【四套西片宣佈大陸「撤檔」】
繼早前七套賀歲片一齊「撤」後，再多四套西片宣佈撤檔，暫時就冇公佈新映期，包括新版《天魔特攻》（who fucking care??? #睇咗你就明）、《陽光兔仔兵》、《1917：逆戰救兵》、《怪醫D老篤》－－《怪醫D老篤》連最後希望大陸個市場都冇埋，佢真係仆到直一直。
事關受疫情所累，大陸絕大多數戲院仲未開得返，更加係愈嚟愈多唔開門做生意，令「臨危受命」嘅《葉問4：完結篇》已經唔知第幾週票房冠軍。根據中國票房網站，講緊全國，留意係全國，票房冠軍嘅《葉問4：完結篇》單日先得十幾萬人仔，到底呢十幾萬係邊間戲院度走嚟？
目前二月嘅荷里活片，得返《婚姻故事》同《超音鼠大電影》未正式宣佈「撤檔」（截至寫文一刻），但睇個勢都唔撤唔得。相信全球影業都估唔到，當個個向住大陸呢舊肥豬肉進發時，一鋪疫情就令大家收曬皮。之前有分析專家表示，呢單嘢將令大陸片商上咗好好一課，唔好將全部大片迫埋一齊。相信荷里活都醒覺，唔可以太過著重呢個市場。
個人比較花生嘅係，迪記流曬口水嘅一大舊肥豬肉，原定3月27日大陸上映嘅《花木蘭》，點搞好😂
學身在美國嘅「非非」喺預告話齋：「It is my duty to fight for the kingdom.」如果真係延期，迪記marketing神功fight個咩影期好？Delay一撼就《黑寡婦》加個五一黃金週，如果仲有得金的話，再撼就《1/2的魔法》，點都攬炒。
我表示：🥜
‼最後機會‼小弟執筆之澳洲打工度假原創小說已賣剩最後一批，售完即止，請即訂購：http://bit.ly/2PKXYFA
【IG請follow】www.instagram.com/travelerwithmovie
天魔特攻 在 [Mezco] One:12 - Hellboy 天魔特攻(2019 Movie) - Facebook 的推薦與評價
[Mezco] One:12 - Hellboy 天魔特攻(2019 Movie) by Isaac Wong 的玩具相簿 說到Hellboy，可能因為童年回憶的關係，造型上個人最喜歡依然是2004 及2008年由Ron Perlman ... ... <看更多>