【哥倫比亞長途巴士奇遇記】
一路上，人人聽我講搭17個鐘巴士都覺得我癲：呢度唔係智利同秘魯，你搭27個鐘都冇所謂，哥倫比亞啲巴士癲架！你搭飛機啦！一來飛機勁貴，二來我喺澳洲30個鐘都係咁坐，冇嘢嘅，點知……
1. 架車話express直達但中途原來會停站，仲要係勁local果隻，成班大媽衝上嚟sell嘢拍醒你
2. 可能真係冇乜旅客搭巴士，成架車明顯得我一個係遊客，勁多bb夜晚勁喊，仲人人聽歌好似disco
3. 半夜三更開行戲都算，最慘係佢音響堅正，大聲到變震動位。套唔知乜南美片講條友俾人捉咗去打地下拳賽，然後成套戲就真係係咁打，屌你嘈到我忟，戴耳塞都震醒
4. 正常通宵巴會熄燈拉廉，呢度係唔會嘅，而我眼罩唔見咗！backpacker冇嘢唔得，唯有拎條毛巾綁住隻眼，但啲聲真係太大！
5. 半夜開行冷氣（我知出面夜晚都40度，你都唔洗咁呀），凍到我冇知覺
6. 最大問題，因為又凍又熱，啲倒汗水喺頭頂係咁滴，凍到我又一次扎醒，what the hell is going on!!!
7. 哥倫比亞搭巴士係官方時間x1.5係冇錯，次次短途都中嘅，大家都話係Colombia time difference，但呢程17個鐘，依家搭咗14個鐘，先好似去咗一半多啲啲，到底我幾時先可以落車？
8. 17個鐘唔停油站都算，連餐廳都唔停，到底我有嘅糧食可以捱到幾耐？
9. 有人搭一晚通宵巴俾軍警截五次，touchwood我冇事，但……下程搭內陸機算。
‼重要消息！
小弟21/7、22/7將會書展出現宣傳新書，歡迎到來支持😎 | goo.gl/XD75KZ
‼嚟唔到唔緊要，香港朋友歡迎直接購買，買嚟睇就明點解咁好賣 🇭🇰 | goo.gl/J9QdBR
‼台灣書局亦已上架，可去文中連結購買 🇹🇼 | goo.gl/xzCymP
【IG請follow】www.instagram.com/travelerwithmovie
台灣地下拳賽 在 [新聞] 快訊／參加高雄格鬥賽重傷選手宣告不治！ - 看板Gossiping 的推薦與評價