放。 又有人話月亮應該係個螢光氣體壓縮而成，無人能夠捉得住佢。

係個個大臣議論紛紛嘅時候， 有個宮女細細聲話:「點解無人問下呀公主佢點諗嘅?」

宮女問:「公主呀， 你覺得個月亮有幾大呀?」

公主回答:「大概我手指公咁大啦!」

宮女再問:「咁你覺得個月亮有幾遠呀?」

「我成日都見到月亮掛係前面棵樹上面， 大概嗰度咁遠啦!」

「公主呀，咁你覺得個月亮係咩做㗎?」

「咁靚，硬係黃金啦?」

就係咁，國王就馬上叫人用黃金做咗個手指公咁大嘅吊咀，假裝係棵樹上面摘落嚟俾呀公主， 吊喺佢條頸度。又就係咁， 公主就馬上病好。

佢擁有咗個月亮之後就好開心， 可惜下一個問題就馬上嚟啦。 國王心唸，擇個月亮落嚟之後，如果公主佢第二日又見到個月亮繼續喺個天空度，咁咪穿煲囉?!

於是有人提議不如搵個黑沙罩住個皇宮，有人提議不如晚上放煙遮住個天空， 人提議晚上唔好再畀阿公主行出花園， 種種嘅方法都好似唔係太可行。宮女又細細聲講:「點解又無人問下呀公主佢點諗呢?」

公主點答呀? 

公主回答:「 月亮摘咗落嚟之後，梗係會生番個出嚟啦。 我隻牙齒甩咗，都會生返喇。有乜問題呀?」

就係咁，問題就解決啦! 故事帶出乜嘢理念? 

凡事唔好成日淨係自己諗埋一邊， 估下估下，不如多問對方意見， 答案可能更加清晰。 

根據美國兩位著名心理學家 Joseph Luft 同埋 Harrington Ingham， 係1955年發明咗一個叫做 Johari Window (周哈里窗 - 以佢哋兩個人嘅名為名)，用56個 adjectives 形容詞，展示咗關於自我認知、同其他人對自己嘅認知之間，在有意識或無意識情況下嘅差異。由此分割為四個範疇: 

(1) 人知，我都知 (又叫做 Open / Free Area ，開放我) - 例如: 我專買舖，係人都知

(2) 人知，我唔知 (Blind Area，盲目我)，即是盲點 - 我以為自己好有型，但其實個個都覺得我好樣衰， 但冇人同我講

(3) 人唔知，但我知 (Hidden Area，隱藏我) - 其實我 我內心世界係一隻小綿羊， 好怕俾人呃

(4) 人唔知，我都唔知 (Unknown Area, 未知我) - 原來我識得飛天， 但你同我都唔知

做人嘅目的，就係希望盡量將呢個open同free 嘅 area盡量打開， 咁你就更加能夠了解/改善自己，人哋又更加能夠明白/信任你。 由於你嘅自我認知 (self-awareness) 同埋別人對你嘅了解 (understanding by others) 範圍大咗，咁樣你嘅發揮同埋被接納嘅空間亦同樣增大啦。

點做? (1) 主動問多啲，feedback solicitation, 就會更易令你睇到自己盲點。 例如: 唔主動問都唔知原來嗰個人都覺得我樣衰， 咁我咪打扮得好啲，個格都執返好啲啦。

(2) 主動講多啲自己嘅唸法， 甚至乎多披露自己脆弱嘅內心世界，self-disclosure or exposure， 就會令到其他人更加明白你， 續而更加信任你。 例如同人講:「我心入面有隻小綿羊 ，怕畀人呃， 我要耐啲時間先同到人friend到， 我比較慢熱!」

主動問多啲，講多啲， 透過 other's observation (別人觀察), self-discovery (自我發現), 同埋 shared discovery (人哋同你自己共同發現) 去發掘你嘅unknown area (未知我) ， 呢個 area 框住個位， 亦都係叫做你嘅 potential (潛能)啦。 

有啲地方你可以繼續收埋唔畀人知， 有啲地方就係始終人哋知，但你自己唔覺。 唔重要， 最重要就係個 total open area大咗，咁你都升呢咗。

好似上面個公主咁，問多啲，講多啲，你懂啦!

