#宇宙船
#生物觀察日記
20210421《尚戲不接下氣》
生物觀察日記最近觀察到嘅超級英雄尚氣好似唔夠帥氣，俾班網民笑到上氣不接下氣，有時俾人讚有明星臉都唔係一件好事：「你呢……有啲……有啲似嗰個明星，做Super hero嗰個主角，邊個呢……我記得啦！尚氣呀！」你睇？並唔係一件好事！有睇預告嘅觀眾就表示尚氣個樣非常接地氣，好地痞，的確喺個預告裏面你覺得佢造型最冇問題嗰一幕，應該就係佢喺酒店門口飾演一個Bellboy嗰一幕喇，套制服着得相當⋯⋯唔係話好睇不過整齊囉，連套英雄制服都係着喺人哋身上冇乜問題，尚氣嗰件就總係覺得佢係一件普通嘅雞翼袖背心，但係係做gym嗰啲tight囉，有啲運動紋理喺上面囉⋯⋯sad。
由於佢相學上來講係酷似習近平，一眾marvel fans就喺度作出諸多揣測，到底哩位英雄會唔會同Winnie the pooh有住同一嘅命運，由於佢本身冇但係人哋覺得佢其實有辱華嘅意思，最後都要喺中國市場下架呢？要知網民嘅玻璃心越脆弱，留言嘅力量就越強大，如果可以將用嚟留言嘅時間花係鍛煉心肺功能上面，相信就唔會咁玻璃心啦。明明係首位中國人嘅super hero就應該係respect吖，但係中國人你揀個顏值咁低嘅又diss返，但係佢似你領導人都應該respect吖，但係似領導人居然顏值低又diss返，但係喺演英雄上嘅形象係一致吖一係respect吖，但winnie the pooh都下架點解佢唔洗？又diss返。玻璃心點解咁玻璃？你試下一件物件瘋狂反覆進行加熱急凍加熱急凍，你都會好脆弱。你鐘意同討厭一樣嘢嘅原因，完全要基於大眾鐘唔鐘意、接唔接受、模棱兩可嘅規則，當大家討厭時你仲要加入一齊去討厭，以換取團結嘅民族感。
同類型嘅事件我哋喺《我的英雄學院》見過，喺漫畫其中一話，作者堀越耕平將一名進行人體實驗嘅反派角色命名為「志賀丸太」（此處丸太註音為：maruta），「maruta」的本意係圓木，即係點？即係侵華戰爭中日軍731部隊對接受人體實驗者的侮辱性稱呼。至於「志賀」哩個姓氏，據人考證則來源於志賀氏菌，係痢疾中最為常見的一種致病菌。仲要提到731部隊添，731哩個數字根本係7月1同831嘅合體，哩個我加嘅！反正都係，唔爭在屈埋。對於哩單嘢，作者嘅回應就表示：「其實就冇咁嘅意圖嘅，sorry，我改返名啦。」但係漫畫迷依然一致認為道歉唔夠誠意，你之後改返有咩用？你哩期漫畫都冇改！喂大佬⋯⋯都賣晒出去⋯⋯逐本收返ますか？Ok，唔改吖嘛？大陸地區全線下架！笑出嚟⋯⋯喺啲偷人漫畫嘅翻版網站下架⋯⋯但照計你唔認同個作者嘅命名，都唔會影響故事吖，都係sorry，評氣直插谷底，評語係咩呢：「三觀不正學咩人畫英雄呀？」再一次，真心覺得網民嘅三觀真係好正！
有啲嘢，唔講唔覺，講咗好覺！雖然未上架，但當有一日尚氣要下架嘅時候，大家唔好驚訝！你回想一下，當日winnie the pooh被封殺嘅時候，你地有冇人企過出嚟，為維尼講過一句說話呀？冇吖嘛！我都冇，所以我企返入大隊先喇。有辱華、冇辱華，是但啦，邊關事，到最後哩位酷似領導人嘅英雄係俾人fing旗仔歡迎定俾人封殺仍然係未知之數，聞說今年秋季上架，祝佢唔好俾人10月維尼啦。
堀越耕平道歉 在 【結果最終還是跪舔了(x)道歉了】 JUMP編輯部和堀越耕平 ... 的推薦與評價
結果最終還是跪舔了(x)道歉了】 JUMP編輯部和堀越耕平發佈道歉聲明『我的英雄學院』最新話中「志賀丸太」角色爭議的名字，涉嫌中國及其他海外讀者與悲慘的歷史記憶產生 ... ... <看更多>