行開咗幾日，都叫叉咗個電，不過原來要好似想像中咁完全唔睇新聞是唔得的。
首爾好凍，一落機得負六度，條街好多年輕人，好多街頭表演好有活力。大部分人都係著全黑長羽絨褸，亦好多人戴口罩，我心諗，响香港可能已經俾PoPo周咗去。商場都已經掛晒聖誕燈飾，馬路地上冇塗鴉，紅綠燈安然無恙，好似好奢侈有啲唔慣，慣嘅反而係幾日都冇搭過地鐵。
約韓國朋友食飯見下，佢哋見到我著住件「Hongkonger」衞衣，急不及待問我香港情況，佢話原來當地唔少人以為運動已經响條例撤回後完咗，我就一路食一路講，佢亦同我分享咗好多關於光州民主化運動嘅事。食完飯，大力擁抱咗一下，佢話出年香港見，叫我要萬事小心，當時有啲心酸。
之後嗰晚去咗一間shisha bar，隔離係枱年輕人，有一個用日文問我係咪日本人，我答佢我係香港人。佢即時嘗試用普通話交談，開始想問我嘢之際就俾一個女友人拉開。之後佢哋埋單，個女仔出咗門，佢就走埋嚟同我講個女仔朋友係大陸人，佢哋會班人都識得講普通話，同埋呢個朋友經常同佢講香港人想搞港獨搞暴亂，所以想問一個香港人到底點樣解讀「Free HK」，我答完佢我嘅睇法，佢就同我講咗一句「謝謝你！加油！」之後就走咗。
雖然成個旅程都唔可以做到完全唔睇新聞唔睇Facebook，但我都好慶幸可以俾自己嘅精神狀態回復一下。响嗰邊每晚都會落機舖，玩嗰個一拳打落去睇下有幾多分嗰部機，每次都會將一啲人名或者HGSCG等等大大聲喺心裡面嗌，然後再大大力咁中落去，都幾痛。平安返到嚟，要繼續工作繼續衝。如果呢段時間你都覺得攰覺得失望，記得要搵方法比自己休息一下，因為條路仲有好長，而且越來越難行，我哋要鍛鍊好身心，先至可以齊上齊落。
#小牆遊首爾2019 #遊牆假期
小牆遊首爾2019 在 #齊大叫爽爽爽爽爽爽爽 - एक्सप्लोर करें | Facebook 的推薦與評價
首爾快閃充電之旅完成，以為可以完全唔睇新聞，原來是唔得的，好在有SONGWIFI爽WiFi - 旅行上網WiFi方案 ... 齊大叫爽爽爽爽爽爽爽 #爽wifi #遊牆假期 #小牆遊首爾2019. ... <看更多>