《第107故事分享及哈佛知識分享(足本)》第一次全家分享故事: 當神仙遇上凡人

聖誕及新年假期，我第一次全家為你送上故事祝福。

.... 從前有個神仙，希望親自完成凡間每一個人嘅願望。 有日佢化身做了個凡人，遇上不同路人的經歷 .... 你又會是那個路人呢? 這個故事理念有沒有科學根據？ 根據哈佛心理學教授Daniel Gilbert 指出....

......
.
.
.

故事全文:

《第107故事分享及哈佛知識分享(足本)》第一次全家分享故事: 當神仙遇上凡人

從前有個神仙，希望親自完成凡間每一個人嘅願望。 有日佢化身做了個凡人...

係路上遇到一個丈夫係度喊: 「 我老婆啱啱患咗重病過身，我人生無晒意義，以後日子點過? 」

神仙就問呀丈夫: 「咁我有咩可以幫到你，完成你嘅心願?」

「我想要返我老婆!」

「 ok，無問題！」

就係咁， 阿老婆就喺阿丈夫面前返生。 大家互相擁抱，丈夫好開心!

「多謝恩人，多謝恩人」

行多一陣，佢喺路上又遇到另一個乞兒。 乞衣好可憐咁， 不斷叩頭，跪喺個地下道乞錢。 佢又問阿乞兒:

「我有咩可以幫到你，完成你嘅心願?」

「我淨係想乞夠一千蚊， 咁我就成年都唔使捱餓啦!」

「 ok，無問題!」

就係咁， 乞兒就袋咗張一千蚊， 佢從來未見過一千蚊係咩樣，佢拿出嚟又聞又望，越聞就越開心。

「多謝恩人，多謝恩人」

再行多一陣，佢喺路上又遇到另一個單眼海盜 ，雖然佢已經上曬岸，重歸正途， 佢始終好懷念以前兩隻眼睇野嘅世界:

「我有咩可以幫到你，完成你嘅心願?」

「如果我可以有返兩隻眼睇野， 咁我就咩金銀珠寶都可以唔要喇。」

「 ok，無問題!」

就係咁，又搞惦咗!

「多謝恩人，多謝恩人」

神仙覺得原來滿足人嘅心願係咁容易，佢就開始沾沾自喜。 直至遇到下一個路人。

佢英明神武，有錢有勢，有老婆有父母有仔女，乜嘢都有，可惜日子就係過得唔快樂。神仙又問佢:

「我咩人都可以完成佢嘅心願，我有乜可以幫到你?」

「我想要幸福!」

「 ok，無問題!」

老婆父母仔女係晒佢身邊，一家人食飯，個個都好關心佢。

佢無晒表情，話「哦，咁就叫幸福啦!」

神仙覺得佢未感受到幸福，就再試下!

好多金銀珠寶就係佢面前出現。

「哦，咁就叫幸福啦!」

神仙再試下!

把佢變得更加高大威猛， 肌肉紮實， 連個鼻都長高咗半吋!

照照塊鏡，「哦，OK!」 依然面目無情。佢話:「睇嚟，你呢個所謂嘅神仙都係無用㗎啦!」

神仙聽後好嬲， 一怒之下就決定懲罰佢，變走曬佢嘅財富，健康同親人。瞬眼間佢變成個乞兒， 跛下跛下，自己孤伶伶咁喺條街度乞食。

過兩日，神仙啖氣過咗，冷靜下來就對自己之前無理懲罰人嘅行為有啲內疚，就決定回去探下個人點。

「你仲問我點? 我而家乜都冇曬啦! 你走把啦!」

神仙見佢咁慘， 就決定將佢變走咗嘅嘢，變返晒畀佢。

從此，佢又再次英明神武，有錢有勢，有老婆有父母有仔女，仲有多咗樣嘢，就係...

