#小編食好西 之 九冠酒店抵食buffet實測
人工唔漲，物價就係咁升，而家食個buffet閒閒地都七百幾八百，真係有點唔捨得🌚 今次呢間酒店buffet，就算晚餐都只係四百幾，簡直係回到過去！😍 但咁平有冇伏㗎？🥺 小編就一於去試下！😤
🎊優惠詳情🎊 https://flyagain.la/97365
🎊預訂網址🎊 https://flyagain.la/3tz1
📍預訂日期📍 即日起～9月12日23:59
📍享用日期📍 9月1日～10月31日
🚌位置及交通
雖然話就話係九龍東皇冠假日酒店，但其實酒店係位於新界東嘅將軍澳～🤣 大家去到將軍澳站C出口一出，行幾步就到酒店入口，就算落雨都唔使擔遮🤩 附近亦有巴士站小巴站可揀，交通極為方便！🤗 自助餐餐廳名為尚廚，位於酒店一樓～💁🏻♂️
💰回本位1－🦐🦀海鮮
古語有云，要回本，一定要食海鮮！Buffet有蜆、螺、蟹腳、青口，以及周末晚餐限定嘅龍蝦揀，都算有幾多選擇🧐 海鮮部由頭到尾都相當熱鬧，小編見到最誇張有枱拎咗成6隻完整龍蝦食，睇到O哂嘴😦
小編試哂咁多款，不得不讚蟹腳係當中最為出色，好鮮味好juicy，真係食多幾round都唔會厭；眾人瘋搶嘅龍蝦都表現不錯，肉夠彈牙；而其他就普普通通～
💰回本位2－🐟刺身及生蠔
海鮮嘅伸延部分，刺身有4款揀，都係最普通嗰四款：三文魚、吞拿魚、立魚、希靈魚，當中三文魚同希靈魚比較好，食落新鮮啲，想食建議主攻三文魚就可以～😶
生蠔就係即開即食，有個廚師叔返企喺度即開俾大家，見住佢開足成晚都想講句辛苦哂🥺 第一round個蠔真係好失望，好瘦弱，幾乎冇肉得皮😒 但之後再攞離奇地啲蠔越嚟越肥美😮，建議大家都係遲啲先食有著數🤪 不過啲蠔冇乜海水味，有點可惜😢
💰回本位3－限量食品🤑
食到中間，聽到搖鈴聲，食慣buffet都知咩事啦！😎 小編9秒9出去排隊，就拎到三文魚籽吞拿魚蓉脆餅🤩 啲吞拿魚蓉好好食（好過刺身），配埋三文魚籽同脆餅成個口感好match，但小編就覺得脆餅太重味（有啲似旺xx米餅）有點太搶😳
食到中途，竟然有第二次搖鈴聲！WHAT？😱 原來今次係即煎鴨肝！😍 呢個真係不得了，要拎完即食！鴨肝好juicy煎得啱啱好，配埋個汁同麵包一嘢轟落去……正到講唔到嘢，勁正！🤤🤤🤤🤤
🥘 熱食
講完重點，就講下其他啦！整體buffet選擇幾多，印度西式中式日式都有～呢個價錢嚟講真係唔話得🤭 熱食當中小編重深刻係雙重芝士焗豬腩（極邪惡😍）、蟲草花魚（魚柳滑到不行，近乎入口即溶😳）、即煎鐵板燒（又係魚柳最正！🤗）同埋無花果鴨胸（配搭新奇，鴨胸重味）但篇幅有限，想睇更多熱食就睇圖caption啦～🤗
🍰 甜品
甜品小編就真係最欣賞嘅部分！首先雪糕有Haagen Dazs，有成7隻味咁多！😳 佢仲好貼心地用鐵杯裝，等啲雪糕冇咁快溶，真係要俾個like佢😍😍😍 另外蛋糕、奶凍、啫哩、豆腐花、杏仁茶都有，都幾齊，表現如何，就要睇睇圖caption啦～🤭
💬 總結
四百零已經連埋加一，呢個buffet雖然唔係話好食到飛天，但勝在選擇夠多，小編都冇咩好投訴！🤗 小編食當晚仲全場滿座，可見呢間buffet真係有佢嘅魅力所在！趁而家咁平book嚟過下buffet癮啦！🤪
完
大皇冠鐵板燒 在 大皇冠鐵板燒- 首頁- 餐廳 - Facebook 的推薦與評價
大皇冠鐵板燒 · 335 桃園市桃園區桃園市大溪區埔頂路一段438號. 規劃路線 · 查看菜單 · 評分· 5. （22 則評論） · 689 人在這裡打過卡 · +886 3 380 3138 · 室內用餐. ... <看更多>