【如果有幸不停咁見工，食乜好？🤨】
自己曾經有一段時期，毫無尊嚴咁連萬二蚊請manager嘅工都去見－－Digital Marketing世界，有極多零尊嚴、超乎想像低人工嘅位同公司（我唔講福利啦，有福利呢回事架咩），呢一點我可以再分享。最高紀錄我可以製造咗個「見工Tour」，一日見三份工、一星期見十五份工，最遠距離係見完太古城入大埔。其實去到後期，好多時我志不在見工，倒不如當出去行吓，睇吓有咩隱世餐廳，反正你都冇事做，如是者，見工最大期待，就係Lunch果餐食乜好。
呢行好多騎呢公司，更多騎呢上司，最初叫你等兩個鐘，我火都嚟埋，但後尾發現，原來等兩個鐘正常不過，甚至算短，我都慢慢習慣咗。依家諗返，為搵份工搞到自己冇曬尊嚴、唔駛尊重自己，但果段時間，都係個熱血回憶嚟。
嚟到呢個年紀，我唔會再乜鬼狗屎垃圾工都走去apply，「見工Tour」式生活都已經冇咗，但其實當年呢種生活，不斷會識到好多同路人，幾份工遇返同一個人一齊見都試過，甚至熟鬼埋會傾到計，你自會發現，原來呢種「見工Tour」生活，好多人都同我一樣。大家係搵唔到工、係覺得自己冇曬尊嚴，但冇尊嚴嘅同時都要活得開心，Lunch食餐好，係應份嘅。
所以，你同我講今時今日失業率係6.2%，我以為失業率一直以嚟都係62%。
我唔知呢個時勢下，仲有冇人可以密到嚟到一星期見15份工嘅「見工Tour」（我15份頂盡，識人最高紀錄一星期見22份），但如果係的話，你著住套老西，成身CV又拎住Portfolio，仲要計定每程車相距坐幾耐，然後話俾你聽冇得安安份份咁食餐飯，要我坐去公園食，本身已經見工見到冇曬尊嚴，咁樣食法會唔會更覺自卑頹廢？
喺可見將來冇乜戲好寫，我考慮緊好冇將以前見工奇聞經歷post返出嚟，暫時做個預告先😂
話說回頭，既然見工叫人等兩個鐘已經係等閒事，我甚至試過約我11點見，話老細唔得閒，叫我食個lunch兩點後再返嚟，喺今時今日，我強烈建議呢類公司不如開放個會議室俾班applicant買飯上去食，反正大家都係你眼望我眼，眼光光等天光。
一陣食乜好？突然想食小丑女個三文治。
圖片：《猛禽小隊：解瘋小丑女》劇照
【‼️留意‼️】
「晞。觀影記事」Patreon加強版已經開幕，更多精選深度獨家電影文章，請即訂閱：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
小丑女劇照 在 小丑女Harley Quinn - 劇照劇照 的推薦與評價
小丑女 Harley Quinn · 2015年5月25日下午2:49 ·. 劇照劇照. 未提供相片說明。 還有17 張. 施慧明, profile picture. 施慧明. 我代替小丑看著你. 未提供相片說明。 ... <看更多>