#詞吓講你知
《零度聖誕》RubberBand
那時RB好像只派過一、兩首歌，第一隻碟Apollo18還在製作中，正值年尾監製想他們寫一首好Christmas的歌。最初歌詞由龍哥操刀，泥鯭也好像有幫手寫另一個版本。
我記得龍哥寫的，一開始是有關一個小朋友對聖誕的盼望、期待，有些聖誕老人送禮物、下雪的夢幻畫面（這首詞的第一句 //平安午夜 氣溫只有零度// 就是保留了他寫的）但chorus就諗來諗去都諗唔通點講個細路長大後的聖誕變成點。
有一晚，我和當時的公司同事happy Friday，約了一起去灣仔一間好好食的小菜館食飯，通常直落唱K或飲酒，點知食食吓飯龍哥打嚟，話佢喺studio就快雷凱欣式人體爆炸，寫唔到隻聖誕歌呀！而佢仲漠視我同朋友食緊飯，冇諗住收線繼續呻，仲企圖叫我而家喺電話中同佢傾吓點寫... 大佬呀，你唔好咁痴線啦！
可是我最終放棄咗去唱K，食完飯就去studio滙合龍哥幫手寫。我提議各自閉關一陣，再拼埋睇吓點夾。於是我匿喺間房仔、佢喺小客廳，大家分開寫。
除咗第一句同Oh Christmas Time被保留，其他我全部掉晒，寫一個可憐蟲嘅故事出嚟（龍哥本人寫照）。用大約半個鐘寫咗第一段verse，出去俾歌詞部經理龍望吓，approved，就繼續去，結果當晚就寫完了。原本暴跳如雷的龍經理，又變返兒童天真笑的亞龍。
除咗呢次，其實寫《發現號》我都係俾佢半挾持式去寫，Wyman寫嘅《挾持》其實可以講吓我呢兩單嘢🚬
#有朋友逼我出post講歌詞分享
#大家喜唔喜詞吓講你知呢個環節
#唔想講咩靈感點嚟
#我淨係想吐苦水
#零度佛誕
#明天一早也許不覺殘酷
#呢句本來係明天一早記憶揮發長路
#呢句後來用咗喺另一首歌
#零度聖誕
#lyricist
#timlui
📷 @lifestylejournal
呢句本來係明天一早記憶揮發長路 在 【 +因為+希望+點+吹】 【 歌詞】共有129筆相關歌詞 - 魔鏡歌詞 的相關結果
、Rocco不計較是因為我們不low乙太本來就不該被淘汰功夫胖的功夫棒你們自以為'老派' ... 你感到自己仍生還總係希望「發揮」與「實現」你照住鏡-卻見一切「揮發」留 ... ... <看更多>