《點解偽科學係香港可以橫行？》
因為有好幾個邏輯從來無人去講清楚
自各方勇士踢爆顧小培偽科學後，唔少人好信保健品能醫百病、治癌、有病醫病無病強身仲可以防肺炎，佢地有幾個好有趣但常見嘅論點，開心share俾大家
1. #人家有博士學位PhD，又係藥廠做過
首先，一個人嘅背景雖然可以增加可信性，但唔會automatically令佢講嘅嘢變真理。我地要分析嘅係到底佢講嘅嘢合唔合理、合唔合邏輯、有無證據支持，特別當關乎健康嘅時候，我地無妥協嘅空間。
2. #你有無跟進佢嘅病人再去證實佢嘅保健食品無用，無法治癌（FYI 通常保健品會用「對抗」呢d好vague嘅字眼去避開法律風險）
如果有癌症病人睇我，我第一時間會先做一個 #具質素 的醫療諮詢，同佢講清楚用傳統醫學治療的成效、風險、醫個病同唔醫個病嘅風險、個病嘅disease course, prognosis等等。
再同佢分析如果佢選擇只以保健品治癌（或對抗）癌症嘅風險以及保健品係治癌方面嘅證據同研究。
如果為咗證實佢嘅保健品無法治癌，淨係跟進佢食保健品，而唔提供alternative evidence based治療嘅選擇，呢個係極為唔道德嘅行為，我係唔會做。
*我亦會專介俾腫瘤科醫生跟進提供更專業嘅諮詢
更加重要嘅係 #點解論證責任唔係佢身上 點解證明佢賣嘅保健品能否治癌，唔係佢搵證據去支持，而係我要搵證據去話佢無用？
如果有日有人叫大家食泥可以治癌，我地唔叫佢證明食泥點樣治癌，竟然係叫大家證明食泥治唔到癌？
3. 唔係wor，#我個親戚個朋友個妹個老公試過西藥，愈試愈差，用完保健品就咩事都無，好work的
先唔講N=1/2/3/4/5 or even 10，網絡上你係唔可能verify呢個親戚/朋友/個妹/個老公嘅個案係唔係真實，當中有無安慰劑效應、confounding factors等等。
當然，選擇相信邊個人、選擇咩類型嘅治療方法、選擇服用西藥、中藥、保健食品、神打定還是性交轉運，是你的自由和權利。
但重要嘅係informed consent & decision，如果諮詢嘅過程有講得好清楚d研究係
1. preclinical實驗室+/-老鼠，無大型人類臨床研究
2. 未做人類副作用、中毒及有效劑量、pharmacokinetic, pharmacodynamic, bioavailability, liver renal involvement, CYP system involvement等等
3. 人類治癌時要一日食幾多次係未知、食幾多又係未知、食幾耐又係未知、食完點跟進monitor器官功能未知、食完點monitor progress同response通通都未知
如果你做足哂具質素嘅諮詢，將個背景清楚咁講俾個病人知，個病人make their own informed decision咁其實係無問題。
但個問題係無咁做，偽科學嘅點在於佢地試圖用學歷、學術用語去誤導你，令你覺得仍然只屬preclinical階段嘅保健品好有效咁去治癌。
你大可以繼續相信他們，#這是你的選擇和權利，你可以覺得我無料，你可以覺得我無人地幾十年經驗又做過藥廠係專家，你可以覺得我無為病人做過咩實事，我並唔在乎你的認可。
我對得住天地良心亦一直以來盡我能力和道德價值去照顧所有我接觸過嘅病人，對我而言，病人嘅健康和權益是最重要的，#沒有妥協的空間。
有病醫病無病強身 在 Bupa Hong Kong 保柏- 【有病醫病無病強身？】 「都市人亞 ... 的推薦與評價
近年香港大興保健潮，以上對白聽得多，講到可以有病醫病、冇病強身咁神奇，係咪真係咁有效先？唔食係咪會走寶呢？ 今個月，Bupa為你解開營養補充品同健康 ... ... <看更多>