問：
有時候卷2題目最後個條可能會要我地揀一件事件係對某國家最深遠。
而事件同國家均為任意選擇。
如果選擇國共內戰作為20世紀下半葉對中國最影響深遠的一件事。應該點用歷史角度去寫，而唔會變左中史論文？
辛苦曬
答：
首先，同學需要知道其實如果選擇一件事件去討論對該國家嘅影響的話，呢類係接近於「轉捩點」題目嘅處理方法，因為你最好可以深化該事件對該國家帶來的影響，咁樣你表現都會比較容易突出D。
係處理呢類型題目嘅時候，雖然題目本身無規定要求同學討論國共內戰之前嘅情況，但係如果每段以20-30%篇幅先去討論國共內戰前嘅中國情況，然後再講國共內戰後的情況係如何，咁樣嘅話就更加有助突顯出國共內戰對中國的影響。我會係以下簡單示範點樣討論：
政治方面，國共內戰前，中國政治主要是走君主專制及共和立憲的道路，但隨著國共內戰中共產黨擊敗國民黨，為中國政體的發展掀起新的一頁，中華人民共和國的成立正式標誌中國走向共產主義，落實共產主義體系。
當然，上述並唔係完整的段落示範，只係純粹講解論點。同學從上述例子可以見到，如果先講一講國共內戰前嘅中國情況係如何，咁樣就有助深化之後討論嘅國共內戰的影響，令到你所討論嘅影響更加突出。
雖然我係會考之後已經無再修讀中史，但係基本上一篇好嘅論文係唔分中史定世史，至於世史可能係技巧上會更加講究，正如好似上述例子一樣，如果你想要深化國共內戰對於中國嘅影響，可能你處理嘅方式就需要接近以「轉捩點」嘅方式去處理，咁樣表現亦都相對容易突出。
利申：雖然本人無讀高考中史，但係會考中史都係拎A
國共內戰的影響 在 Re: [問卦] 為啥外省人族群從反共到舔共？ - 看板Gossiping 的推薦與評價