「代溝關注組」這類節目，若要吸引年輕人收視而不是老人院護士一面坐在輪椅邊餵食、電視一面開着的點綴裝飾，「關注」的代溝問題，如果是「新抱應該點樣和婆婆相處」、「同枱食飯仔女應主動夾餸俾老人家」，那麼半世紀前的白燕黃曼梨粵語片已經是原創，或者不如重播汪阿姐主演的「我的野蠻奶奶」，由林作馮盈盈一team、鼎爺肥媽另一邊，作出戲劇導賞，仲慳D力。
TVB最大的問題，係乜都覺得太「敏感」，所以電視劇一觸及家庭和代溝，永遠就係電視劇同枱食飯，一張枱坐爺嫲父母仔女六七個，留四份一空間用來遷就Camera。
現在代溝關注的貼地問題，不再是「那時你哋老人家有冇得夜蒲」，或者「你哋那一代對性有何睇法」。
如果Viu TV 不想長遠變成TViuB，不妨抄番轉頭，開一個「代膠關注組」，由Mirror 精選出兩個牙尖咀利者，Versus 陳欣健搭曾鈺成，選擇以下真正代溝話題：
1，你哋老人那一代的警察係點？
2，老人成日叫嚷恢復「獅子山下精神」，你哋那一代的獅子山下，遍地山寨工廠，包括新蒲崗的人造膠花，現在的獅子山下冇晒工廠，無分老幼人人低頭睇手機，請問「精神」何來？
3，在「我討厭政治」的Disclaimer 之下，1967年左派暴動（簡稱「赤暴」）民生親歷回憶及殖民地政府回應，與2019「黑暴」處理手法對照？（聚焦於Crisis Management 和生活細節，避免捲入「當時毛澤東和英女皇雙方、誰才代表人類普世文明」之類的學術爭論）。
4，你哋那一代的港督與高官，點解冇一個乞人憎到會淪為鵝頸橋阿婆拖鞋底拍打的目標？

新蒲崗兩餸飯 在 香港兩餸飯關注組| 新蒲崗齊記，試業中 - Facebook 的推薦與評價
新蒲崗 齊記，試業中。被水氣遮蓋的是麻婆豆腐和肉碎蒸蛋。 -油菜就係油菜無特別。 -咕嚕骨唔太酸適中，脆口少肉好似食緊天婦羅脆脆咁。 -麻婆豆腐夠辣豆腐滑但少肉碎。 ... <看更多>