有日一位先生嚟到診所。
佢行埋嚟同我講：「登記呀」
我：「好呀，未睇過係咪？麻煩你俾身分證我登記呀」
佢：「信用卡呀？」
俾你娶個八十歲老婆定十八歲老婆都係一樣啫係咪？
我：「身分證」
佢都係拎張信用卡出嚟放喺枱面，我：「先生，係身分證呀，有你樣嗰張呀」
佢終於拎啱俾我。
登記後，我：「你坐低等嗌名呀」
等咗陣到佢入醫生房睇，唔駛好耐佢就出返嚟。
佢企咗埋嚟登記處：「醫生嗌我搵你喎」
我都唔知發生咩事：「嗯？係？有咩幫到你呢？」
佢：「醫生話等你寫張紙俾我」
多數喺我呢度寫得嘅紙…係家計會電話喎。
我：「你等我一陣呀，你坐低等等呀～我等醫生出排版呀」
我轉身入醫生房問咩事，原來係要坐低十五分鐘再量多一次血壓寫證明信。
我行返出去：「先生，醫生要你抖十五分鐘呀，之後再同你量多次血壓，你抖抖先呀」
佢又行埋嚟：「等十幾分鐘之後先有封信呀？要寫咁耐咩？」
我：「你頭先量嘅血壓有啲高呀，所以醫生要你抖抖再量多次，高血壓嘅話寫到封付信俾你都冇用呀」
佢：「寫低啲囉」
咁難諗嘅嘢都俾你諗到，唔得啦，我要提名你去參選啦！
我：「數字係要如實寫落去，你坐低抖抖先啦」
佢：「如實呀，寫個醫生知道係正常嘅數囉」
你都係去娶個八十歲嘅老婆當十八歲咁咀啦。
我：「個數字要係你量完出嚟嘅數，你去坐低先，夠鐘會再嗌你名」
佢：「而家夠啦，我再入去呀」
我：「未夠十五分鐘呀，要由你去坐低開始計」
佢急急腳行去坐低，唔駛兩分鐘又再行埋嚟：「夠鐘啦」
夠你老味呀。
我：「嗱，你又起咗身啦，又要再重新計過十五分鐘啦」
佢又急急腳咁行返去坐，一直用雙眼提示我一直坐喺度講：「夠鐘啦」
我：「夠鐘自然會有鬧鐘聲，我SET咗十五分鐘啦，你唔好咁緊張呀，血壓會高嘅」
佢：「你個鐘係咪壞呀？我個鐘夠咗十五分鐘幾次啦」
你個人壞咗呀，個血壓都係呀。
家計會 在 家計會FPAHK 的推薦與評價
香港家庭計劃指導會(家計會) 為志願機構，致力為港人提倡、推廣及提供性與生殖健康方面的資訊、教育、醫療及輔導服務。The Family Planning Association of Hong Kong ... ... <看更多>