*嚴禁劇透*
*粗口自行過濾*
*可瘋狂話戲屎但免人身攻擊*
[方以文問兩句][何廣沛 郭子豪 張彥博][Part1] >>>
https://www.facebook.com/…/a.10913097475…/2065981856799182/…
[1230隔夜超短劇評][TVB][跳躍生命線 EP13]
[讚] 俊仔傑仔條兄弟線向住最老套嘅方向發展，兩位小演員鄭佑男同埋謝進繼續做得好，童年傑仔（謝進 飾）趕咗細佬出去喺門後面好傷心嗰吓我真係有啲傷心。不過傑仔趕咗俊仔出街之後原來尾隨嗰吓真係好老套呀。本來以為咁就交代咗點解譚sir要同傑仔畫清界線，但原來未完。對俊仔最大嘅領悟係人生喺重要關頭只可以靠自已。
就算傑仔真係有苦衷而唔嚟醫院探俊仔，定係俊仔拜託阿媽去叫大佬嚟見佢而阿媽冇做到，一切都已經過咗去，結果就係令到俊仔一個人好鬼獨立，就算對於佢阿媽其實個感覺都好疏離。呢個發生咗就發生咗，「冇得補救亦無謂補救」嘅體會，同劇本今集同上一集其他情節都有關係，包括咗今集講到明嘅祈祈同 Angus過去式嘅感情，小蝶對傑仔火燒嘅自責，甚至係上一集天王對於前妻嘅感覺，嵐姐都可能因為自責有份害死老公而對奶奶千依百順，都係講對於過咗去嘅事你可唔可以放低，向前行。當然仲可以放返落在哥對於老婆嘅感覺。
有人話俊仔太絕情，咁大個人其實都估到阿哥當年咁做係為咗佢，但「明白」之後可以唔係「原諒」，而係「放下」或者好似祈祈咁講嘅「封存檔案而不銷毀」。其實都呼應返第五集「原諒唔原諒」嘅主題。又或者今次全套劇，甚至我哋人生好多唔同嘅為難處境，都係圍繞住呢個觀點。只係「明白了放下了等於得到」唱出嚟就容易，做到就好似傑仔咁講，成佛喇。
羅天宇喺馬子仁時代我覺得有個問題，就係演戲嘅時候，甚至係睇佢做訪問做live嘅時候，都有種抽離嘅感覺，啲感情出唔到嚟。就算係愛回家同劇組日對夜對，佢喺馬家裡面都係最少感情嗰個。今次劇組搵佢唔知係咪睇中呢一點，佢用呢個方法去做俊仔係非常之夾。而其實細心啲睇，佢對住羅蘭同埋陳瀅啲戲份感情係多啲，比起馬子仁喺馬家時嘅情感再多啲，呢個要鼓勵吓。希望佢可以再將自己嘅感情放多啲出嚟，突破到呢吓就應該有好大進步。呢啲都係我廢噏，歡迎討論吓，演技嘅嘢我只係有大學玩吓drama嘅水準。
[彈] 雖則話我覺得幾條線都可以有關係，但又未到相輔相成，反而用麥家姐弟去襯托傑仔俊仔嗰段，要祈祈講埋出口真係太多又太白，冇乜味道。
無牙婆嗰段講話人需要尊嚴嗰吓，就咁講出嚟就幾好嘅，但劇情又冇乜承托，抽出嚟做trailer就啱數，夾落劇本就有啲多餘。呢套劇好多嘢講，但好多時都係咁呀，less is more。
[演員表] 馬德鐘 飾 麥在田 / 何廣沛 飾 卓家傑 / 郭子豪 飾 陸昊然/ 張彥博 飾 呂劍雄 / 張曦雯 飾 文暉 / 劉佩玥 飾 章可祈 / 陳瀅 飾 向滿月 / 羅天宇 飾 譚家俊 / 韋家雄 飾 高行仁 / 張文慈 飾 麥愛花 / 李成昌 飾 卓裘 / 歐瑞偉 飾 王海 / 陳偲穎 飾 麥諾兒 / 李霖恩 飾 常朗天 / 陳偉洪 飾 余國榮 / 李日昇 飾 張啟冠 / 崔建邦 飾 羅應佳 / 張國強 飾 魯永健 / 楊卓娜 飾 游子嵐 / 羅蘭 飾 李英愛 / 蘇恩磁 飾 何鳳蓮 / 楊卓娜 飾 游子嵐 / 謝雪心 飾 湛小蝶 / 莊思明 飾 葉媛 / 鄭佑男 飾 童年俊 / 謝進 飾 童年傑
#1230隔夜超短劇評 #無綫 #TVB #跳躍生命線 #馬德鐘 #何廣沛 #郭子豪 #張彥博 #張曦雯 #劉佩玥 #陳瀅 #韋家雄 #張文慈 #李成昌 #歐瑞偉 #陳偲穎 #李霖恩 #陳偉洪 #李日昇 #崔建邦 #張國強 #羅蘭 #蘇恩磁 #楊卓娜 #謝雪心 #莊思明 #鄭佑男 #謝進
劉佩玥老公 在 劉佩玥- 维基百科，自由的百科全书 的相關結果
劉佩玥 （英語：Moon Lau Pui Yuet，1989年9月9日－），香港女演員及電視節目主持人，《2013年度香港小姐競選》季軍，現為無綫電視經理人合約藝員。 ... <看更多>