除咗人鍊手牽手，823仲有個基督徒集會。
呢段時間，教會應該一直俾黃藍兩種聲音拉扯，更加好多人因為咁，驚唔合一，驚紛爭，驚教會分裂。所以，寧願多一句，不如少一句，避免爭拗。不少教會因此會提倡「政教分離」，教會內不談政治，只談信仰。不過，之前香港浸信會聯會會長羅慶才牧師已經提到，政教分離的「政」，是指「政權」，教會不應與政權有任何關聯，影響其信仰價值，而不是遠離「政治」。
何況，今次事件，不只是黃藍，而是黑白。
當然總有支持政府嘅人話示威者搞事，係，示威者係搞事，但係為乜搞事？唔通真係有冷氣唔涼，要出嚟食催淚煙貪過癮？再者，就算搞事，示威者不斷被拘捕，但拘捕過程要用咁大武力？拘捕後仍然要虐打、羞辱？呢啲就唔係政見不同，而係是非黑白。所以，呢個已經唔係政見，而係作為一個「人」，我哋仲有冇良知。 而我哋信主嘅，主所賜下嘅聖靈，有冇提我哋指出惡行。
我哋可以保持沉點，聽憑主怒。不過，我又覺得，我哋身處呢個時代，我哋有冇好好做好自己嘅角色，為主作光？定還是我哋只係做四道牆入面嘅乖乖信徒？
基督徒嘅反送中上，好似未有一個以此身份嘅聚會，所以823集會都至關重要，讓人知道我哋唔離地，我哋關心「人」，我哋倚靠主，亦與人同行。
P.S. 1：文宣圖在留言。
P.S. 2：因為同手牽手撞時間，所以集會入面亦設有手牽手環節。
P.S. 3：為此禱告，求主憐憫。
基督徒聚會所 在 台北基督徒聚會| Taipei 的推薦與評價
台北基督徒聚會 · 粉絲專頁 · 宗教組織 · 台北市中山區八德路2段203號B2, Taipei, Taiwan · +886 2 8772 0321 · [email protected] · ca-taipei.org · 營業中 · 查看更多有關 ... ... <看更多>