《成長》
♂：早晨
♀：早晨
♂：今日你有咩做啊？
♀：【圖片】做伴娘
♂：點解仲要遮樣呢？你都露過真身啦
♀：你理得我，點啊，好唔好睇？
♂：好睇，件衫好好睇，但你好唔好睇我評論唔到，完全睇唔到
♀：上次先講有朋友離婚，今日又去睇人結婚，我望住佢地會諗，會唔會有日佢地都會離婚呢
♂：緣來緣去，無人知，過程入面開心過就夠啦
♀：其實開心都有分層次既，當你努力，種開心可以係唔同
♂：但有時大家盡左力，分開都係一種成長
♀：對你講，成長係由經歷中得黎？
♂：係，人最大既成長係從伴侶身上得黎，因為呢個身邊最親近既人先可以令自己得到最大教訓
♀：你記得我玩田徑？
♂：記得
♀：當年我玩田徑既時，我好執著要每日練，因為從訓練之中我會成長，我跌過痛過好多次，攰到喊，當時我覺得要成長真係好辛苦，然後我教練同我講左一句，其實聰明既人除左從經歷中成長之外，仲要以透過觀察，理論去成長，有好多前人既經驗同睇法，大家都總結左出黎，唔需要凡事都從失敗中成長
♂：我明你意思，離婚都可以令人成長，但亦可以透過睇旁人既經驗去避免錯誤，令自己唔需要承受失敗既教訓
♀：可以咁講，所以我睇好多書，每次睇我都會諗到底自己有乜得著
♂：因為咁，先會有今日既你
♀：係，所以我覺得我得到既都係我應得，因為我付出既努力唔少，我對得住我既成果
♂：咁你從旁人離婚同結婚中有咩得著？
♀：每個人都因為愛而結合，亦因為失去愛而分開，當一個人唔想再付出時，就會完結
♂：無人可以保證一世都愛一個人
♀：如果對方夠好既，你唔想失去佢，你就會在意自己做得好唔好，有冇可能再進步做得更好
♂：有好多時唔係你做好，對方就會珍惜
♀：咁如果你有癌症，你做既未必會令你變返以前一樣，咁你係咪就決定唔做？
♂：係，每個人都只可以做好自己，有時未必因為成功而堅持，而係因為堅持而成功
♀：睇黎你讀過Econ，邏輯唔錯
♂：係，中學大學都有讀過
♀：你大學讀邊間？
♂：嶺南
♀：……我都係……
♂：嘩，你讀邊屆？
♀：唔係你個屆囉
♂：咁你讀乜
♀：我讀中文既，但我都知道咩係邏輯
♂：你估我地當年有冇見過？
♀：可能當年我地曾經擦身而過，然後有回望過對方，係咪聽落好浪漫？
♂：無最後個句都幾浪漫既
♀：唔好諗埋d假設性既野啦，我覺得我地無見過
♂：但可以係同一間大學都係緣份，你知嶺南既人唔多
♀：的確係既，你大獲喇，只有鍾意一個人先會不停找尋共通點，硬係要令大家好似好有緣咁
♂：咁係好難得囉
♀：當一個人喜歡對方，就會不斷找尋共通點，但唔喜歡對方，就會不斷搵差異，但明明係同一個人，所以愛唔愛，先係重點
♂：我希望我可以一直都找尋到大家既共通點
♀：咁我希望你可以搵出我同你既唔同而彼此接受
♂：你層次都幾高
♀：當然，知性美既人就係咁有內涵
♂：咁麻煩你都贈返幾個字比我
♀：【圖片】
♂：咩意思？
♀：呢兩個字啱你
♂：……即係你想我每日都提醒自己係一個傻仔？
♀：我無迫你啊
♂：【圖片】
♀：哈哈哈，你真係好傻
♂：可以既話，可唔可以親口講聲我聽？
♀：你係咪被虐狂？點解你會想聽人鬧你？
♂：快！
♀：【聲音】
♂：痴線，點解把聲都可以咁好聽！等我set做鬧鐘先！
♀：喂……Over左喇
♂：但你鍾意！
♀：我幾時話鍾意！
♂：我係文字中感受到，係腦電波中聽到
♀：痴線仔
♂：語音plz
♀：唔啊，你好痴線啊，我要考慮下同唔同你做朋友，我怕智商會比你拉低
♂：都係個句，愛情會令人變傻
♀：邊個同你有愛情！
♂：我又聽到喇
♀：喂……
♂：得喇得喇，唔講喇，再講你應該就會嫌煩
♀：你知就好，夜喇，早少少休息，聽朝聽到我叫你你就好起身喇
♂：知道！有冇聽過，想同你一齊訓，係色狼先講，詩人會講，想同你一齊起身
♀：你點講你都係一個色狼
♂：但你喜歡
♀：仲係咪要再傾！？仲唔訓！！！
♂：好啦好啦，晚安，聽日見
♀：晚安！
——
長傾·不見 第二十一回 【圖片】限時動態到午夜12時
請到IG查看，以後會有更多細節在IG補全，可以先follow ig以免錯過
Ig:
Maydreaming1123
/
Search 蔣薇
——
長傾·不見 第一回 @筆友
https://bit.ly/LongchatEP1
長傾·不見 第二十一回 @漸漸
https://bit.ly/LongchatEP21
嶺南大學好唔好 在 嶺大女神the secret girl of Lingnan - Posts | Facebook 的推薦與評價
為尋找那位曾經係嶺南大學上堂返hall係canteen嶺南樓富泰遇過的男/女神，特開此頁。 ... 遠得幾遠like得有幾多得幾多為求得到你地既支持同共鳴我地唔好俾呢個page停!!! ... <看更多>