(他多了樣什麼?)

「多謝恩人，多謝恩人，我終於知道咩叫做 ...... 幸福啦!」

故事帶出乜嘢理念?

做人，最好嘅 , 就係 Live in the Present (活在當下). 最好嘅嘢已經係你身邊， 你好好珍惜/享受的話，我相信凡事都會變得更好。

其實唔單只我相信，根據哈佛心理學教授 Daniel Gilbert 係2010年做咗個研究，佢搵咗2200 個人參加實驗，用咗一個 iphone app 叫做 "trackyourhappiness" ，係不定期嘅時間聯絡嗰班人，問佢哋 (1) how are feeling? 100分就代表最開心，0分就代表最唔開心。(2) what are you doing? 你做緊乜嘢? 同埋 (3) are you thinking about something other than what you are currently doing? 你係唔係諗緊啲其他嘢?

目的就係睇佢哋做緊啲嘢，同諗嘅嘢，係咪一致/集中，抑或唔同， 即係代表個腦係道「遊緊魂」"Mind Wandering". 如果遊緊魂嘅話會再問佢，你係

(1) 諗緊啲唔開心嘅嘢 unpleasant mind wandering，或
(2) 諗緊啲中性嘅嘢 neutral mind wandering, 定
(3) 諗緊啲開心嘅嘢 pleasant mind wandering

研究結果顯示， 人有平均47%嘅時間個腦係喺道「遊緊魂」Mind Wandering， 即係做緊嘅嘢同諗緊嘅嘢唔一致。 問佢哋開唔開心嘅話就發覺， 從統計學角度 multilevel regression 指出，越遊魂嘅人就越唔開心，越集中一致做緊嘅嘅人就越開心。

睇下呢個圖， 左邊代表唔開心，右邊代表開心。 越大個波，代表sample size越大，即係越多人回覆。 中間嗰條一點點嘅綫，就代表平均值。研究發現:

(1) Unpleasant mind wandering 佔所有25萬個回覆嘅12.5%, 係令人最唔開心，開心指數只有42分。
(2) Neutral mind wandering 佔14.5%，有62分。
(3) Pleasant mind wandering 排第二開心，佔19.9%，有69分

(4) 最開心嘅，就係 Not mind wandering, 佔53.1%，有71分

即係話即使你個腦係諗緊啲開心嘢，都唔夠你個腦集中注意力喺依家做緊嘅嘢開心。 點解? 就係因為你專注，先至能夠 apprepriate 真正地感受到嗰一刻嘅 touch and feel，而嗰一刻係最直接有機會能夠令你最開心。 即是我睇舖，都經常合埋隻眼去 feel 間舖! Really!

想睇佢哋做緊Present啲咩嘢，再睇埋上半part 個圖。最唔開心，就係休息或者返緊工嘅時候。最開心? 就係傾計，做運動，同埋make babies 嘅時候，你明我意思啦。

最好嘅 Present, 就係 Live in the Present 係有科學根據㗎！ 最好嘅嘢已在身邊，想幸福? 你依家又唸緊啲乜呢?

一個好爸爸 ( 高松傑 Jacky Ko )

唱歌 :世上只有爸爸好

唔知大家有冇睇過一部電影叫"一個好爸爸"呢?

裡面既主角表面上雖然係一個黑社會大佬，但係佢喺背後為左女兒既改變同付出 , 喺佢女兒心目中憾稱一個絕世好爸。

"好爸爸"喺每個人既心目中既定義都各有不同，
-有D人想要個 ：富爸爸，要乜有乜",
-有D人想要個： 成就爸,好似選到特首甘,幾威呀 ,
-有D人想要個 ： 體貼爸，乜都同佢安排好晒，

-有D人想要個 ：恐武有力爸，好似我甘 ~事事都為佢出頭" 在場既女士係咪想要一個呢？


種類各有不同...

