［鐵道完］日本郊區鐵路越嚟越少
Economist 原文：Japan’s rural railways are disappearing
TLDR：睇《鐵道員》都知啦，都唔係咩新聞了。民營，商業公司，蝕錢咪廢除條線。點解蝕錢？因為冇人搭。點解冇人搭？因為人口收縮，又老化，未死嘅都去晒大城市。
1. 文中先係講JR西日本嘅三江線（冇坐過，其實聽都冇聽過），島根縣江津（冇去過，我以為江津係守龍的）去廣島縣三次市（廣島就去過兩次）。呢條線88年歷史，2018年被廢，都引起一陣討論（https://bityl.co/3ZNe）
2. 當然一路都有廢線，但多數在鄉下地方（咩叫鄉下就相對啦）啲細線。如果計民營化，即係JR 1987年出現開始計，呢條係第一次在本州有100公里以上嘅鐵路成條玩完。
3. 其實呢條線已經兩次死裏逃生，1968年想廢過一次（所謂嘅赤字83線，下面再解），1987年亦係，最後今次都係玩完。原因？估都估到，冇錢賺咯，而日本鐵路係民營啦嘛（JR開始咪民營），商業機構。點解冇錢賺？冇人坐咯。
4. 呢條線1987年一公里有458人坐，而家係83個人—留意條線100公里多啲，即係全年大約9000人坐，一日廿幾丁友，應該係咁計—35個站喎！一年要蝕6000萬港紙。
5. 咁點解冇人坐？人口老化啦，人又越嚟越少啦，同埋搬晒去大城市—其實好多國家都係呢幾味，日本就特別嚴重。
6. 當然老嘢想當年，講以前拍拖可以由火車伸手掂到山上嘅樹葉之類，但現實佢地都知廢線係遲早問題。講咗好多年了，走甩兩次都係走唔甩第三次。而家就得返巴士
7. 日本係咪冇起新鐵路新站呢？當然唔係，新幹線在東京今年起多兩個站添，有個咩「高輪Gateway」站，山手線新站添，已開，冇得去，嗚。
8. 但大城市以外就另一回事，2000年以嚟，已經廢除44條線，1000公里。四份之三嘅地區線都係蝕錢嘅。人口老化重災區，同埋後生嘅都搬走，去大城市搵機會。睇戲睇日劇睇動畫都知了。
9. 因為已經係民營，所以政府就唔會點理了，補貼係有些少，但絶對唔會夠，亦唔會再加。但另一方面，起路就有政府出錢，所以變晒巴士。
10. 當然呢啲城鄉問題，首都或幾個城市獨大，度度都見到。老嘢就當然覺得官員覺得只係東京先有人住，唔理佢地死活之類。但現實係：其實連啲巴士都冇乜人坐。
11. 都係嗰句，度度都係咁上下，程度有分別，問題差不多。韓國就更加係首爾獨大，台灣就台北係天龍國人（實情本人都不能接受住台北新北以外），大陸就逃出北上廣深。
12. 值得一講嘅係，日本最初（田中角榮年代日本列島改造論開始），係想用鐵路同道理網去解決城鄉發展不均，人人湧去大城市嘅問題。其他國家都類咁做。結果完全係相反，解決方法更加令問題惡化：就係因為交通方便咗，啲友更加全部湧晒去大城市。大城市嘅問題人人都知，塞車，人口密度高，租貴—但都仲係個個仆住去，因為只有去嗰度先可以脫貧，先有機會。在鄉下你就窮一世，只適合廢老返去住大屋等死。
13. 現實啲，嗰堆咩赤字83線呢，應該有今生冇來世，睇下邊啲你坐過，可能冇下次（https://bityl.co/3ZNg）
14. 我坐過嘅？就係指宿枕崎線（https://bityl.co/3ZO2），鹿兒島。呢條線有啲名氣，除咗因為指宿都多遊客去外，亦因為係日本最南邊嘅鐵路。有個西大山站（可惜我冇去，因為啲車幾疏下），係日本最南嘅火車站—當然未計沖繩，但Monorail係咪火車就留返鐵膠研究，不過至少肯定唔係JR
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7
——————————————————————————
［收費短片第九擊］美股科技股是否泡沫爆破？價值投資之選
課程資訊：https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲？
*有乜價值投資之選？
本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145
另外想買返第八擊（美國總統大選股票部署）都仲可以：https://bityl.co/3NPn
塞車原因動畫 在 林口會塞車的原因 - Mobile01 的推薦與評價
看到首頁有一篇討論林口塞車問題，說是高速公路回堵過來、是因為人口暴漲但我覺得林口塞車的根本原因是台灣人根本不會開車，人口暴漲雖然是主因， ... ... <看更多>