《可以將消費券搞到咁複雜…都算係曠古絕今》
呢排聽到朋友講：
「唉，要幫屋企啲老人家整嗰HK$5000消費券。」
不過呢，
唔好話老人家唔識，我自己面對呢單嘢，都一頭霧水。
首先佢揀嗰啲payment方法，我就一個都無。
要揀已經好煩，入面又各有細則…
我淨係想搞清楚
「如果我買樣嘢係HK$5000，究竟用唔用到」呢個問題，已經感到困擾。
當然啦，我哋都算生於智能年代。
要學，認真望半日，咩都學完，一定會識嘅。
屌！！
之但係，連我哋用慣手機嘅，都仲要「學」。
件事已經弱智到一個不能接受嘅層面。
一開始搞到咁煩，
就係個政府想啲錢「用返喺消費」度，振興經濟。
但搞搞下，其實交通都用到。
咁...直接入bank acc咪得囉！！做咩要咁複雜？？？
唔好講咩「確定用於消費」啦…
因為…當全世界都有5000蚊。
稍為有腦都知道…商家佬會「自己做嘢」。
不同折扣優惠&宣傳，
佢哋會用盡方法，令人民消費，賺呢5000蚊㗎啦～
正所謂『生命會找到出路』，
而商家佬為咗搵錢，會『不惜生命去找出財路。』
你使同佢哋擔心？
分分鐘，你自動bankin，出到嚟個「消費效果」都差唔多…
至於…直接派錢，驚佢地去外國網買嘢？？？
咩年代呀？
返咗清朝呀（不過言論限制方面而家應該係衰過清朝），驚白銀外流呀？
而家係行 「全球經濟」呀嘛。
我買一部iPhone，入面嘅零件都經十幾廿個國家啦。
啲錢本身就全球性咁流動…
同埋，平時大把人，出糧之後都喺外國網購。你阻得幾多？
呢啲咩貿易順差逆差，
你自己喺個big picture度fine tune把啦。
政策嘅極致，
就係識得舉一反三，借力打力。
如建河道，
有咗規劃，就預視到水流嘅流向。
聰明嘅政府唔需要咁無效率嘅做法。
但我都明嘅，
呢家佢哋做啲咩，都係為咗擦上面鞋。
所以做每件事，都要好似content farm嘅農場文章咁，
畫公仔畫出腸，
畀人知自己有做嘢，
而…非有效率地做嘢。
IG: cheungson88
https://www.instagram.com/cheungson88/
（很少人Follow的acc，有時說說生活事）
大河屋振興券 在 大河屋燒肉丼串燒 - Facebook - 登录或注册 的推薦與評價
振興 三倍券限定優惠＃振興三倍券這裡使用最優惠親朋好友 快揪一波聚餐去！ 品嚐美味的屋臺料理 振興三倍券700元套餐 ○經典丼飯(5 ... ... <看更多>