而我冇大家咁好彩啦，由細到大我只係得半個好爸爸，因為爸爸媽媽喺我未出世既時侯巳經離咗婚啦，所以我冇大家甘幸福可以每日見到爸爸，唔駛講啦~生病入醫院，家長日，學校旅行,做功課溫書,都係冇爸爸陪既，而且仲喺我10歲既時候發現左一個小小既秘密，連我爸爸媽媽一直都唔知道架~ 就係 ~~~~ 殊: .................................原來我並唔係爸爸親生架。

有時我知道幸福並唔係必然既，而凡事亦都不能夠睇表面，一定要了解事情既全部，雖然我唔係爸爸親生，但係佢亦視我如己出，努力工作賺錢去養大我撐起成頭家，雖然爸爸好窮，買唔起d好名貴既嘢俾我 ,但係佢經常同我分享人生，令我每日進步,我覺得呢d先係無價寶呀 。 每個人喺人生都會有低潮既時侯,而我呢個令仔亦都唔例外， 喺我人生最挫敗既時侯，友人出賣我，愛人離棄我，親人亦都睇唔起我，但爸爸總會鼓勵我支持我，使我喺人生谷底裡，努力堅持，仲拎咗唔小寶藏。

爸爸亦用佢最後既生命同我上左人生上最寶貴既一課，佢由生患癌症開始,一直同病魔作戰，佢不但樂觀面對逆景,經常鼓勵我做人要看前向前看~ 直至上年十大傑出青年選舉頒獎典禮,當時我既職責係照顧得獎者,突然間~我收到醫院既電話,醫生話佢病發入左急室,我當時好心急,好想立刻去睇佢,但係爸爸佢唔俾我黎, 佢同我講:爸爸無本事,佢冇能力幫人,但係佢好開心,因為佢個仔有能力去服務社會,幫助別人~：「不求個人私利，但求完滿工作。」佢要我堅持做到最後,直至完成為止~ 到第2日,爸爸病逝了

喺爸爸呢段奮鬥過程,我力力在目,而爸爸這一份偉大,不屈不撓，「向前看」既精神，亦影响咗我一生，令我以「向前看」做一個宗旨，


萬事怕有心，功到自然成。佢經常同我講成功對每個人其實都只需要兩步。一步開始，一步堅持。而我亦用左爸爸教我既嘢 ~創立左"加油同盟" ,透過每日分享正能量 ~去感染和教導"年青人"。 每日向前看

我透過小小既故事分享想話比大家知道，一個好既爸爸未必要好有錢、好有成就、亦未必會任何事情都會做到出面講到出口 ，但係佢地對我地既愛，好多都係埋藏心底，要我地自己用心去體會，先至可以感受到，最後送俾大家一句，珍惜眼前人，特別係爸爸，因為下一世，無論愛與不愛?都未必會再相見。

唱歌 :

遙遠的爸　不可以再歸家我在夢裡卻 始終只有爸遙遠的爸　可知我心中的說話熱情並無變　那管它滄桑變化啊...

最後我要多謝我呢位偉大既爸爸，以前我好勝、唔識諗。痛苦會改變一個人，經歷能造就一個人。今日既我已經真正學懂「向前看」、學懂放下。並且積極面對生命。並希望上天可以張我既說話帶到俾我爸爸 :

如果下一世可以楝,我都會棟做 高詠諵既兒子

兒子高松傑敬上

我想分享有兩樣嘢:

1）珍惜眼前人。
2）每個人的背後總​會有很多人支持，與其有千百個原因説不可能，不如告訴​自己一個「堅持」的理由^^ 願各位兄弟姊妹共勉之！齊心合力撐香港！